MATEO 2:11 - Wanaadi A'deddu

¹¹ Maa taca cönoomomöicho yaawä. Shiichu’cä cöneenea’to, yeenö Madía enaawä. Tä’mudhe cönä’döicho yaawä shiichu’cä je’taca; cönwa’deme’ca’to. Yaawä töjaatuwaichomo a’ducaadö’jo, aashichaato cunu’jätöicho chäwwä, oodo, juu shimi’jotoojo mmaja, adhaawa täjeeto mmaja.

MATEO 2:11 Iomraidhean Croise

MATEO 1:18

Edääje Jesuuquidiito cönennui: Yeenö Madía cönä’jaacä José jadä töwä’döeemöje, töwäätäcamma’jo’jocoomo weijäcä. Yö’tä ä’dö’dadä Madía cönwensu’täi, Epíiditu Santo woije.

MATEO 12:46

Soto wwäiñe Jesuuquidiito wa’deutaame dea yeenö cöneejoto dhacontomo jadä. Tönwanno jödo’na cönä’ja’to; Jesuuquidiito jadä töwa’deuwö’se cönä’ja’to.

MATEO 14:33

Yääje mma yaawä ñanno cudiiyada acancomo tä’mudhe cönä’döicho Jesuuquidiito je’tacä; —Wanaadi nnedö dämma amäädä; quee cönä’döa’to.

MATEO 2:10

Shidiichä eneea’jäcä töwwäiñe ñanno jöwaiñamo cöna’cwainchaicho jooje.

MATEO 2:2

Tönwanno cönä’döa’to: ¿Äsha nai judhíocoomo cajiichaanaichomo wennuaajä? Ñaa cöneeneaacä chu’tädö shidiichä, shii weja’catoojo dö’se yeeja’caajä. Sadä ñaa cöneejä yaawä ya’deme’que; quee cönä’döa’to.

DUUCA 2:16

Yaawä dea mma tönwanno cönääma’toicho. Iiña töwä’döa’comjäcä Madía cöneedantoicho yäätä, José mmaja, shiichu’cä mmaja, jaaca uduucomo ewöötö aca ummichaajä.

DUUCA 2:38

Yaawä dea mma töwö Aana cönoomomöi yöiñaiñe; aashicha cöna’deuwöi Wanaadi wwä. Yää ’jeje soto wwäiñe cöna’deuwacä ñäädä mude’cä’cä jäcä, ñanno Jeduusadén ñancomo wääwanaacato’como yoomo’nnamo wwäiñe.

JUAN 19:39

Niicodheemo mmaja yäätä cönä’ja’dea, ñäädä Jesuuquidiito döiña coijai cöneiya’nei. Töwö cönnejä juu shimi’jotoojo oimaajä, aacä sotooto quiidoto ’cäwa’cä.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.

APOOCADIISI 5:8

Yaawä jajeeda eiya’jäcä chäwwä, ñanno aacäicheea’como amoode’na’como mmaja, ñanno tooni sotooto de’wä aacäicheea’como inchoncomo mmaja, tä’mudhe cönä’döicho Oweeja nnedö’cä je’taca. Ñanno inchoncomo waadäiñe cönä’jaacä jantuuda, cancudu mmaja, oodo döaajä, juu shimi’jotoojo tödau’cwaamö dhaca. Yää juu shimi’jotoojo na töwwä Wanaadi sotoi wa’deuwödööcomo cu’tädö.