MAADOCO 4:7 - Wanaadi A'deddu

⁷ Dhantai ’chene dhadöödö cönä’mei wesooca ’jano de’wä. Ya’ta’jäcä yää wesooca cöna’tai chea; cöneetatannä’cai yaawä. Yää dhadöödö ejössata’da cöneiyacä yaawä.

MAADOCO 4:7 Iomraidhean Croise

MATEO 13:22

Yää dhadöödö wesooca ’jano de’wä cönä’meichö ’quene, Wanaadi a’deddu etannamo cu’tädö yää, ñanno edä nono de’wono ijummannamo, mösooma ijummadö ca’como wätäncu’tojoodöcoomo. Tameedä yää Wanaadi a’deddu na’dua, aashicha ejaamö’da yeichö wetä.

MATEO 13:7

Dhantai ’chene dhadöödö cönä’mei wesooca ’jano de’wä. Ya’ta’jäcä yää wesooca cöna’tai chea; cöneetatannä’cai yaawä.

MATEO 13:8

Anejja dhadöödö aashichaato nono de’wä cönä’mei. Yää jaiñoone cöneejössatai. Dhantai ijaatoodea soto cönä’jaacä tooni dhadöödö wa’taajä ejeedödö; dhantai ’chene aaduwaawä soto, dhantai mmaane tooni sotooto de’wä amoojadä.

MAADOCO 4:6

Yaawääne’, shii weja’ca’jäcä cöiñatui; tömiiche’da yeijäcä cuiñu’tai yaawä.

MAADOCO 4:8

Anejja dhadöödö aashichaato nono de’wä cönä’mei. Yää cöna’tai yaawä; cöneejössatai yaawä. Dhantai tooni sotooto de’wä amoojadä cönä’jaacä tooni dhadöödö wa’taajä ejeedödö; dhantai ’chene aaduwaawä soto, dhantai mmaane ijaatoodea soto; quee cönä’döaacä Jesuuquidiito.

DUUCA 12:15

Edääje mmaja Jesuuquidiito cönä’döa’dea: —Odhoowadäädäiñe eichäcä. Äädai’chätääcä tönsomaaque töwei’she weiña jäcä. Töweichö eneetojoojönö yää tönsomaaque weiñä; quee cönä’döaacä.

DUUCA 21:34

“Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

DUUCA 8:14

Yää dhadöödö wesooca ’jano de’wä cönä’meichö ’quene, Wanaadi a’deddu etannamo’jödö cu’tädö yää. Yääje töweichöcoomo jonno edä nono de’wono jummadö que nätääwansuudäjaato yaawä, mösooma ijummadö que mmaja. Ejössata’da tönwanno yaawä.

DUUCA 8:7

Dhantai mmaane wesooca ’jano de’wä cönä’mei. Wesooca cöna’tai chääjadä; cöneetatannä’cai yaawä.