MATEO 1:22 - Wanaadi A'deddu

²² Tameedä yää cönä’jaacä Cajichaana a’deddu nönge yeichö wetä, yää Wanaadi wa’deuwödö ecammanei cöneecammaichö:

MATEO 1:22 Iomraidhean Croise

MATEO 12:17

Töwö yääje cönä’döaacä chäänönge Isaía necammajäätö’jödö yä’dödö wetä, ñäädä Wanaadi wa’deuwödö ecammanei. Edääje Isaía cömmennäi:

MATEO 13:21

Tömiiche’daane tönwanno, a’dhe töweiyaamo mma. Wanaadi a’deddu jäcäinchädä yeetunu eneea’jäcä, wätä’maminchajoonä jeiñe mma, yaawä dea mma ne’nomjaato.

MATEO 13:35

Yääje cönä’jaacä chäänönge yä’dödö wetä Wanaadi a’deddu ecammanei nimennä’jödö naadö: Yö’seeno ai ya’deuwa’de. Wecammajä’a’de yää tacaade’da cönä’ja’dö Wanaadi wwä edä nono amoode’nä’jödö jonnoto’jödöödä; quee imennaajä wä’dödö.

MATEO 2:15

Iiña cönä’ja’to Edoodhe wäämadö wa’cä. Yää cöneeja’dätäi Cajiichaana a’deddu nönge yeichö wetä, yää töwa’deuwödö ecammanei wwä cöneecammajoichö: “Önnedö wa’dejjane, Ejiito ñanno yeejödö wetä”; quee.

MATEO 2:23

Iiña töwä’döa’jäcä Naasade ña cöneejata’täi. Yää cöneeja’dätäi Wanaadi wa’deuwödö ecammannamo wä’dö’jocoomo nönge yeichö wetä, yää: “Naasade ñanooje Äwaanacaanei nätä’täja’de;” quee yä’dö’jocoomo naichö.

MATEO 5:17

“Waanontänä e’nomjajo we’aatäi maneecanö’täi’che, Wanaadi wa’deuwödö ecammannamo a’deddu e’nomjajo jeiñe mma. E’nomjajo’daane we’ne, chäänönge tödöödö wetääne.

MATEO 8:17

Mädääje cöneeja’dätäi chäänönge Isaía nimennä’jödö yä’dödö wetä, ñäädä Wanaadi wa’deuwödö ecammanei: “Töwö dea cöcäädäichöcoomo cöneejichö’täi, jäduuje’da cöweichöcoomo mmaja;” quee immennä’jödö naadö.

DUUCA 21:22

Yää na’de wätä’maminchatoojo anootoi’chädö, tameedä imennaajä nonge yä’dödö wetä.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

JUAN 10:35

Ñäädä Wanaadi ta’deddu tödönnamo wanaadija’comooje cöne’ta’to; cowaanäcäiñe na Wanaadi a’deddu imennaajä töquiiñeme’quemje’da yeichö.

JUAN 15:25

Tönwanno mädääje naato töjaajedaichomo imennaajä wä dödö nönge: “Tönwanno quiiñeme’caato ijo’tädööje’da mmädä;” quee imennaajä wä’dödö naichö nönge.

JUAN 17:12

Chääjadäiñe edä nono de’wä weichö amäädä äjäädudu que töneedai’chäiñe wä’jaaquento canno öwwä mu’netoodö. Tooni’chä ännamjo’da na; ñäädä mma cönännamjöi, töwännanö’emööje cönä’ja’dö mma, adha’deddu imennaajä wä’dödö nönge yeichö wetä.

JUAN 18:9

Töwö mädääje cönä’döaacä töwa’deuwö’jödö nönge yeichö wetä: “Canno Jaaja nutuudu öwwä tooni’chä ännamjö’da na;” quee cönä’döa’dö.

DOSECHO 3:18

Mädä ännö’jocoomo que chäänönge cönä’döi jenaadä Wanaadi necamma’jödö, yää töwa’deuwödö ecammannamo wwa cöneecammajoi. Edääje töwö cöneecammajoi chäwwäiñe: “Äwaanacaanei töwäntunaanö’emööje na;” quee.

DOMAANO 1:2

Jenaadä yää wätunnä Wanaadi cöneecammajoi töwa’deuwödö ecammannamo wwäiñe, dha’deddu imennaajä jäcä naadö.

APOOCADIISI 17:17

Wanaadi yääje nichö’tamme’jaato’de tumjummadö woije tödöödö wetä chäwwäiñe. Yääje yeijäcä yää dea chö’tajäätödööcomo na’de. Tönwanno nä’tuaato’de odoocojaato wwä Wanaadi a’deddu weja’dätäädö wa’cä; tösootoichomo mmaja odoocojaato wwä nu’aato’de, shootoije.