MATEO 10:1 - Wanaadi A'deddu

¹ Yääje mma yaawä Jesuuquidiito cöna’dejjaicho tönoowanoomadö, ñanno amoojadooto de’wä aaco’como. Chäwwäiñe cuntui ijääduduucomo, odo’shancomo ija’canö’joto’como, tameedä cädäi ejiichö’totoojo mmaja, tameedä se’nato ejiichö’totoojo mmaja.

MATEO 10:1 Iomraidhean Croise

MATEO 19:28

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, yaawä tameedä eduuwaatoje yenwacaama’jäcä, Soto nnedö tumuudei ye’wä nataajima’de o’jodhaatoje. Yaawä änwanno, jaadoncomo’jödö, mude de’wä mmaja mataajimaato’dede iisadaaediitacoomo cajiichaanaichomooje, ñanno amoojadooto de’wä aacä iju’jä naatoodö.

MATEO 26:20

Yaawä cho’monga’jäcä Jesuuquidiito cönaatajiimai ñanno amoojadooto de’wä aaco’como tönoowanoomadö jadäiñe.

MATEO 26:47

Yääje Jesuuquidiito wa’deutaame dea Juudha cöneejä, ñäädä amoojadooto de’wä aaco’como Jesuuquidiito nowaanomaadö jimmä. Chääjadä cönä’ja’to jooje soto, dee dha’meiñe, sauda dha’meiñe mmaja. Tönwanno cönä’ja’to Wanaadi wwä töwa’deuwaamo nanontädööcomo, inchoncomo nanontädööcomo mmaja, ñanno judhío edhaajotoncomo.

MATEO 4:23

Yaawä Jesuuquidiito cönäämannä’acä tameedä Caadideea chäcä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Töneejichö’tä cönä’ja’dea tameedä chäädäichöcoomo.

MATEO 6:13

Ñaa mäiñunaacajoi’che; tösancwajoone ñaa sancwajoocä conemjönö jonno. Ñäädä mma amäädä Cajiichaana Jäduujato, aashichato wa’deuto’mato mmaja, yeichöödäje. Amén; quee caichäcä’de.

MATEO 9:35

Yääje mma yaawä Jesuuquidiito cönäämannä’acä tameedä jata weichö wa’cä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Tameedä cädäi toneejichö’tä cönä’ja’dea.

MATEO 9:38

Yääje yeijäcä adha’deutäcä tadaawaaju Edhaajä wwä, töwö tötaadawaajui dödö jäcä soto anaanontäiyeto; quee cönä’döaacä Jesuuquidiito.

DUUCA 10:19

Äwwäiñe wu’ne äcääyu etaajatoojo, mönäätä mmaja, tameedä cutu’de’täneichomo jäduudu e’jodheinchatoojo mmaja. Tönwanno mmaane ayöödöjaiñe’da naato.

DUUCA 21:15

Öwööne wu’a’de äwwäiñe awa’deuto’como, asejjedööcomo mmaja, tameedä ätu’de’tännamo wwäiñe ä’cana’cajo’da aweicho’como. Tönwanno eccujo’tojo ’je’da naato’de yaawä.

DUUCA 24:49

Äwwadäädäiñe öwö wanonta’de Jaaja necamma’jödö. Eetäädä, Jeduusadén ñaadä eichäcä’de, caju ñanno äjääduduucomo wä’dödö jonaane; quee cönä’döaacä Jesuuquidiito tönoowanoomadö wwäiñe.

DUUCA 6:13

Yaawä yaawaana’jäcä, tönoowanoomadö cöni’jummaicho. Dhantawonnoiñe cöne’toicho amoojadooto de’wä aacä, ecammajä’e tanontaamoje.

JUAN 17:2

Amäädä Ännedö wwä mu’ne tameedä soto e’jodheiñe yeichojo, yeichöödoto weiñä utuiye yaawä tameedä chäwwä mu’netoodö wwäiñe.

JUAN 3:27

Yaawä Juan cönä’döaacä chäwwäiñe: —Töweichojo Wanaadi nutuudu mma tödöödö toweiye nai.

JUAN 3:35

Yuumö wwä Tönnedö tujunne na; töwö cönnöi tameedä cajiichaanaje.

JUAN 6:70

Yaawä Jesuuquidiito cönä’döaacä chäwwä: —Öwö dea sootoije mane’tätääne, änwanno amoojadooto de’wä aacä maatoodö. Yääje yeichaame tooni adhantawäiñe odo’shaje na; quee.

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 19:15

Yaawä yääje Eseewa nnacoomo wä’döa’comjäcä odo’sha cönä’döaacä chäwwäiñe: —Jesuuquidiito yoowanääcä na, Paudo mmaja. Änwanno mmaane yoowanääcä’da maato; quee cönä’doaacä odo’sha Eseewa nnacoomo wwäiñe.

APOOCADIISI 12:1

Yaawä ene’ju’tojo adai’joto cönääneaacä caju ña; wodi cönä’jaacä, shii töwoomöje, nuunä i’judu o’nä. Iju’jä de’wä cönä’jaacä canaanadi, amoojadooto de’wä aacä shidiichä chääjäcä.