JUAN 9:29 - Wanaadi A'deddu

²⁹ Ñaa owaanäcä na Moisé wwä Wanaadi wa’deuwö’jödö. Ñäädä dhanwa mecammaadö mmaane yeejö’jödö jadä’jödöödä ñaa owaanäcä’da na; quee cönä’döa’to.

JUAN 9:29 Iomraidhean Croise

MATEO 12:24

Jaadiseeo cöneeta’to yääje ya’deuwödööcomo. Tönwanno cönä’döa’to: —Mä’dä dhanwa odo’shancomo tömja’canö’jo weneene Weesewú jäduudu que, ñäädä odo’sha edhaajotoncomo; quee cönä’döa’to.

MATEO 26:61

Tönwanno cönä’döa’to: —Yääje määdhä cönä’döaacä: “Wanaadi weichojo emajjojai wa anejja tödöödö wetä yaawä aaduwaawä anooto mma;” quee cönä’döaacä; quee cönä’döa’to ñanno Jesuuquidiito ementännamo.

DUUCA 23:2

Iiña cönaajäntoicho yaawä ementädö; cönä’döa’to: —Määdhä ñaa cöneedantäi soto i’jedäädöcoomoje. Töwö chäwwäiñe jödaata äntujo’da acu’shänä wwä. Äwaanacaaneije töwäätä’tä weneene, cajiichaanaje mmaja; quee cönä’döa’to.

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 7:27

Cönwanno cowaanäcäiñe na määdhä weejö’jödö; Äwaanacaanei we’a’jäcä mmaane owaanäcä’da na’de yeejö’jödö; quee cönä’döa’to.

JUAN 7:28

Yää etaadö’jo Jesuuquidiito täta cöna’deuwöi yaawä Wanaadi weichojo tawä owaanomaadawä. Töwö cönä’döaacä: —¿Odhoowanääcäiñe dämma wanä? ¿Weejö’jödö mmaja odhoowanääcäiñe nai chea? Öwö woije’da dajaane we’ne; ñäädä chäänöngato yaanontäne, ñäädä odhoowanoojönööcomo.

JUAN 8:14

Jesuuquidiito cönä’döaacä chäwwäiñe: —Öwö dea wääcammataame chäänönge wääcammadö na. Öwö yoowanääcä na weejö’jödö, öötotoojo yoowanääcä mmaja. Änwanno mmaane odhoowanääcäiñe’da na öwö weejö’jödö, öötotoojo odhoowanääcäiñe’da mmaja na dea.

JUAN 9:16

Yaawä anejjacoomo jaadiseeo cönä’döa’to: —Wanaadi anoonöje’da na ñäädä dhanwa, yääje ayöödöichö, wäädeetatoojo anooto onnontä’da naadö naane’; quee cönä’döa’to. Anejjacoomo ’quene cönä’döa’to: —¿Aaquene mmaja dhanwa conemjönö ene’ju’tojo ännödö deaade’ ? quee. Äänönge’da chö’tajäätödööcomo cönä’jaacä.

JUAN 9:24

Yää ’jeje cöna’dejjaicho dea ñäädä tänuuquemjönö’jödö; cönä’döa’to chäwwä: —Wanaadi netaadöje ääcammacä; ñaa owaanäcä na ñäädä dhanwa conemjönööje yeichö; quee cönä’döa’to.

JUAN 9:30

Yaawä ñäädä tänuuquemjönö’jödö cönä’döaacä chäwwäiñe: —¿Aaqueneeto mädä? Änwanno odhoowanääcäiñe’da töwö yeichaame yeenudu nichoonecai töwö.

DOSECHO 22:22

Määtä mma ñanno soto cöneeta’to Paudo wa’deuwödö; cönaajäntoicho yaawä töcä’tömjätöödöcoomo: —Tämamje na; määdhä nöngato nudä eijai’cha na; quee cönä’döa’to.

DOSECHO 26:22

töwäädä Wanaadi ö’wa’täneene’. Yääje yeijäcä eduuwa naadö jona tödööene ejääduqueejö’da wa; Wanaadi a’deddu ecammajäätödööje dea wäänene tameedä soto wwäiñe, mudeeshi wwäiñe, inchoncomo wwä mmaja. Anejja jäcä aneecammajäätö’da wa, ñanno Wanaadi wa’deuwödö ecammannamo necammajäätö’jocoomo nönge deaane, Moisé necammajäätö’jödö nönge mmaja, yää töweeja’dä’emö jäcä.

DOSECHO 7:35

“Ñanno iisadaaediitacoomo awa’deene Moisé cönquiiñemeecöicho, edääje cönä’döa’todö naane’: “ ¿Änääcö ayöödöne ñaa cajiichaanaije, ñaa ecamma’joneije mmaja?” quee. Yääje yeichaame Wanaadi Moisé cönnöi chaajichaanaichomooje, ewaanacaaneichomooje mmaja. Ñäädä tamoodedö chuuta wätuudedö do’taca cönäänejoichö ai Wanaadi yääje cöna’deuwöi Moisé wwä.

EEWEDEO 1:1

Jenaadä ta’deddu ecammannamo ai weiñäje Wanaadi töwa’deuwe cönä’jaacä cadai’choncomo wwäiñe, aneejejaiñene’jödöödä.

EEWEDEO 1:2

Eduuwa, anooto ataamejai yä’döa’jäcä, töwö cöna’deuwöi Tönnedö ai chaja. Tönnedö ai Wanaadi cönnöi tameedä yeichö wa’cä; chäwwä cöneecammai chea tameedä iiñödööje yeichojo.