JUAN 9:30 - Wanaadi A'deddu

³⁰ Yaawä ñäädä tänuuquemjönö’jödö cönä’döaacä chäwwäiñe: —¿Aaqueneeto mädä? Änwanno odhoowanääcäiñe’da töwö yeichaame yeenudu nichoonecai töwö.

JUAN 9:30 Iomraidhean Croise

MATEO 11:5

Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

MATEO 21:42

Yaawä Jesuuquidiito cönä’döaacä chäwwäiñe: —¿Ana’de’tä’da ca meiya’quene Wanaadi a’deddu imennaajä? Edääje nä’döa: Yää täju, maa amännamo cönquiiñemeecöichodö, anno’tojooje na eduuwa. Cädhaajotoncomo mädääje cönnöi; aashicha cöwwäiñe chö’tadö na; quee imennaajä wä’dödö na.

MAADOCO 6:6

Töwö cone’da cönä’jaacä aneecamjö’da soto weichomjäcä. Yaawä töwö cönäämannä’acä jata amoinchemjönö waadäi, soto owaanomancädäiñe.

DUUCA 7:22

Yaawä Jesuuquidiito cönä’döaacä Juan anoonö wwäiñe: —Aneene’jocoomo ecammajä’tantäcä Juan wwä, aneeta’jocoomo mmaja. Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

JUAN 12:37

Ñeenedööcomooje jooje ene’ju’tojo tödö’jödö weichaame Jesuuquidiito wwä, ñanno judhíocoomo aneecamjö’da dea cönä’ja’to.

JUAN 3:10

Jesuuquidiito cönä’döaacä chäwwä: —¿Iisadaaediita owaanomaaneichomo tacaadatooje aweichaame mädä odhoowanääcä’da nai?

JUAN 9:29

Ñaa owaanäcä na Moisé wwä Wanaadi wa’deuwö’jödö. Ñäädä dhanwa mecammaadö mmaane yeejö’jödö jadä’jödöödä ñaa owaanäcä’da na; quee cönä’döa’to.

JUAN 9:31

Cönwanno cowaanäcäiñe na Wanaadi aneeta’da yeichö conemjönö tödöönei a’deddu. Ñäädä a’deddu mmaane töneeta Wanaadi, tujummanei a’deddu, töwaanontä’jödö tödöönei a’deddu.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.