MATEO 10:4 - Wanaadi A'deddu

⁴ Simón mmaja, ñäädä jäduujato wa’deuwödö; Juudha Icaadiyoote mmaja, ñäädä Jesuuquidiito u’nei’jödö.

MATEO 10:4 Iomraidhean Croise

MATEO 26:14

Yääje mma yaawä Juudha Icaadiyoote, ñäädä amoojadooto de’wä aaco’como jimmä, cöntämä Wanaadi wwä töwa’deuwaamo edhaajotoncomo döiñaiñe.

MATEO 26:15

Töwö cönä’döaacä chäwwäiñe: —¿Ä’waasa’cä u’jai maato öwwä Jesuuquidiito utuudu eje’jödööje? quee cönä’döaacä. Tönwanno jödaata cuntuicho chäwwä, tooni sotooto de’wä amoojadä.

MATEO 26:2

—Änwanno odhoowanääcäiñe na jenammato ncadheeda yää Weja’dätä’jä anootoi’chädö jäcä tö’tajo’tojo anootoije yeichö. Yaawä öwö, Soto nnedö, wä’tuja’de cuduusa jäcä waatajoijojoodö wetä; quee cönä’döaacä Jesuuquidiito tönoowanoomadö wwäiñe.

MATEO 26:47

Yääje Jesuuquidiito wa’deutaame dea Juudha cöneejä, ñäädä amoojadooto de’wä aaco’como Jesuuquidiito nowaanomaadö jimmä. Chääjadä cönä’ja’to jooje soto, dee dha’meiñe, sauda dha’meiñe mmaja. Tönwanno cönä’ja’to Wanaadi wwä töwa’deuwaamo nanontädööcomo, inchoncomo nanontädööcomo mmaja, ñanno judhío edhaajotoncomo.

MATEO 27:3

Emaajodö wetä Jesuuquidiito adäädö eneea’jäcä Juudha wwä, ñäädä u’nei’jödö wwä, töwö cone’da cönä’döjoi yaawä. Yää tooni sotooto de’wä amoojadä jödaata cöniiñacai yaawä Wanaadi wwä töwa’deuwaamo edhaajotoncomo wwä, inchoncomo wwäiñe mmaja.

MAADOCO 14:10

Yääje mma yaawä Juudha Icaadiyoote, ñäädä amoojadooto de’wä aaco’como jimmä, cöntämä Wanaadi wwä töwa’deuwaamo edhaajotoncomo döiñaiñe, chäwwäiñe Jesuuquidiito u’jai töweichö ecamma.

MAADOCO 14:43

Yääje Jesuuquidiito wa’deutaame dea Juudha cöneejä yaawä, ñäädä amoojadooto de’wä aaco’como jimmä. Chääjadä cönä’ja’to jooje soto, sauda dha’meiñe, dee dha’meiñe mmaja. Tönwanno cönä’ja’to Wanaadi wwä töwa’deuwaamo edhaajotoncomo nanontädööcomo, judhío owaanomannamo nanontädööcomo mmaja, inchoncomo nanontädööcomo mmaja.

DUUCA 22:3

Yaawä Caajuushawa cönääwaacai Juudha aca, ñäädä Icaadiyooteje chäätö cönä’ja’dö, ñäädä amoojadooto de’wä aaco’como jimmä.

DUUCA 22:47

Yääje Jesuuquidiito ya’deutaame dea jooje soto cöneejoto. Ñäädä Juudha täätö, ñanno amoojadooto de’wä aaco’como jimmä, awa’de cöne’acä. Töwö Jesuuquidiito wwadäädä cöneejä shuumadö wetä.

JUAN 13:2

Yaawä odo’sha cönääwaacai Juudha Icaadiyoote tö’tajäätödö aca, ñäädä Simón nnedö, Jesuuquidiito utuudu jäcä chö’tamme’jodö wetä chäwwä. Jesuuquidiito dhowaanäcä cönä’jaacä Wanaadi jonno töweejö’jödö, Wanaadi döiña töötotoojo mmaja; dhowaanäcä cönä’ja’dea Tumö nutuudu töwwä tameedä o’jodhe töweichojo. Yaawä töwääwashinchädaawäiñe Jesuuquidiito cönammöi meesa dö’tonno. Töwoomö de’wono cunu’cai; tö’dhau’cwäcä jaañu que cönä’möi yaawä.

JUAN 6:64

Yääje yeichaame änwanno dhantai aneecamjö’da dea maato; quee cönä’döaacä Jesuuquidiito. Töwö Jesuuquidiito jenaadäde dhowaanäcä cönä’jaacä ñanno aneecanö’jöncomo, tu’neije töweiyemö mmaja.

JUAN 6:71

Töwö yääje cönä’döaacä Juudha Icaadiyoote ecammancädä, ñäädä Simón nnedö; ñäädä cönä’jaacä Jesuuquidiito u’neije töweiyemö. Töwö cönä’jaacä ñanno amoojadooto de’wä aaco’como jimmä dea.

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.

DOSECHO 1:25

Juudha nwacaanoje anontaajäje eiye yaawä. Ñäädä Juudha conemjönö tödö’jödö jo’tädööje anontaajäje töweichö jonno cönäätu’cajoi, töweichojo döiña töötädö wetä; quee Wanaadi wwä cöna’deuwa’to.