MAADOCO 7:7 - Wanaadi A'deddu

⁷ Töwäädä mma wa’deme’tä weneeneto. Tönwanno tönoowanooma weneeneto soto wätunnäichomo que mma; quee cömmennäi Isaía.

MAADOCO 7:7 Iomraidhean Croise

MATEO 15:9

Töwäädämma wa’deme’tä weneeneto. Tönwanno tönoowanooma weneeneto soto wätunnäichomo que mma; quee cömmennäi Isaía; quee cönä’döaacä Jesuuquidiito jaadiseeo wwäiñe.

MATEO 6:7

“Awa’deuwödaawäiñe iiña mmädä’da adha’deutäcä. Mädääje tönnöe weneeneto ñanno Wanaadi dhowaanojöncomo. Tönwanno necaanö’aato jooje töwa’deuwödööcomo que mma Wanaadi wwä tätaatäiñe.

1 CODINTIYO 15:14

Quidiito aadonca’da yeiya’jäcä töwäädämma Wanaadi a’deddu töneecammajä’e ñaa weneene, töwäädämma mmaja aneecamjödööcomo na.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

CODOOSENSE 2:22

Tameedä mädä waanontänä tödöödö que töwaatameemö jäcä mma. Soto tö’tajäätödööcomo woijato mma yää, soto wätunnäichomo woijato mmaja.

TIITO 3:9

Tödööto’jönö wätäccujä’nä jäcä mmaane eijai’cha ma amäädä, jenaado’jocoomo wätunnäichomo jäcä eijai’cha mmaja. Jenaado’jä waanontänä jäcä mmaja ätäccujä’jai’cha ma dea, yää Moisé nimennä’jödö. Mädääje weiñä dötä’da na, täje’da mmaja.

SANTIYAACO 1:26

Ñäädä ecamjödö jäcä chäänöngato wa’cä tö’tadö tunuudu aneedennanö’jo’da töweichaame, töwwäädä nätäncu’ta; töwäädämma ñeecamjödö na.

SANTIYAACO 2:20

Chö’tamme’cä’ma amäädä chö’tajä’jönö; tödöödö jadä’da aneecamjödö yeiya’jäcä, ¿tödööto’jönö jönca yää yääjato ecamjödö?

APOOCADIISI 22:18

Öwö edääje wä’döa tameedä edä Wanaadi a’deddu imennaajä naadö etannamo wwäiñe: Ñäädä edä a’deu imennaajä ejannä’nei’jödö nätä’maminchaja’de Wanaadi wwä edä jajeedä jäcoono wäntunaanö’nä ñeecammadö que.