MAADOCO 3:8 - Wanaadi A'deddu

⁸ Aashichaato Jesuuquidiito nödö’jödö eta’jäcä jooje soto cöneejoto yöiña, Judheea ñancomo, Jeduusadén ñancomo mmaja, Iduumea ñancomo mmaja, Joodadán mänsemjoncomo mmaja, Tiido ñancomo mmaja, Sidhón ñancomo mmaja.

MAADOCO 3:8 Iomraidhean Croise

MATEO 11:21

—Wentumje maato’de änwanno Coodasín ñancomo, Wesaada ñancomo mmaja. Yää täneemö aneenedööcomooje wödöönedö Tiido ña, Sidhón ña mmaja wännö’jo mmaane, jenaadä tötö’tajäätödööcomo sha’duminchadö cöneiya’to; cone’da ä’döjoodö cöneiya’to töcoone’nadiiyöcoomo jäcä.

MATEO 4:25

Jooje soto Caadideea ñancomo cönäämannä’a’to chääjadä, Decaapodi ñancomo mmaja, Jeduusadén ñancomo mmaja, Judheea ñancomo mmaja, Joodadán mänsemjoncomo mmaja.

MAADOCO 7:24

Yäätonno Jesuuquidiito cönääma’täi yaawä. Tiido ña cöntämä, Sidhón ña mmaja. Yaawä ä’saca töwä’döa’jäcä töwääcadeeme’jojo’se’da cönä’jaacä. Yääje yeichaame tacaade’da eijai’cha cönä’jaacä.

MAADOCO 7:31

Yääje mma yaawä Tiido ñanno Jesuuquidiito cöntännea. Sidhón chäcä cöneeja’dätäi, Decaapodi chäcä mmaja. Caadideea cu’jäi ña cönä’döi yaawä.

DUUCA 6:17

Jesuuquidiito jöö daca cönä’täi yaawä ñanno töne’to’jocoomo jadäiñe. Acaanawä cönä’jaacä yaawä tönoowanoomadö jadäiñe. Jooje Judheea ñancomo cönä’ja’to dea chääjadäiñe, jooje Jeduusadén ñancomo mmaja, Tiido ñancomo mmaja, Sidhón ñancomo mmaja, ñanno dama jawoncomo. Ñanno cönä’ja’to dha’deddu eta ye’a’como, chäwwä töwaadoncajoodöcoomo wetä ye’a’como mmaja.