MATEO 10:2 - Wanaadi A'deddu

² Edä yää ñanno amoojadooto de’wä aaco’como anonta’como eetöcoomo: Awa’de Simón, Peedhodooje mmaja töwö chäätö; yää ’jeje dhacoono Antedé; yää ’jeje Jacoowo, ñäädä Seewedheeo nnedö; dhacoono Juan mmaja;

MATEO 10:2 Iomraidhean Croise

MATEO 17:1

Tooni amoojato anoototo ai Jesuuquidiito töjaadä cönaadäi Peedhodo, Jacoowo mmaja, dhacoono Juan mmaja; töjääcäjeeneiñe cöntonto jöö cawooto de’cäi.

MATEO 20:20

Yääje mma yaawä Seewedheeo nnacoomo dhenö cöneejä Jesuuquidiito wwadäädä tönnacoomo jadä, ñanno Jacoowo, Juan. Tä’mudhe cönä’döi ije’taca, chäwwä e’catäädö wetä.

MATEO 26:37

Töjaadä cönaadäi Peedhodo, Seewedheeo nnacoomo aaco’como mmaja. Cone’da cönä’döjoi yaawä; wentumje cönä’jaacä jooje.

MATEO 4:18

Caadideea cu’jäi jacääcä töötädaawä Jesuuquidiito cöneejodöicho aacä dhanwaacomo, ñanno dea. Simón täätö cönä’jaacä yui, ñäädä eetö dea Peedhodooje. Dhacoono cönä’jaacä Antedé. Jaji emaajätöödöje cönä’ja’to na’cwaca, na’cwacancomo i’yännamooje töweijäcäiñe.

MATEO 4:21

Mänseedä’cä Jesuuquidiito wä’döa’jäcä, aacä dhanwaacomo mmaja cöneejodöicho dea, tacoono acä mmaja. Ñanno cönä’ja’to Jacoowo, Seewedheeo nnedö, Juan mmaja, Jacoowo acoono. Cudiiyada awä cönä’ja’to tumöötoncomo jadä, töjaajiyööcomo coneecadööje. Ñanno daja Jesuuquidiito cöna’dejjaicho dea.

MAADOCO 1:29

Yääje mma yaawä we’jummatoojo tacanno töweeja’ca’comjäcä Jesuuquidiito cöntonto yaawä Simón, Antedé mmai chacaiñe. Jacoowo mmaja, Juan mmaja, cöntonto chääjadä.

MAADOCO 13:3

Yaawä Odiiwo ’jödö ña cöntonto, yää Wanaadi weichojo je’taca naichö. Yäätä Jesuuquidiito wataajima’jäcä, töjääcäjeeneiñe töweichawäiñe ñoowanoomadö cöneecamma’joicho, ñanno Peedhodo, Jacoowo mmaja, Juan mmaja, Antedé mmaja. Tönwanno cönä’döa’to:

MAADOCO 6:30

Ñanno anonta’como cöne’jummaicho yaawä Jesuuquidiito döiña. Chäwwä cöneecammajäätöicho tameedä tönnö’jocoomo, tönoowanooma’jocoomo mmaja.

DUUCA 11:49

“Yääje yeijäcä Wanaadi tösejjeque töweichö woije yääje cönä’döaacä: “Wa’deuwödö ecammannamo, anejjacoomo yaanonö mmaja, wanaanontaato’de yöiñaiñe. Dhantai nöja’aato’de; dhantai ’chene nimaaminchaato’de;” quee Wanaadi cönä’döaacä.

DUUCA 22:14

Chu’nädö aca yä’döa’jäcä Jesuuquidiito cönaatajiimai meesa dö’tä, ñanno amoojadooto de’wä aaco’como anonta’como jadäiñe.

DUUCA 22:8

Yaawä Jesuuquidiito cönaanontoicho Peedhodo, Juan mmaja; cönä’döaacä chäwwäiñe: —Ojoncomo; Weja’dätä’jä anootoi’chädö awä cöwääwashinchoto’como choonecaatantäcä; quee cönä’döaacä.

DUUCA 5:10

Yääje mmaja cönä’ja’to dea Jacoowo, Juan, Seewedheeo nnacoomo, ñanno Peedhodo jimmä. Jesuuquidiito cönä’döaacä Peedhodo wwä: —Ääcatonca’da eichä. Eduuwa naadö jonno soto owaanomaaneichomooje ma’de; quee cönä’döaacä.

DUUCA 9:10

Ñanno anonta’como wennaca’comjäcä Jesuuquidiito wwä cöneecammajäätöicho tameedä tönnö’jocoomo. Jesuuquidiito töjaadä cönaadoicho yaawä Wesaada ña, soto ’jemjönö aca.

JUAN 12:22

Yaawä Jediipe cöntämä; cöneecammai yaawä Antedé wwä. A’nädä cöntonto yaawä Jesuuquidiito wwä ecamma.

JUAN 13:23

Tooni ñoowanoomadö cönä’jaacä Jesuuquidiito dö’tä yaatajiimaajä; ñäädä cönä’jaacä Jesuuquidiito nijummadö.

JUAN 20:2

Töwö cöneeca’tömöi yaawä Simón Peedhodo döiña, yeichacoono Jesuuquidiito nowaanomaadö döiña mmaja, ñäädä Jesuuquidiito nijummadö. Madía cönä’döaacä chäwwäiñe: —Cädhaajotoncomo equeejödö tadä wedantäi; ¿äsha ca cönnöichodö jäcä; quee cönä’döaacä.

