MAADOCO 2:2 - Wanaadi A'deddu

² Yaawä jooje soto cöne’jummaicho yöiña. Maa tu’que cönä’jaacä, mönaatata jona tödööene. Töwö Jesuuquidiito Wanaadi a’deddu cöneecammajä’acä chäwwäiñe.

MAADOCO 2:2 Iomraidhean Croise

MATEO 5:2

Yääje mma yaawä Jesuuquidiito cönaajäntäi owaanomaadöcoomo; cönä’döaacä:

MAADOCO 1:14

Yääje mma yaawä jedeesoje Juan wä’döja’jäcä, Jesuuquidiito cöntämä Caadideea ña, aashichaato wätunnä ecammajä’ancädä Wanaadi töcaajichaanaije tödöödö jäcä.

MAADOCO 1:33

Tameedä yää jataawoncomo cöne’jummaicho mönaatajo.

MAADOCO 1:37

Töwwäiñe ejoodöa’jäcä cönä’döa’to chäwwä: —Tameedä soto adhuujiyaato; quee.

MAADOCO 1:45

Yääje Jesuuquidiito wä’dö’jödö weichaame ñäädä dhanwa cöneecammajäätöi tameedä soto wwäiñe. Yääje yeijäcä soto neneedöcoomoje Jesuuquidiito täjai’cha cönä’jaacä jataaca. Jata tö’cäcä mmaane töwäämannä’e cönä’jaacä, soto ’jemjönö ai. Yääje yeichaame tameedä jata waadoinchomo töötä dea cönä’ja’to yöiña.

MAADOCO 2:1

Äächädä anooto yä’döa’jäcä Jesuuquidiito cöntännea Cajeedamu ña. Tä’saca yeichö cöneecatai yaawä.

MAADOCO 2:13

Yää ’jeje Jesuuquidiito cöntännea chu’jä döiña. Yaawä tameedä soto cöne’jummaicho yöiña. Töwö cönoowanooma’to yaawä.

MAADOCO 6:34

Cudiiyada acanno Jesuuquidiito wä’ta’jäcä töwö cöneedantoicho ñanno jooja’como soto. Wentumje cöneene’ma’to, oweeja tädhaajäquemjöncomo nönge yeichomjäcä. Yaawä töwö cönoowanooma’to numa.

DUUCA 12:1

Yaawä jooje soto cöne’jummaicho yäätä, ime’cu’tädö e’jodhe, töwaatadiimajä’eene. Jesuuquidiito cönaajäntäi yaawä ñanno soto netaadöcoomoje töwa’deuwödö tönoowanoomadö wwäiñe. Töwö cönä’döaacä: —Äädai’chätääcä jaadiseeo nummannä’cato’como jäcä, yää yääjönö wa’cä töwäänejo weiñä.

DUUCA 5:17

Aneedawä anooto awä Jesuuquidiito cönä’jaacä owaanomaadöje. Yäätä cönä’ja’to jaadiseeo wataajima’como, judhío owaanomannamo mmaja, tameedä Caadideea ñano jataawoncomo we’a’como, Judheea ñano jataawoncomo we’a’como mmaja, Jeduusadén ñancomo we’a’como mmaja. Wanaadi jäduudu ’je Jesuuquidiito cönä’jaacä yaawä, soto adoncatoojo.

DUUCA 8:1

Yää ’jeje Jesuuquidiito cönäämannä’acä jata waadäi, aashichaato wätunnä Wanaadi töcaajichaanaije tödöödö jäcä ecammajä’ancädä. Ñanno amoojadooto de’wä aaco’como ñoowanoomadö chääjadä cönä’ja’to dea.

DUUCA 8:11

“Edääje töwä’dö’se yeichö mädä yö’seeno. Dhadöödö yää Wanaadi a’deddu.

DOSECHO 11:19

Yaawä soto wwäiñe Eteewa ema’jeje anejjacoomo quedeiyentecoomo maminchädööcomo mmaja cönaajäntoicho dea; yääje yeijäcä ñanno quedeiyentecoomo cönäänejeicho Jeniisiya ña, Chiipede ña mmaja, Antiyooquía ña mmaja. Iiña tönwanno Wanaadi a’deddu töneecammajä’e cönä’ja’to, tameedä soto wwäiñe’da, judhíocoomo wwä mma.

DOSECHO 14:25

Peedeje ña Wanaadi a’deddu ecammajä’a’jäcä cöntonto yaawä Ataadiya ña.

DOSECHO 16:6

Yaawä Aasiya ña Epíiditu Santo Wanaadi a’deddu aneecammajoojätö’da cöneiyacä Paudo wwäiñe. Jidiijiya ñano cömja’dätoicho yaawä, Cadaasiya ñano mmaja;

DOSECHO 8:25

Yääje mma yaawä töwa’deuwödööcomo’jo, Wanaadi a’deddu ecammajäätödö’jo mmaja, ñanno anonta’como cönennacaicho yaawä Jeduusadén ña, aashichaato wätunnä ecammajä’ancädä Samaadiya ñancomo jata cäcäiñe.

DOMAANO 10:8

Amoinche’da dajaane Quidiito na äjääcä. ¿Edääje jönca imennaajä nä’döaanä: “Amoinche’da Wanaadi a’deddu na äjääcä. Äntaca dha’deddu na, ätö’tajäätödö aca mmaja;” quee jönca nä’döaanä? Yää ecammajäätödö necammaadö ecamjödö jäcä töneecammajä’e ñaa weneenedö.

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.