MATEO 10:16 - Wanaadi A'deddu

¹⁶ “Öwö manaanontaato eduuwa. Änwanno maato’de oweeja mado antawäiñe eijai ñaatoodöje. Yääje yeijäcä odhoowadäädäiñe eichäcä’de, äcääyu töweiye naichöje, tääde’cwade’daane, jaduuma weichö nöngeene.

MATEO 10:16 Iomraidhean Croise

MATEO 24:25

Mädääje na; äwwäiñe wecammajäätöi dhowaajodä.

MATEO 24:45

“ ¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

MATEO 25:2

Ijaatoodea cönä’ja’to aneene’jutu’jöncomo, ijaatoodea ’quene tösejjequeiñe.

MATEO 25:4

Ñanno tösejjeca’como mmaane iiñejöödöcoomo cönä’jaacä tödhaawadööcomo, queedusén mmaja, chääwötö’cä aca.

MATEO 25:9

Yaawä tösejjeca’como cöneccujä’a’to; cönä’döa’to: “Ng’jn, u’jai’cha ñaa na. Äwwäiñe u’a’jäcä ñaa wwä mäntä dea mma ñaa dhawaadö unque’jä’jai ña, änwanno adhaawadööcomo mmaja. Täjeemaane aneejemaatantäcä töwäätätöijaamo döiñaiñe;” quee cönä’döa’to ñanno tösejjeca’como.

DUUCA 10:3

Ojoncomo eduuwa; öwö manaanontaato. Änwanno maato’de oweeja mado antawäiñe eijai ñaatoodöje.

DUUCA 21:15

Öwööne wu’a’de äwwäiñe awa’deuto’como, asejjedööcomo mmaja, tameedä ätu’de’tännamo wwäiñe ä’cana’cajo’da aweicho’como. Tönwanno eccujo’tojo ’je’da naato’de yaawä.

DOSECHO 20:29

Yää ’jeje öncäcäädä adhantawäiñe naato’de quedeiyentecoomo acoicha’sa’como, mado tääde’cwada’como oweeja tönaacoichaiñe töweiye naichodööje.

1 CODINTIYO 14:20

Jimmä, mude’cä’cä nönge’da ätö’tajä’täcä. Conemjönö tödöödö jäcä mmaane mude’cä’cä nönge eijai maato; tö’tajä’nä jäcä ’quene inchomo nönge eijai maato.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 11:14

Cone’da tödööemje’da ’cännä yääje yeichöcoomo, Caajuushawa mmajaane amoode tawaanatooje töwäänejo yeiyajä.

2 CODINTIYO 11:3

Öwö tösaade wa äjääcäiñe; ñäädä äcääyu, äncu’tätä töweichö que Eewa cönencu’täichö wwä mmaja ätö’tajäätödööcomo shaadijannä’cajoojai ätö’taato öwwä, chäänöngato que Quidiito tumjumma aweichöcoomo jonno.

2 CODINTIYO 8:20

Anejja wwä töwäämentäjo’se’da ñaa na mädä jödaata täjemjönö i’jummaajä jäcä, ñaa ni’jummajaadö.

JIDIIPENSE 2:15

Mädääje täcammajä’aamoje’da eijai maato, tämentaamoje’da mmaja. Mädääje Wanaadi nnacoomo chäänönga’comooje eijai maato soto conemjöncomo antawaiñe, ñanno chäänöngemjöncomo. Änwanno adhaawa nönge dhantawäiñe miyeijaato edä nono tööjato de’wä,

CODOOSENSE 1:9

Yääje yeijäcä yääje aweichöcoomo ñaa wwä eta’jödö jonnoto’jödöödä Wanaadi wwä äjääcäiñe töwa’deuwödö ane’nomja’da ñaa na. Töne’ca’e ñaa weneene Wanaadi woijato odhoowanääcäiñe yeichojo, Wanaadi nödöödö jäcä tösejjeque aweicho’como mmaja, towaanojo’ne aweicho’como mmaja.

CODOOSENSE 4:5

Odhoowadäädäiñe eichäcä quedeiyentejöncomo jadä aweichawäiñe. Anooto mma mämmacuudätäi’che.

1 TEESADOONISENSE 2:10

Änwanno odhoowanääcäiñe na, Wanaadi dhowaanäcä mmaja, adhantawäiñe aashicha ñaa wei’jödö, chäänönge ñaa wei’jödö mmaja, änwanno quedeiyentecoomo. Anejja ñaa jäcä cone’da a’deujai’cha cönä’jaacä.

1 TEESADOONISENSE 5:22

Ä’sancwatääcä tameedä conemjönö jonno.