JUAN 21:2

Tujuumä cönä’ja’to Simón Peedhodo, Tomá mmaja, ñäädä Canaacu täätö; Nataanaeede mmaja cönä’ja’dea, ñäädä Caná ñano, Caadideea ñano jataawono; Seewedheeo nnacoomo cönä’ja’to dea; aacä mmaja anejjacoomo Jesuuquidiito nowaanomaadö.

JUAN 21:20

Yaawä töwä’jedennaca’jäcä Peedhodo Jesuuquidiito nijummadö cöneeneaacä we’näje töncäcäiñe. Ñäädä dea cönä’jaacä töwääwashinchädaawäiñe Jesuuquidiito nnäcä yaatajiimaajä cönä’ja’dö dea, cöneecamma’joichö dea: “Owaanomaanei, ¿änääcö ayu’tai?” quee cönä’döa’dö dea.

JUAN 21:24

Öwö ñäädä Jesuuquidiito necamma’jödö. Öwö mädä wecammajä’a, mädä ömmennädö naadö. Owaanäcä na chäänönge ömmennädö yeichö.

JUAN 6:67

Yaawä Jesuuquidiito cönä’döaacä ñanno amoojadooto de’wä aaco’como tönoowanoomadö wwäiñe: —¿Änwanno mmaja cösancwatantäi’chede? quee.

JUAN 6:70

Yaawä Jesuuquidiito cönä’döaacä chäwwä: —Öwö dea sootoije mane’tätääne, änwanno amoojadooto de’wä aacä maatoodö. Yääje yeichaame tooni adhantawäiñe odo’shaje na; quee.

JUAN 6:71

Töwö yääje cönä’döaacä Juudha Icaadiyoote ecammancädä, ñäädä Simón nnedö; ñäädä cönä’jaacä Jesuuquidiito u’neije töweiyemö. Töwö cönä’jaacä ñanno amoojadooto de’wä aaco’como jimmä dea.

JUAN 6:8

Yaawä Antedé cöna’deuwöi; ñäädä cönä’jaacä Jesuuquidiito nowaanomaadö, Simón Peedhodo acoono. Töwö cönä’döaacä Jesuuquidiito wwä:

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.

DOSECHO 1:26

Yaawä wä’cana’canä tödöödö’jo Matía anontaajäje yääwaacatoojo cönoojodöi. Anonta’como jadäiñe töwö cönä’jaacä yaawä, ñanno amoojadooto de’wä tooni’chomo jimmäje.

DOSECHO 12:2

Sauda que Jacoowo cöneemajoi, ñäädä Juan dui.

DOSECHO 3:1

Yaawä Wanaadi weichojo taca Peedhodo cöntaacä Juan acä; anunnaque yei’jeje cönä’jaacä, Wanaadi wwä wa’deutojo cu’nädö awä.

1 CODINTIYO 15:7

Yää ’jeje Quidiito cönäänejoi Jacoowo wwä, tameedä anonta’como wwäiñe mmaja.

EUJEESIYO 4:11

Töwö Quidiito cöwaadaiñe cuntui cöweicho’como; anejjacoomo wwä cuntui anonta’comooje yeicho’como, anejjacomo ’quene Wanaadi nutuudu woije ecammajä’nnamooje yeicho’como, anejjacoomo ta’deddu adännamooje, anejjacoomo quedeiyentecoomo es’e’tännamooje, owaanomannamooje mmaja.

EEWEDEO 3:1

Yääje yeijäcä jimmä shooma’como, änwanno Wanaadi sotoije a’dejja’como, Jesuuquidiito jäcä ätö’tajä’täcä, ñäädä Anontaajä, cöjääcäinchädäiñe Wanaadi wwä töwa’deuwemö, ñäädä queecanö’atoodö.

1 PEEDHODO 1:1

Öwö Peedhodo, Jesuuquidiito nanontädö, äwwadäädäiñe wimenna, änwanno yäämecanta’como, töjaatawoncomoojönö, änwanno Ponto ña maatodö, Cadaasiya ña mmaja, Caapadoosiya ña mmaja, Aasiya ña mmaja, Witiiniya ña mmaja.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

2 JUAN 1:1

Öwö, ansiyaano, wimenna äwwadäädä, amäädä jaaduichö, Wanaadi neichö, ännacoomo wwadäädäiñe mmaja. Öwö mämjummaato chäänöngato que, öwö mmajöönö, tameedä chäänöngato dhowaanoco’como mmajaane.

3 JUAN 1:1

Öwö, ansiyaano, edä wimenna äwwadäädä, amäädä weichacoono umjummadö Caayo, chäänöngato que wijummaadö.

APOOCADIISI 1:1

Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 18:20

Yaatame’jödö weijäcä adha’cwainchatääcä änwanno caju ñancomo, änwanno mmaja Wanaadi sotoi, anonta’como’jödö mmaja, Wanaadi wa’deuwödö ecammannamo’jödö mmaja. Ta’cwaiñe eichäcä Wanaadi wwä ojo’to’jocoomo weijäcä chääjäcä.

APOOCADIISI 22:8

Öwö ñäädä Juan, edä etaanei’jödö, eneenei’jödö mmaja. Eta’jäcä öwwä, eneea’jäcä mmaja, tä’mudhe wä’döne yaawä ñäädä amoode öwwä edä eneejonei’jödö o’wawä, ya’demeecödööje.