MAADOCO 8:2 - Wanaadi A'deddu

² —Wentumje canno soto wene’maato. Aaduwaawä anooto nä’döi eduuwa jaadä yeichöcoomo; chääwanshiñööcomo ’je’da na.

MAADOCO 8:2 Iomraidhean Croise

MATEO 14:14

Töwaajäiya’jäcä Jesuuquidiito jooje soto cöneedantoicho. Töwö wentumje cöneene’ma’to. Cädäija’como cönaadoncaicho.

MATEO 20:34

Jesuuquidiito wentumje cöneenea’to; chäänuduucomo cönaajojoi. Yaawä dea mma tönwanno töneene cönä’döicho. Jesuuquidiito jadä cönta’to yaawä.

MATEO 9:36

Jesuuquidiito ñanno soto wentumje cöneene’ma’to, töwaatansu’dä yeijäcäiñe, jäduuje’da yeijäcäiñe mmaja, oweeja tädhaajäquemjöncomo eijai ñaatoodöje.

MAADOCO 1:41

Jesuuquidiito wentumje cöneene’macä; tamäädö que cönaajojoi; cönä’döaacä chäwwä: —Adheejichö’tä’se wa; nännamjö’ñojo mädä owoichö; quee.

MAADOCO 5:19

Jesuuquidiito töjaadä anaadä’da cöneiyacä. Töwö cönä’döaacä chäwwä: —Äjääne ämmai chaca, ajimmä döiñaiñe. Chäwwäiñe ecammajä’cä’de aashichaato Cajiichaana äjääcä nödöichö, wentumje adheene’jödö mmaja chäwwä; quee cönä’döaacä Jesuuquidiito.

MAADOCO 6:32

Yääje mma yaawä cudiiyada awä töjääcäjeeneiñe Jesuuquidiito cöntonto anonta’como jadä, soto ’jemjönö aca.

MAADOCO 6:34

Cudiiyada acanno Jesuuquidiito wä’ta’jäcä töwö cöneedantoicho ñanno jooja’como soto. Wentumje cöneene’ma’to, oweeja tädhaajäquemjöncomo nönge yeichomjäcä. Yaawä töwö cönoowanooma’to numa.

MAADOCO 8:3

Täwanshinchä’daiñe ijaatacäiñe enno’ja’comjäcä öwwä, ääma taawä a’su’tajai nichö’taato; amoincha’como we’a’como canno dhantai; quee cönä’döaacä Jesuuquidiito.

MAADOCO 9:22

Aneedawä wa’to nwaca odo’sha töneemajo weneene, na’cwaca mmaja, emaadö wetä. Adoncajai aweiya’jäcä wentumje ñaa eneecä; ñaa ’wa’täcä; quee cönä’döaacä ñäädä mude’cä’cä umö.

DUUCA 15:20

Cönääma’täi yaawä; tumö döiña cönennacai. “Amoinche yeichö dea yuumö cöneedantäi; wentumje cöneeneaacä. Töwö cöneeca’tömöi tönnedö wwadäädä. Ijöncäcä cönaajäi yaawä shuumadö wetä.

DUUCA 7:13

Ñäädä wodi töwwä eneea’jäcä, Cajiichaana Jesuuquidiito wentumje cöneeneaacä; cönä’döaacä chäwwä: —Maamoi; quee.

EEWEDEO 2:17

Yääje yeijäcä Jesuuquidiito tameedä töweichö jäcä töjimmä nöngeiñe mmaja töwä’döeemöje cönä’jaacä, wentumje äneetä töweichö wetä yaawä soto jäcäinchädäiñe Wanaadi wwono wa’deuwödööje töwääwaaca’jäcä, chäänönge Wanaadi owaadäädä töweichö wetä mmaja, sotoocomo cone’nadiyöcoomo choccadö wetä yaawä saaquidiijiisiyooje töwä’tudu que.

EEWEDEO 4:15

Ñäädä Jesuuquidiito, Tumö wwä cöjääcäinchädäiñe töwa’deuwemööje naadö, wentumje cäneetäiñe’da’da weneene jäduuje’da cöweichawäiñe, töwö töwä’yunaacajo’jödö weijäcä mmaja tameedä conemjönö jäcä, cönwanno cäänetäänedööje mmaja; yaawääne’, conemjönö ännö’daane’ töwö cöneiyacä.

EEWEDEO 5:2

Töwö tumjunne töneene weneene ñanno towaanojo’nemjöncomo, shaadijanga’como mmaja, töwö jäduuje’da weiñä tönooneja töweijäcä mmaja.