MATEO 16:1 - Wanaadi A'deddu

¹ Yääje mma yaawä jaadiseeocoomo, saadhuseeocoomo mmaja, cöneejoto Jesuuquidiito döiña. Tönwanno oneejadööje mmädä ene’ju’tojo cönnöja’to chäwwä, caju ñanooje töwäänejootojooje.

MATEO 16:1 Iomraidhean Croise

MATEO 12:14

Yaawä ñanno jaadiseeo cöneeja’caicho. Cöne’jummaicho yaawä Jesuuquidiito emaadö a’de’tädö wetä.

MATEO 15:1

Yaawä Jesuuquidiito döiña cöneejoto anejjacoomo jaadiseeo, judhío owaanomannamo mmaja, Jeduusadén ñancomo we’a’como. Tönwanno cönä’döa’to:

MATEO 16:6

Yaawä Jesuuquidiito cönä’döaacä chäwwäiñe: —Odhoowadäädaiñe eichäcä; äädäi’chätääcä jaadiseeo nummannä’cato’como jäcä, saadhuseeo nummannä’cato’como jäcä mmaja; quee cönä’döaacä.

MATEO 19:3

Yaawä anejjacoomo jaadiseeo cöneejoto Jesuuquidiito wwadäädä. Tönwanno oneejadööje mmädä cöneecamma’joicho: —¿Aashicha ca eijai ñai dhanwa wwä töjiiñamo e’nomjadö tumjummadö woije mma? quee cönä’döa’to.

MATEO 22:15

Yääje mma yaawä jaadiseeo cöntonto; tönwannoje dea cöna’deuwa’to cone’da Jesuuquidiito a’deudeme’jotoojo jäcä, chääjäcä cone’da töwa’deuwödööcomo wetä yaawä.

MATEO 22:18

Jesuuquidiito dhowaanäcä cönä’jaacä cone’da ta’deudeme’jo’se yeichöcoomo. Töwö cönä’döaacä: —Yääjönö wa’co’como wäänejoodö änwanno. ¿Ane’cotoojo cuyuunacaato?

MATEO 22:23

Yää anooto awä dea anejjacoomo saadhuseeo cöntonto Jesuuquidiito ene, ñanno töwäämaajo jonno waadoncanä aneecanö’jöncomo. Tönwanno cönä’döa’to:

MATEO 23:2

—Adheedhajootoncomo ñanno owaanomannamo, jaadiseeo mmaja, Moisé wei’jödö nönge dea.

MATEO 27:62

Yää jenamma naadöje, wäädeetatoojo anooto owaajo choonecaajä’tojo anootoi’chädö jenamma naadöje, Wanaadi wwä töwa’deuwaamo edhaajotoncomo, jaadiseeo mmaja, tujuumä cöne’jummaicho Pidaato döiña;

MATEO 5:20

Edääje wä’döa äwwäiñe, judhío owaanomannamo e’jodheiñe jeene’da aweiya’comjäcä, aashicha aweichöcoomo, jaadiseeo e’jodheiñe’da aweiya’comjäcä mmaja, Wanaadi sotoije eijai’cha maato.

MATEO 9:11

Yää eneea’jäcä jaadiseeo wwäiñe tönwanno cönä’döa’to Jesuuquidiito nowaanomaadö wwäiñe: —¿Ane’que’nei mmaja odhoowanoomaneichomo nääwashinchannea acu’shänä jödaatai i’jummannamo jadäiñe mmädä, conemjönö dönnamo jadäiñe mmaja? quee cönä’döa’to.

MAADOCO 10:2

Yaawä anejjacoomo jaadiseeo cöneejoto chäwwadäädä. Tönwanno oneejadööje mmädä cöneecamma’joicho dhanwa töjiiñamo e’nomjajai yeichö jäcä.

MAADOCO 12:15

Jesuuquidiito dhowaanäcä cönä’jaacä yäätäncu’tädööcomo. Töwö cönä’döaacä chäwwäiñe: —¿Ane’cotoojo cuyuunacaato? Jödaata änne’täcä tooni, weneiye.

MAADOCO 12:18

Yääje mma yaawä Jesuuquidiito döiña cöntonto anejjacoomo saadhuseeo, ñanno töwäämaajo jonno waadoncanä aneecanö’jöncomo. Tönwanno cöneecamma’joicho; cönä’döa’to:

DUUCA 10:25

Yääje mma yaawä judhío owaanomannamo jimmä cönammöi; töwö Jesuuquidiito oneejadööje cönä’döaacä: —Owaanomaanei, ¿ane’cäämö tödööjai wanä weichö töwaatamemjönö chaana’catoojoje? quee cönä’döaacä.

DUUCA 11:16

Anejjacoomo Jesuuquidiito yuunacaadöje ene’ju’tojo cönnöja’to chäwwä, caju ñanooje töwäänejootojooje.

DUUCA 20:23

Jesuuquidiito dhowaanäcä cönä’jaacä cone’da ta’deudeme’jo’se yeichöcoomo. Töwö cönä’döaacä: —¿Ane’cotoojo cuyuunacaato?

DUUCA 20:27

Yää ’jeje Jesuuquidiito wwadäädä cöneejoto anejjacoomo saadhuseeo, ñanno töwäämaajo jonno waadoncanä aneecanö’jöncomo. Tönwanno cönä’döa’to Jesuuquidiito wwä:

JUAN 8:6

Tönwanno yääje cönä’döa’to Jesuuquidiito oneejadööje mmädä, cone’da chääjäcä töwa’deuwödööcomo wetä yää ’jeje. Jesuuquidiito cönootommoi yaawä; tamäädö dhadaadö que cönaajäntäi yaawä imennädö nono de’wä.

DOSECHO 4:1

Peedhodo, Juan wwäiñe ecammajäätödaawä ñanno Wanaadi wwä töwa’deuwaamo cöneejoto, Wanaadi weichojo edai’chännamo edhaajotoncomo jadä, saadhuseeo jadäiñe mmaja.

DOSECHO 5:17

Yaawä Wanaadi wwä töwa’deuwaamo edhaajotoncomo, ijimmotoncomo saadhuseeo mmaja, tö’neiñe cönä’ja’to.

1 CODINTIYO 1:22

Judhíocoomo ene’ju’tojo ene’se weneeneto; quidiiyeecocoomo ’quene towaanojo’ne töweichöcoomo tumjumma weneeneto.