JUAN 9:39 - Wanaadi A'deddu

³⁹ Yaawä Jesuuquidiito cönä’döaacä: —Öwö we’ne edä nonoodö de’cäi wätämmencajoonä ajäntojo, ñanno tänuuquemjöncomo töneene ä’döiyeto, ñanno tänuuca’como ’quene tänuuque’da ä’döiyeto; quee cönä’döaacä Jesuuquidiito.

JUAN 9:39 Iomraidhean Croise

MATEO 11:5

Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

MATEO 15:14

Mädääje nei’ña’to. Tönwanno tänuuque’da naato, tänuuquemjöncomo mmaja ne’se’taato. Tänuuquemjönö wwä tänuuquemjönö mmaja adääa’jäcä, a’nädä ejuccajai ñaato yaawä sö’jato aca; quee cönä’döaacä.

MATEO 6:23

Yaawääne’ adheenudu cone’da yeiya’jäcä, tööjano’taca ma amäädä yaawä. Yää adhaawadööjato’jödö änweijo’da yeiya’jäcä tööje äwwä eijai ña yaawä.

DUUCA 1:79

Yää na’de ñanno tööjano’taca naatoodö weiyuuducoomoje, ñanno töwä’ja’aamo; täncanoode’da weiñä ai cä’se’täneichomooje mmaja yää na’dede; quee cönä’döaacä Saacadía.

DUUCA 13:30

Yaawä ema’jödööje naatoodö dhantai täneejuque naato’de. Ñanno eduuwa täneejuque naatoodö mmaane dhantai ema’jödööje naato’de; quee cönä’döaacä Jesuuquidiito soto wwäiñe.

DUUCA 2:34

Yaawä Simeón Wanaadi wwä cöna’deuwöi chääjäcäiñe. Cönä’döaacä yaawä yeenö Madía wwä: —Edääje wä’dö’se wa äwwä: Määdhä mude’cä’cä na’de jooje iisadaaediitacoomo wejuccato’comooje; dhantai mmaane yaadoncato’comooje na’de. Töwö ta’dumi ñönge na’de; töwä’quiiñeme’jo mma nä’quiiñeme’ja’de.

DUUCA 4:18

Epíiditu Santo ’je wa; Cajiichaana Wanaadi ye’täne wentumja’como wwäiñe aashichaato wätunnä ecammajä’neije. Töwö yaanontäne wentumja’como tö’tajäätödö i’wa’täiñe, jedeesoja’como tö’tajäätödö i’wa’täiñe mmaja, tänuuquemjöncomo enu’täneichomooje mmaja; yäntunamjödööcomo i’wa’täneichomooje mmaja töwö yaanontäne dea,

DUUCA 7:21

Ñanno wä’dödaawäiñe ñeenedööcomooje Jesuuquidiito jooje cädäija’como cönaadoncaicho, jooje yäntunamjödööcomo mmaja, odo’sha ’ja’como mmaja. Jooje tänuuquemjöncomo cöneenu’täjä’a’to dea.

JUAN 12:31

Eduuwä nä’döi edä nono de’woncomo emmencato’como aca. Eduuwä nä’döi edä nono de’wono waanontädö u’catoojo, ñäädä odo’sha.

JUAN 12:46

Öwö edä nonoodö de’cäi we’ne weiyuuje, tööjano’taca’da yeecanö’nei yeichö wetä.

JUAN 3:17

Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.

JUAN 3:19

Weiyu cöneejä edä nonoodö de’cäi. Soto cumjumma’to tööjato, weiyu e’jodhe’cä, cone’da tönnödööcomo weijäcä. Yääje yeijäcä ñanno aneecanö’jöncomo töwännanö’aamoje naato.

JUAN 8:12

Yää ’jeje Jesuuquidiito cöna’deuwöi chea soto wwäiñe; cönä’döaacä: —Öwö ñäädä weiyu, sotoocomo yeijonei. Ñäädä jaadono wötäädö tööjano’taca ei’cha na’de; chäwwä töweiye na’de weichojo weiyu; quee cönä’döaacä.

JUAN 8:15

Änwanno ajuunucoomo woije mma tönemmenca määnetääne; öwö mmaane anemmenca’da wa.

JUAN 9:25

Yaawä töwö cöneccujä’a’to: —Yoowanääcä’da na aashicha yeichö, cone’da yeichö jeiñe mma. Yää mma yoowanääcä na, öwö tänuuque’da wä’jaaquene, eduuwaane töneene wa; quee.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

2 CODINTIYO 2:16

Ñanno yännanö’a’como wwä yää jodö na wäämatoojoje; yääwanaaca’como wwä mmaane nudä weichojooje daja. ¿Änääcö mädä wa’coto tadaawaaju ännödööde’ ?

EUJEESIYO 5:14

Yääje yeijäcä edääje wä’dönä nai: Ä’jäcä amäädä wetuujato; aanöncä awäämaajo jonno, Quidiito aweijoiye yaawä; quee.

2 TEESADOONISENSE 2:10

Aneejejaiñene’jödöödä conemjönö que nencu’taato’de ñanno töwännanö’aamoje töweiyaamo. Tönwanno mädääje nätäncu’täjaato’de chäänöngato ämjumma’da töwei’jocoomo e’nei, yää töwääwanaacato’comoojato’jödö.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 JUAN 2:11

Ñäädä töweichacoono chiiñeme’nei tööjano’taca na; tööjano’tai näämannä’a töwö. Töwö tösaadijange na tööjato wwä tänuudu’jödö weijäcä.