MAADOCO 7:4 - Wanaadi A'deddu

⁴ Töwäätätöijato’como ñano’jödö töwennaca’comjäcä ääwashinchä’da mmaja weneeneto dea tuna que tamäädöcoomo amoichadö wa’cä. Yää ’jeje anejja mmaja tönnöe weneeneto dea, yää sunuuji aquiiyanoocadö, jadancaana mmaja, ädiiñä mmaja, ä’wätä aquiiyanoocadö mmaja, jenaado’jocoomo wätunnäichomo nönge dea.

MAADOCO 7:4 Iomraidhean Croise

MATEO 23:25

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Ye’wä mma aashicha maato, incha’cäcä mma jadaaji atööajä töweiye naichöje, aweichöcoomo mmaane tämeeneiñe, chäänönge’da mmaja.

MATEO 23:26

Etaacä amäädä, jaadiseeo tänuuquemjönö. Aweichööne choonecaacä, aashicha määnejoiye yaawä, cancudu aashicha atööajä töweiye naichöje.

MATEO 27:24

Pidaato dhowaanäcä cönä’jaacä yaawä soto e’jodheinchäjai’chaiñe töweichö. Jooje’cä mma soto wewoodoichadööcomo cöneeneaacä. Yääje yeijäcä töwö tuna cöne’catäi. Ñeenedööcomooje cönänwatöi; cönä’döaacä: —Öwö woijemjönö mädä määdhä aashichaato emaadö; änwanno owoija’comoone; quee cönä’döaacä.

MAADOCO 7:8

Änwanno Wanaadi waanontädö tömja’do’jo määnetääne, soto wätunnäichomo mma tödöödö wetä, yää jadancaana aquiiyanoocadö, sunuuji mmaja, anejjacoomo mädä nöngato mmaja; quee cönä’döaacä Jesuuquidiito jaadiseeo wwäiñe.

JUAN 2:6

Yäätä cönä’jaacä tooni amoojato tuna ewöötö, ädiiñä döaajä. Adai’jocoomo cönä’jaacä yää, canaawa adai’joto ’cäwa’cä. Tuna ewöötö yää cönä’jaacä, judhío nödöödöcoomo, ñaamoichato’como.

JUAN 3:25

Yaawä Juan nowaanomaadö cönäätäccujä’a’to judhío jadäiñe, wataamoichanä jäcä.

EEWEDEO 9:10

Yääje weiñä töweiye na äwanshi choonecaadö jäcä mma, wocö choonecaadö jäcä mmaja, wataamoichanä jäcä mmaja. Tameedä yää na ye’wono que mma tödööemö. Yää tödööemje cönä’jaacä Wanaadi wwä inwacaamatoojo cu’nädö aca tödööene mma.

SANTIYAACO 4:8

Wanaadi wwadäädä ä’täcä, äwwadäädäiñe eejöiyede töwö. Änwatöötäcä änwanno conemjönö dönnamo. Ätö’tajäätödööcomo sha’duminchatääcä, änwanno aaco’como tö’tajäätödö, Wanaadi jadä edä nono de’wono ijumma’sa’como.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.