MATEO 2:12 - Wanaadi A'deddu

¹² Yääje mma yaawä töjaatacäiñe cönennacaicho anejja ääma tai. Tönwanno Edoodhe dö’täcä ennaca’da cöneiya’to, yääje töwäänetöödöcoomo ai ecamma’jödö weijäcä.

MATEO 2:12 Iomraidhean Croise

MATEO 1:20

E’nomjadö jäcä chö’tajäätödaawä Cajiichaana amoodedö cönäänejoi chäwwä, iwäänetöödö ai; cönä’döaacä: —Amäädä José, Dawí weichö, ajiiñamooje Madía tödöödö mma monnontäi. Epíiditu Santo woijato wamoodetaajä ñäädä iiñedö, töwennueemöje naadö.

MATEO 2:13

Yää ’jeje, jöwaiñamo wöta’comjäcä, Cajiichaana amoodedö cönäänejoi José wwä, iwäänetöödö ai; cönä’döaacä chäwwä: —Ääma’täcä; shiichu’cä adääcä, yeenö mmaja. Ejiito ña äänejeetäcä. Iiña eichäcä’de öwwä ecammadö wa’cä. Edoodhe dajaane shiichu’cä nujiiya emaadö wetä; quee cönä’döaacä amoode José wwä.

MATEO 2:19

Yaawä Edoodhe wääma’jäcä, Cajiichaana amoodedö cönäänejoi José wwä Ejiito ña yeichö, iwäänetöödö ai. Edääje cönä’döaacä:

MATEO 2:22

Yaawä José wwä eta’jäcä yuumö nwacaanoje Aadaquedao cajiichaanaje yeichö Judheea ña, töwö tösaade cönä’jaacä, iiña töötä’se’da. Töwäänetöödö ai ecamma’jödö weijäcä Caadideea ña mma cöntämä.

MATEO 27:19

Yaawä äcamma’jonei a’täi ye’wä Pidaato weichö ijiiñamo tanoonö cönaanontäi yöiña, edääje ecamma: “Conemjönö männöi’che ñäädä dhanwa aashichaato jäcä. Wäänetöödö ai weneeanä, cone’da wä’jaanä jooje;” quee ecamma.

DUUCA 2:26

Chäwwä Epíiditu Santo necammadö cönä’jaacä ääma’da yeichojo töwwä Äwaanacaanei eneedö wa’cä, ñäädä Cajiichaana nanontädö.

DOSECHO 10:22

Ñanno cönä’döa’to yaawä chäwwä: —Conneediyo woije ñaa neejä, ñäädä suddau edhaajotoncomo. Aashichaato töwö, Wanaadi tönoiñe töneene. Tameedä judhíocoomo aashicha töwa’deuwe weneeneto chääjäcä, tumjumma mmaja. Wanaadi amoodedö chäwwä cönä’döaacä: “Peedhodo ene’jocä’de adöiña, chäwwä ecammajäätödö metaiye;” quee cönä’döaacä ñäädä amoode; quee cönä’döa’to ñanno Conneediyo sotoi.

DOSECHO 4:19

Yaawä Peedhodo cöneccujä’a’to: —¿Änääcö a’deddu etaajai ñaa nichö’taanä äwwäiñe Wanaadi owaadäädä, änwanno ’ja, Wanaadiiñe’ ?

DOSECHO 5:29

Yaawä Peedhodo, anejjacoomo anonta’como mmaja, cöneccujä’a’to; cönä’döa’to: —Wanaadi woijeene eijai ñaa na, soto woije’daane.

1 CODINTIYO 3:19

Edä nono de’wono sejje wä’shiquiijanä nönge mma Wanaadi wwä na. Dha’deddu imennaajä jäcä edääje nä’döa: “Töwö Wanaadi tösejjeca’como nashiichuudaato’de shejjedööcomo que dea mma;” quee nä’döa.

EEWEDEO 11:7

Ecamjödö que mmaja Noé aashicha cöneetai Wanaadi necamma’jödö äcuude töweeja’dä’emö jäcä; töwö cönnöi jidaawa töwä’jimmä’tädö ewaanacaato’comooje. Yää töneecamjödö que chäänönge’da ñanno soto weichöcoomo cöneenejoi. Töneecamjödö jäcäinchädä Wanaadi jadoonoje cönä’döjoi, yää ecamjödö aiño tojoodöeemö.

EEWEDEO 8:5

Canno edä nono de’woncomo Wanaadi wwä töwa’deuwaamo caju ñano cu’tädööje mma naato. Edääje Wanaadi cönä’döaacä Moisé wwä, chäwwä töweichojo amoojooje: “Tameedä tödööcä’de jöö de’wä aweichö äwwä weneejoneedö nönge;” quee cönä’döaacä Wanaadi.