MATEO 10:3 - Wanaadi A'deddu

³ Jediipe mmaja; Waadotoodomé mmaja; Tomá mmaja, Mateo mmaja, ñäädä acu’shänä jödaatai i’jummanei’jödö; Jacoowo mmaja, Aadeujeeo nnedö; Deweo mmaja, ñäädä Tadheo täätö mmaja;

MATEO 10:3 Iomraidhean Croise

MATEO 18:17

Ñanno a’deddu aneeta’da dea yeiya’jäcä mmaja, Wanaadi sotoi wwäiñe ecammatääcä’de yaawä. Ñanno a’deddu aneeta’da yeiya’jäcä mmaja, Wanaadi aneecanö’jönö nönge tödöötäcä’de yaawä, acu’shänä jödaatai i’jummanei nönge mmaja.

MATEO 27:56

Chääjadäiñe cönä’jaacä Madía Maacadeena, yää ’jeje Madía mmaja, ñäädä Jacoowo, José dheenöötoncomo; Seewedheeo nnacoomo dhenöötoncomo mmaja cönä’ja’dea.

MATEO 9:9

Yääje mma yaawä Jesuuquidiito cöntämä yäätonno. Dhanwa cöneejodöi yaawä, Mateo täätö. Shuucu ñäädä cönä’jaacä acu’shänä jödaatai i’jummannamo weicho’como taca. Jesuuquidiito cönä’döaacä chäwwä: —Ma’che jaadä. Mateo cönammöi yaawä, chääjadä töötädööje mma.

MAADOCO 15:40

Yäätä cönä’ja’to dea anejjacoomo wodiiñamo, amoinchenno ene’madööje. Chääjadäiñe cönä’jaacä Madía Maacadeena; yää ’jeje Madía mmaja, Jacoowo mude’cäjaato dhenö, ñäädä José dhenö dea. Saadomé mmaja cönä’ja’dea chääjadäiñe.

MAADOCO 2:14

Yaawä töötädaawä töwö Jesuuquidiito Dewí cöneejodöi, ñäädä Aadeujeeo nnedö. Shuucu cönä’jaacä acu’shänä jödaatai i’jummannamo weicho’como taca. Jesuuquidiito cönä’döaacä chäwwä: —Ma’che jaadä. Dewí cönammöi yaawä, chääjadä töötädöje mma.

MAADOCO 3:18

Antedé mmaja cönä’ja’dea; Jediipe mmaja; Waadotoodomé mmaja; Mateo mmaja; Tomá mmaja; Jacoowo mmaja, ñäädä Aadeujeeo nnedö; Taadheo mmaja; Simón mmaja, ñäädä jäduujato dha’deddu;

DUUCA 18:10

—Aacä dhanwaacomo Wanaadi weichojo taca cönoomomöicho, Wanaadi wwä a’deuwe. Tooni cönä’jaacä jaadiseeo. Yeichacoono mmaane cönä’jaacä acu’shänä jödaatai i’jummanei mmädä.

DUUCA 18:11

Ñäädä jaadiseeo jiidi cöna’deuwacä; edääje cönä’döaacä: “Amäädä Wanaadi, ta’cwaiñe wa anejjacoomo soto nönge’da weijäcä. Ñanno tämeena’como, chäänöngemjöncomo mmaja, masuuduija’como mmaja, nöngeiñe’da wa öwö, määdhä acu’shänä jödaatai i’jummanei nönge’da mmaja.

DUUCA 18:13

Ñäädä acu’shänä jödaatai i’jummanei mmaane amoinche cönä’jaacä; caju wwadäädä ene’se’da’jödö jadäädä. Tu’dhe mma cönä’jaacä. Wentumje cöna’deuwacä; cönä’döaacä: “Amäädä Wanaadi, wentumje cäneecä, öwö conemjönö tödöönei;” quee cönä’döaacä ñäädä acu’shänä jödaatai i’jummanei.

DUUCA 19:2

Yäätä cönä’jaacä dhanwa tönsomaacato, acu’shänä jödaatai i’jummannamo edhaajotoncomo, Saqueeoje chäätö.

