MATEO 11:5 - Wanaadi A'deddu

⁵ Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

MATEO 11:5 Iomraidhean Croise

MATEO 10:8

Cädäija’como adoncatääcä’de, woi ’ja’como mmaja, äqueejö mmaja. Odo’sha ija’canö’jotääcä’dede. Täje’da mädä tödöötojo äwwäiñe nä’tua; täje’da mmaja u’täcä’de änwanno.

MATEO 11:4

Jesuuquidiito cöneccujä’acä; cönä’döaacä: —Aneene’jocoomo ecammajä’tantäcä Juan wwä, aneeta’jocoomo mmaja.

MATEO 12:13

Yaawä Jesuuquidiito cönä’döaacä ñäädä dhamäädö töwaamo’mongato wwä: —Änwojoocä; quee. Ñäädä cönänwojoi; dhamäädö aashicha cönä’döi yaawä, ijaatoono nönge mmaja.

MATEO 21:14

Yäätä Wanaadi weichojo taca tänuuquemjöncomo cöneejoto Jesuuquidiito wwadäädä, secumja’como mmaja. Töwö cönaadoncaicho yaawä.

MATEO 5:3

—Ta’cwaiñe eijai ñaato ñanno a’ca’como tö’tadö, Wanaadi töcaajichaanaichomooje yeijäcä.

MATEO 9:30

Tönwanno töneene cönä’döicho yaawä. Yaawä Jesuuquidiito cönwätuujaicho jooje; cönä’döaacä: —Anejjacoomo wwäiñe maneecammajä’täi’che; quee cönä’döaacä.

MAADOCO 7:37

Tönwanno jooje töwääcatonca cönä’ja’to. Edääje töwä’döe cönä’ja’to: —Töwö Jesuuquidiito tameedäädä aashicha tönnöe. Töjaanaquemjönö jadä’jödöödä tömjana’duca, ta’deudemjönö töna’deudeme’jo mmaja; quee töwä’döe cönä’ja’to.

MAADOCO 9:25

Yaawä töwwadäädä jooja’como soto we’jummadööcomo eneea’jäcä Jesuuquidiito odo’sha cöneuwöi; cönä’döaacä: —Odo’sha ana’deudeme’jojöönö, aneetajoojönö mmaja, yääje wä’döa äwwä, dhacanno adheeja’cacä. Dhaca mmaja yää ’jeje odhoomomöi’chede; quee cönä’döaacä.

DUUCA 4:18

Epíiditu Santo ’je wa; Cajiichaana Wanaadi ye’täne wentumja’como wwäiñe aashichaato wätunnä ecammajä’neije. Töwö yaanontäne wentumja’como tö’tajäätödö i’wa’täiñe, jedeesoja’como tö’tajäätödö i’wa’täiñe mmaja, tänuuquemjöncomo enu’täneichomooje mmaja; yäntunamjödööcomo i’wa’täneichomooje mmaja töwö yaanontäne dea,

JUAN 10:25

Yaawä Jesuuquidiito cönä’döaacä chäwwäiñe: —Wääcammane deeade äwwäiñe; änwanno aneecamjö’da meiya’quene. Yää Jaaja woije tönnöe wääneneedö yää nene’ju’ja chäänöngatooje weichö.

JUAN 10:38

Dha’da Jaaja nödöödö nönge mmaja öwwä tödööa’jäcä önnödööne ecaanö’jai maato, öwö ya’deddu aneecamjö’da aweichaameiñe. Mädääje odhoowanääcäiñe eijai ña Jaaja yaaca yeichö, öwö dhaca weichö mmaja; quee cönä’döaacä Jesuuquidiito chäwwäiñe.

JUAN 2:23

Yaawä Weja’dätä’jä anooto comjedensiyai’chädö awä Jeduusadén ña Jesuuquidiito cönä’jaacä. Yaawä jooje soto cöneecamjöicho täneemö iiñödö eneedö’jo.

JUAN 3:2

Töwö cöntämä Jesuuquidiito döiña, coijai; cönä’döaacä chäwwä: —Owaanomaanei, ñaa owaanäcä na Wanaadi nanontä’jödööje aweichö ñaa owaanomaaneije. Anejja tödööjai’cha mädä täneemö tönnöe määneneedö Wanaadi chääjadä’da yeiya’jäcä; quee cönä’döaacä Niicodheemo Jesuuquidiito wwä.

JUAN 5:36

Töweiye öwwä na Juan necamma’jödö e’jodhaato jaiñoone. Mädä Jaaja waanontädö tönnöe wääneneedö nene’ju’ja Jaaja yaanontänei’jödööje yeichö.

JUAN 9:7

cönä’döaacä chäwwä: —Äjäänë; adheecoccata Siidoé cu’jäi aca; quee. Anontaajä; quee töwä’dö’se yeichö yää Siidoé, quee naadö. Ñäädä tänuuquemjönö cöntämä yaawä; chu’jä aca cöneecoccai. Yaawä iiñano’jödö töwä’döa’jäcä töneene cönä’jaacä.

DOSECHO 2:22

“Yääje yeijäcä ya’deddu etaatäcä änwanno iisadaaediitacoomo. Ñäädä Jesuuquidiito Naasade ñano cönä’jaacä dhanwa chäänöngato. Äwwäiñe Wanaadi cöneene’ju’joi yääje yeichö täneemö tödööjodö que, ene’ju’tojo tödööjodö que mmaja, aashichaato tödööjodö que mmaja, yää Wanaadi chäwwä tönnöjo cönä’ja’dö aneenedööcomooje. Änwanno odhoowanääcäiñe na yääje yeichö.

SANTIYAACO 2:5

Etaatäcä, jimmä umjummadö. Ñanno edä nono de’wono que tönsomaaquemjöncomo Wanaadi cöneicho jooje ecamjödö chäwwäiñe töweiyaamoje. Ñanno Wanaadi sotoije naato’de, tujummannamo weicho’como ñeecamma’jödö nönge dea.