MATEO 13:12 - Wanaadi A'deddu

¹² Ñäädä töweiyato wwä jooje’cä nä’tua’de; jooje chäwwä na’de yaawä. Ñäädä a’cato mmaane nätänwajiiñaja’de yää she’caasa töwwä naadö que.

MATEO 13:12 Iomraidhean Croise

MATEO 21:43

Yääje yeijäcä edääje äwwäiñe wä’döa: Wanaadi ayu’caato’de tösootoije aweichöcoomo jonno. Anejjacoomo tösootoije nödööaato’de, töwoije tödönnamoone.

MATEO 25:29

Ñäädä töweiyato wwä jooje’cä nä’tua’de; jooje töweiye na’de chäwwä yaawä. Ñäädä a’cato mmaane nätänwajiiñaja’de yää she’caasa töwwä naadö que.

MAADOCO 12:9

“ ¿Ane’cäämö tödööjai ñai ñäädä audaajä edhaajä, quee ’ja? Töwö ne’a ñanno audaajä edai’chännamo töja’eiñe; anejjacoomo wwä audaajä edai’chojoodö wetä.

DUUCA 10:42

Tooni mma na tujunnato jaiñoone. Madía mmaane aashichaato nijumma. Yää que ätänwajiiñajo’da na’de; quee cönä’döaacä Jesuuquidiito.

DUUCA 12:48

Ñäädä towaanäcä’da yeiyancädä conemjönö tödöönei’jödö mmaane äächädä töwaataiju’jojootödö que nätä’maminchaja’de. Ñäädä joojato chäwwono wä’tu’jödö, jooje’cä u’jai ña. Ñäädä jooje yö’tono ñängajä wwä jooje’cä ne’ca’aato’de.

DUUCA 16:2

Yääje mma yaawä ñäädä dhanwa tanoonö cönä’dejjai; cönä’döaacä: “ ¿Aaqueneeto mädä äjääcä näätaadö? Sa’donna ecammacä tameedä ataadawaajui’jödö. Önnödö edhaajäje eijai’cha ma eduuwa;” quee cönä’döaacä.

DUUCA 16:25

Aawadán cönä’döaacä chäwwä: “Ätö’tacä önnedö, nudä aweichö aashicha awei’jödö jäcä, Dáasado wäntunaanö’taame. Eduuwa töwö täncanoode’da na, amäädä äwäntunaanö’taame.

DUUCA 8:18

“Yääje yeijäcä aashichaane etaatäcä. Ñäädä töweiyato wwä jooje’cä nä’tua’de. Ñäädä a’cato mmaane nätänwajiiñaja’de yää töwwoto wa’cä nichö’tamme’caadö que; quee cönä’döaacä Jesuuquidiito.

DUUCA 9:26

Ñäädä öwö Soto nnedö jöichänei, ya’deddu jöichänei mmaja, öwö mmaja wijöicha’dede Cajiichaanaje we’a’jäcä, Jaaja nnataadö jääcä, amoode aashicha’como nnataadö jääcä mmaja.

SANTIYAACO 4:6

Töwö Wanaadi aashicha töweichö woije cö’wa’tätäiñe weneene. Edääje dha’deddu imennaajä jäcä nä’döa: “Wanaadi nä’jädu’ta o’jodhaato tö’tajäätödö jäcä; o’jodhe chö’tajä’jönö mmaane töwö töni’wa’tä weneene, aashicha töweichö woije;” quee nä’döa.

APOOCADIISI 2:5

Yääje yeijäcä ätö’tacä awa’deene awei’jödö jäcä, yää choojonno töwe’ducca maadö. Ätö’tajäätödö sha’duminchacä; tönnöe mä’jaaquennö mmaja tödööcäde. Ecooneca’da aweiya’jäcä öwö adöiña wöta’de; adhaawa äwwä naadö que manenwajiiña’de, ätö’tajäätödö änsa’dumincha’da aweiya’jäcä.