MAADOCO 7:5 - Wanaadi A'deddu

⁵ Yaaje mma yaawä ñanno jaadiseeo, judhío owaanomannamo mmaja, Jesuuquidiito cöneecamma’joicho: —¿Ane’que’nei onoowanoomadö ei’cha naicho jenaado’jocoomo wätunnäichomo nönge? Tönwanno tamäädöcoomo amoichadö’jo’da töwääwashinchä weneeneto; quee cönä’döa’to.

MAADOCO 7:5 Iomraidhean Croise

MATEO 15:2

—¿Ane’que’nei onoowanoomadö ei’cha naicho jenaado’jocoomo wätunnäichomo nönge? Tönwanno tamäädöcoomo amoichadööjo’da töwääwashinchä weneeneto; quee cönä’döa’to.

MAADOCO 7:13

Mädääje ema’jödööje Wanaadi waanontädö mödööato äwäätunnäichomo que, yää chääque ännacontoncomo tönoowanooma määnetäänedö. Jooje anejjacoomo mädä nöngato mmaja tönnöe määnetääne dea; quee cönä’döaacä Jesuuquidiito.

MAADOCO 7:8

Änwanno Wanaadi waanontädö tömja’do’jo määnetääne, soto wätunnäichomo mma tödöödö wetä, yää jadancaana aquiiyanoocadö, sunuuji mmaja, anejjacoomo mädä nöngato mmaja; quee cönä’döaacä Jesuuquidiito jaadiseeo wwäiñe.

MAADOCO 7:9

Edääje Jesuuquidiito cönä’döa’dea chäwwäiñe: —Chäänönge jaiño mädääje maatoode, äwäätunnäichomo tödöödö wetä Wanaadi waanontädö me’nomjaatoodö.

DOSECHO 21:21

Tönwanno adheecadö töneeta weneeneto judhío aneiñajancomo Moisé waanontä’jödö e’nomjajoodöje tönoowanoomaiñe aweichö, siicunsidaadoje iiñacoomo ännöjo’da aweichö mmaja; judhío wätunnäichomo ännöjo’da aweichö mmaja töneeta weneeneto dea.

DOSECHO 21:24

Chääjadäiñe aamoichacä. Amäädä ejeemacä’de yaawä chääjetö, tuju’jocoomo töcaiyeto yää ’jeje. Yaawä soto dhowaanäcäiñe na’de chäänönge’da yeichö yää äjääcä töwääta weneenedö. Tönwanno dhowaanäcäiñe na’de yaawä jenaado’jo waanontänä woije tönnöe aweichö.

DOMAANO 4:12

Ñanno siicunsidaadoja’como adaichöje mmaja Aawadán weichaame mma’ne, ñanno tujuunucoomo jäcä siicunsidaadoja’como mmajöönööne, Wanaadi a’deddu ecaanö’nnamo deaane, siicunsidaadoje ä’dö’dadä cadai’choncomo Aawadán necamjo’jödö nönge ecaanö’nnamo.

CAADATA 1:14

Anejjacoomo jimmä öwö wa’co’como dea e’jodheiñe tönnöe wä’jaaquene judhío weichö, yaadai’chomo jano wätunnäichomo jooje töneecanö’e wei’jödö weijäcä.

2 TEESADOONISENSE 3:11

Ñaa wwä tacaade na dhantai änwanno etaadawa’cajo’da aweichöcoomo, wätunnä dha’me weiñä jäcä mma.

2 TEESADOONISENSE 3:6

Jimmä, edääje adhaanontä’seiñe ñaa na Cädhaajotoncomo Jesuuquidiito eetö joi: Ä’sancwatääcä quedeiyente töquiiñato jonno, ñäädä ñaa odhoowanoomatäänedö nönge eijönö.