DUUCA 5:27

Yää ’jeje Jesuuquidiito cöneeja’cai. Töötädaawä töwö cöneeneaacä acu’shänä jödaatai i’jummanei, chäätö Dewíije. Shuucu ñäädä cönä’jaacä acu’shänä jödaatai i’jummannamo weicho’como taca. Jesuuquidiito cönä’döaacä chäwwä: —Ma’che jaadä.

JUAN 1:48

Yaawä Nataanaeede cönä’döaacä chäwwä: —¿Aaquene odhoowanääcä wannea? Jesuuquidiito cönä’döaacä: —Öwö maneeneaanä Jediipe wwä adha’dejja’dadä, waju’nä o’nä aweichö; quee.

JUAN 11:16

Yaawä Tomá, ñäädä Canaacuje chäätö cönä’ja’dö, cöna’deuwöi töjimmä wwäiñe, ñanno Jesuuquidiito nowaanomaadö wwäiñe. Töwö cönä’döaacä chäwwäiñe: —Cöötätäiye cönwanno, chääjadä cä’ja’täiye; quee cönä’döaacä.

JUAN 14:22

Yaawä Juudha cönä’döaacä chäwwä, ñäädä Icaadiyootejöönö: —Owaanomaanei, ¿ane’que’nei ñaa wwä mma määnejaanä’de, tameedä soto wwäiñe äänejo’da?

JUAN 14:5

Yaawä Tomá cönä’döaacä: —Owaanomaanei, ñaa owaanäcä’da na äätotoojo, ¿aaquene ñaa owaanäcä eichöde’ chääma’tädö? quee cönä’döaacä.

JUAN 14:9

Jesuuquidiito cönä’döaacä chäwwä: —¿Numa ajaadäiñe weichaame odhoowanääcä’da dea wanä, Jediipe? Ñäädä yeenenei, töneene mmaja Jaaja. ¿Aaquene yääje mä’döaanä: “Oomo enoojocä;” quee?

JUAN 21:2

Tujuumä cönä’ja’to Simón Peedhodo, Tomá mmaja, ñäädä Canaacu täätö; Nataanaeede mmaja cönä’ja’dea, ñäädä Caná ñano, Caadideea ñano jataawono; Seewedheeo nnacoomo cönä’ja’to dea; aacä mmaja anejjacoomo Jesuuquidiito nowaanomaadö.

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.

DOSECHO 12:17

Töwö Peedhodo tamäädö eneejojäätödö que cöneeta’jöichajoicho; yaawä chäwwäiñe cöneecammajäätöi Cajiichaana wwä jedeeso ewöötö’tädö tacanno tu’ca’jödö. Töwö cönä’döaacä chäwwäiñe: —Ecammajä’täcä’de Jacoowo wwä, anejjacoomo quedeiyente wwäiñe mmaja; quee cönä’döaacä. Cöneeja’cai yaawä aneiñaja töötädö wetä.

DOSECHO 15:13

Yaawä yä’ca’comjäcä Jacoowo cönä’döaacä: —Ya’deddu etaatäcä jimmä.

DOSECHO 21:18

Yaawä yää jenamma naadöje Paudo jadä ñaa cöntämä Jacoowo döiña; yäätä cönä’ja’to tameedä ansiyaano.

CAADATA 1:19

Anejja anonta’como mmaane aneene’da weiyaquento; Jacoowo mma weneeaqueene, ñäädä Cajiichaana acoono.

CAADATA 2:9

Töwwäiñe chö’tamme’ca’jäcä Wanaadi nutuudu aashichaato öwwä yeichö, ñanno ä’se’tännamo, Jacoowo, Peedhodo mmaja, Juan mmaja, aashicha cöna’deuwöicho öwwä, Waanawé wwä mmaja. Tönwanno cönä’döa’to: “Judhíojöncomo owaanomannamooje eichäcä änwanno; ñaa mmaane judhíocoomo owaanomannamooje ñaa nei’ñojo;” quee cönä’döa’to.

SANTIYAACO 1:1

Öwö Santiyaaco, Wanaadi anoonö, Cajiichaana Jesuuquidiito anoonö mmaja, ya’deujödö wadääja äwwadäädäiñe, änwanno iisadaaediitacoomo, amoojadooto de’wä aacä adhaadai’choncomo naadö, tameedä nono weichö wa’cä äwäämecanta’como maatoodö.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.