MAADOCO 2:12 - Wanaadi A'deddu

¹² Yaawä dea mma ñäädä dhanwa cönammöi. Tä’wötö shoomadö’jo cöntämä yaawä tameedä ñeenedööcomooje. Tameedä ñanno soto cönääcatoncaicho. Aashicha Wanaadi jäcä cöna’deuwa’to; cönä’döa’to: —Mädääjato aneene’da töweiye caato; quee cönä’döa’to.

MAADOCO 2:12 Iomraidhean Croise

MATEO 12:23

Soto cönääcatoncaicho yaawä; cönä’döa’to: —¿Ñäädä ca mä’dä Dawí weichö? quee cönä’döa’to Jesuuquidiito jäcä.

MATEO 15:31

Ñanno soto cönääcatoncaicho yaawä, töwwäiñe eneea’jäcä ta’deudemjöncomo wa’deutadööcomo, töwe’tamonga’como waadoncadööcomo mmaja, secumja’como sheecuncadööcomo mmaja, tänuuquemjöncomo enu’tädööcomo mmaja. Aashicha cöna’deuwa’to yaawä iisadaaediitacoomo Wanaadiyö jäcä.

MATEO 9:33

Odo’sha ija’canö’ja’jäcä Jesuuquidiito wwä, ñäädä ta’deudemjönö cöna’deutai yaawä. Soto cönääcatoncaicho yaawä; cönä’döa’to: —Mädä nöngato aneene’da töweiye caato Iisadaaede ña; quee cönä’döa’to.

MATEO 9:8

Yää eneea’jäcä soto cönääcatoncaicho. Aashicha cöna’deuwa’to yaawä Wanaadi jäcä, yää nöngato adoncatoojo utu’jödö weijäcä soto wwä.

MAADOCO 1:27

Tameedä soto cönääcatoncaicho yaawä. Tönwannoje dea cönä’döa’to: —¿Aaqueneeto mädä? ¿Ane’cäämö nöngato wätunnä mädä? Töwö odo’shancomo jadä’jödöödä nanontaato; tönwanno töneeta dha’deddu; quee cönä’döa’to.

MAADOCO 2:11

—Äwwä yääje wä’döa, aanöncä; adhe’wötö adääcä; ämmai chaca äjääne; quee cönä’döaacä.

DUUCA 13:13

Yaawä töwö Jesuuquidiito tamäädö cönnöi ye’wä. Yaawä dea mma ñäädä wodi cöneesa’duminchai. Aashicha Wanaadi jäcä cöna’deuwöi yaawä.

DUUCA 17:15

Yaawä tooni töwääjichö’tä töwäädanta’jäcä cönennacai Jesuuquidiito döiña, töcä’de aashicha töwa’deuwancädä Wanaadi jäcä.

DUUCA 5:26

Tameedä ñanno soto cönääcatoncaicho. Aashicha Wanaadi jäcä cöna’deuwa’to yaawä. Töwääcatoncadööcomooje cönä’döa’to: —Tönoiñato queeneto eduuwa; quee cönä’döa’to.

DUUCA 7:16

Yää eneea’jäcä tameedä soto cönääcatoncaicho yaawä; aashicha Wanaadi jäcä cöna’deuwa’to; cönä’döa’to: —Wanaadi wa’deuwödö ecammanei täneejucaato määdhä cantawäiñe naadö. Tösootoi töneene dämma töwö Wanaadi; quee cönä’döa’to.

JUAN 7:31

Jooje soto cöneecamjöicho töwö; tönwanno cönä’döa’to: —¿Äwaanacaanei we’a’jäcä jooje ene’ju’tojo tödööjai ñai, määdhä e’jodhe’cä? quee cönä’döa’to.

JUAN 9:32

Cönwanno aneeta’da dea caato soto wwä tänuuquemjönö wennuaajä ejiichö’tä’jödö.

DOSECHO 4:21

Yaawä ñanno soto cajiichaanaichomo töwwäiñe Peedhodo euwö’jejeiñe cönenno’jaicho. Tönwanno imaaminchajaiñe’da cönä’ja’to tameedä soto aashicha töwa’deuwe yeichomjäcä Wanaadi jäcä, yää cöneeja’dätäichö jäcäinchädä.