MATEO 1:1 - Wanaadi A'deddu

¹ Edä yää jajeeda imennaajä, Jesuuquidiito adai’chomo’jödö eetöcoomo. Jesuuquidiito cönä’jaacä Dawí weichö, Aawadán weichö mmaja.

MATEO 1:1 Iomraidhean Croise

MATEO 1:18

Edääje Jesuuquidiito cönennui: Yeenö Madía cönä’jaacä José jadä töwä’döeemöje, töwäätäcamma’jo’jocoomo weijäcä. Yö’tä ä’dö’dadä Madía cönwensu’täi, Epíiditu Santo woije.

MATEO 1:2

Aawadán nnedö cönä’jaacä Isaaca. Isaaca nnedö cönä’jaacä Jacoowo. Jacoowo nnacoomo cönä’ja’to Judhá, yuichomo mmaja, dhacoono mmaja.

MATEO 15:22

Yääje mma yaawä wodi Canaanea ñano, yää jataawono, Jesuuquidiito cöna’dejjai, cönä’döaacä: —Cajiichaana, Dawí nnedö, wentumje cäneecä. Önnedö wodi’chä näntunaanö’a jooje; odo’sha ’je na; quee cönä’döaacä.

MATEO 3:16

Wautisaaje töwä’dö’jeje Jesuuquidiito cönäncui yaawä na’cwacanno. Jadheedä caju cönaata’ducai yaawä. Jesuuquidiito cöneeneaacä yaawä Epíiditu Santo wä’tädö töjääcä, jaduuma nönge, yäätäädä yeedennaajä.

MATEO 9:27

Yäätonno Jesuuquidiito wöta’jäcä aacä tänuuquemjöncomo cönta’to inchäcä. Töcä’de cöna’deuwa’to; cönä’döa’to: —Wentumje ñaa eneecä, amäädä Dawí weichö; quee cönä’döa’to.

DUUCA 1:33

Töwö yeichöje na’de iisadaaediitacoomo Cajiichaanaichomooje. Cajiichaanaje yeichö ataame’da na’de; quee cönä’döaacä amoode Madía wwä.

JUAN 7:42

¿Yääje jönca Wanaadi a’deddu imennaajä nä’döaanä: “Dawí atöödöje na’de Äwaanacaanei; Wedén ñanooje na’de töwö, Dawí jata’jödö awoono;” quee jönca imennaajä nä’döaanä? quee cönä’döa’to soto.

DOSECHO 2:30

Töwö Dawí cönä’jaacä Wanaadi a’deddu ecammaneije; töwö dhowaanäcä cönä’jaacä töwwä Wanaadi necamma’jödö tatöödöje Äwaanacaanei weichojo, tönwacaanoje cajiichaanaje yeichojo mmaja.

DOMAANO 1:3

Yää wätunnä na Cädhaajotoncomo Jesuuquidiito jäcä, ñäädä Wanaadi nnedö. Töwö Jesuuquidiito cönä’jaacä Dawí atöödöje.

DOMAANO 4:13

Aawadán wwonooje töweiyemööje edä nonoodö Wanaadi cöneecammai, dhatö’jödö wwoncomooje töweiyemööje mmaja. Chäwwäiñe jenaado’jä waanontänä tödöödö jäcäinchädä’da yää Wanaadi cöneecammai, chäwwäiñe ecamjödö weijäcääne. Yää jäcäinchädä töwö Wanaadi töjaadonooje cönnöicho.

DOMAANO 9:5

Ñanno iisadaaediitacoomo naato ñaa adaichö atöödöje. Ñanno atöödöje mmaja Äwaanacaanei cönennui, ñäädä Wanaadi, tameedä Ädhaajä, yeichöje aashicha wa’deutojooje naadö. Amén.

CAADATA 3:16

Mädääje mmaja Wanaadi necamma’jödö. Töwö Wanaadi Aawadán wwä cöneecammai aashichaato, dhatöödö wwä mmaja. Yääje ä’dö’da imennaajä na, “dhatöödö wwäiñe,” ca’da, wanna ecammancädä’da; “dhatöödö wwä”, queene nä’döa, tooni ecammancädä, Quidiito ecammancädä.

1 TIIMOTEO 2:5

Tooni mma Wanaadi ña, tooni mma mmaja soto jäcäinchädäiñe Wanaadi wwä töwa’deuwemö, ñäädä Jesuuquidiito, soto nnedö.

2 TIIMOTEO 2:8

Jesuuquidiito jäcä ätö’täcä, ñäädä töwäämaajo jonnoto waadonca’jödö, Dawí atöödö. Mädääje aashichaato wätunnä töneecammajä’e wäänene.

APOOCADIISI 22:16

—Öwö Jesuuquidiito yaamodeedö wanontäne edä jäcä ecammajä’e quedeiyentecoomo wwäiñe. Öwö ñäädä cajiichaana Dawí adaichö, Dawí atöödö mmaja. Öwö ñäädä shidiichä tawaanato, yaawaanadaawoto.