MATEO 2:1 - Wanaadi A'deddu

¹ Wedén ña Jesuuquidiito cönennui, Judheea nonoodö de’wono jataawä, Edoodhe yää jata cajiichaanai’chädööje yeichö. Yaawä jöwaiñamo cöneejoto shii weja’catoojo dö’senno. Jeduusadén ña cönä’döicho.

MATEO 2:1 Iomraidhean Croise

MATEO 1:25

Chäänawä ei’cha töweiye cönä’jaacä yaawä iiñedö awa’deeto wennudu wa’cä. Jesuuquidiitoje cöne’täi yaawä.

MATEO 2:16

Yaawä, ñanno jöwaiñamo wwäiñe täncu’tä’jödö towaanäcä yä’döa’jäcä, Edoodhe cönäätömai jooje. Tameedä mudeeshi’chä Wedén ñancomo töjaajodööcomo cönaanontäi yaawä, Wedén ñano jäcä amoinchemjöncomo mmaja. Dhanwaacomo’cä dea mma cömja’ja’to, yeenötoncomo enaawoncomo dea mma, aacä weduuto jona tödööene, mädä ’cäwa’cä numa yeichö ecamma’jödö weijäcä jöwaiñamo wwäiñe awa’deene töwwäiñe shidiichä ene’jödö.

MATEO 2:19

Yaawä Edoodhe wääma’jäcä, Cajiichaana amoodedö cönäänejoi José wwä Ejiito ña yeichö, iwäänetöödö ai. Edääje cönä’döaacä:

MATEO 2:3

Yää eta’jäcä cajiichaana Edoodhe cönääcatoncai, tameedä Jeduusadén ñancomo mmaja.

MATEO 2:5

Tönwanno cönä’döa’to: —Wedén ña yennutoojo ecammaajä na, yää Judheea nonoodö de’wono jataawä. Edäaje naadö naane’ Wanaadi wa’deuwödö ecammanei nimennä’jödö:

MATEO 2:7

Yääje mma yaawä Edoodhe tacaade’da cöna’dejjaicho ñanno jöwaiñamo; cöneecamma’joicho: —¿Ächännauwä’cä cönäänejoi ñäädä shidiichä? quee cönä’döaacä. Yaawä ñanno yäänejo’jödö cu’nadö cöneecammaicho chäwwä, sa’donna.

DUUCA 1:5

Yaawä Judheea ña Edoodhe cajiichaanaje yeichö, töweiye cönä’jaacä Wanaadi wwono wa’deuwödö, Saacadía täätö. Töwö cönä’jaacä Awía sotoi jimmäje. Ijiiñamo mmaja cönä’jaacä Aadón weichö, Ediisawé töwö chäätö.

DUUCA 2:11

Eduuwa Adheewanaacaneichomo nennui, Dawí jataacäi’jödö, ñäädä Quidiito, Cajiichaana.

DUUCA 2:15

Töjonnoiñe ñanno amoode wöta’comjäcä caju ña, oweeja edai’chännamo cönä’döa’to tönwannoje dea: —Wedén ña cöötätäiye. Queenetantäiye yää Cajiichaana cöwwäiñe necaademe’joichö; quee cönä’döa’to.

JUAN 7:42

¿Yääje jönca Wanaadi a’deddu imennaajä nä’döaanä: “Dawí atöödöje na’de Äwaanacaanei; Wedén ñanooje na’de töwö, Dawí jata’jödö awoono;” quee jönca imennaajä nä’döaanä? quee cönä’döa’to soto.