JUAN 9:24 - Wanaadi A'deddu

²⁴ Yää ’jeje cöna’dejjaicho dea ñäädä tänuuquemjönö’jödö; cönä’döa’to chäwwä: —Wanaadi netaadöje ääcammacä; ñaa owaanäcä na ñäädä dhanwa conemjönööje yeichö; quee cönä’döa’to.

JUAN 9:24 Iomraidhean Croise

MAADOCO 15:27

Aacä tämeena’como cuduusa jäcä cönaajoijoicho dea yaawä. Ääjato ñanno cönä’ja’to Jesuuquidiito nnäcä.

DUUCA 15:2

Yääje yeijäcä ñanno jaadiseeocoomo, judhío owaanomannamo mmaja, Jesuuquidiito jäcä cönenta’me’ca’to; cönä’döa’to: —Mä’dä conemjönö dönnamo jadä weneene, chääjadäiñe töwääwashinchä mmaja; quee cönä’döa’to.

DUUCA 19:7

Yää eneedö’jo tameedä soto cönenta’me’ca’to; cönä’döa’to: —Conemjönö tödöönei mmai chaca Jesuuquidiito nääwa’täi; quee.

DUUCA 7:39

Yää eneea’jäcä jaadiseeo wwä, ñäädä ääwashinchä Jesuuquidiito a’dejjanei’jödö wwä, töwö cöntö’tajä’acä: “Wanaadi wa’deuwödö ecammanei ñeeneje määdhä weiya’jäcä, dhowaanäcä eichö määdhä wodi tajoojonei masuuduije yeichö;” quee cöntö’tajä’acä.

JUAN 14:30

“Mädä jonno jooje a’deuwö’da wa’de äwwäiñe, edä nono de’wono waanontädö weejödö weijäcä, ñäädä odo’sha; töwö ye’jodheinchajai’cha na.

JUAN 16:2

Ñanno edä nono de’woncomo ayu’caato’de töjaadäiñe aweichöcoomo jonno. Äcuude tönwanno aja’ato’de, Wanaadi wwä aashichaato töwwäiñe tödööaatäi.

JUAN 18:30

Tönwanno cöneccujä’a’to: —Conemjönö tödööneijönö ei’jo äntu’da ñaa eichö äwwä; quee cönä’döa’to.

JUAN 19:6

Töwwäiñe Jesuuquidiito eneea’jäcä ñanno Wanaadi wwä töwa’deuwaamo edhaajotoncomo, waadiya mmaja, cönaajäntoicho töcä’tömjätöödöcoomo: —Cuduusa jäcä ajoijojoocä. Cuduusa jäcä ajoijojoocä; quee cönä’döa’to. Pidaato cönä’döaacä chäwwäiñe: —Änwannoone adäätäcä; cuduusa jäcä majoijotäiye. Öwö mmaane conemjönö iiñö’jödö aneejodö’da wa; quee.

JUAN 5:23

Yääje yeijäcä tameedä soto tönoiñe eneejai ñaato ñäädä Iiñedö, Yuumö nontädö wa’cä mmaja. Ñäädä Iiñedö ñontäneijönö Yuumö onnontä’da mmaja na dea, ñäädä Iiñedö anontänei’jödö.

JUAN 8:46

¿Änääcö adhantawäiñe ecammajai ñai conemjönö önnö’jödö? ¿Ane’que’nei aneecamjö’da maato, chäänönge ecammajä’taame öwwä?

JUAN 8:49

Jesuuquidiito chäwwäiñe cönä’döaacä: —Odo’sha ’je’da wa. Öwö Jaaja wa’cwaima; änwanno maane cöquiiñeme’cato.

JUAN 9:16

Yaawä anejjacoomo jaadiseeo cönä’döa’to: —Wanaadi anoonöje’da na ñäädä dhanwa, yääje ayöödöichö, wäädeetatoojo anooto onnontä’da naadö naane’; quee cönä’döa’to. Anejjacoomo ’quene cönä’döa’to: —¿Aaquene mmaja dhanwa conemjönö ene’ju’tojo ännödö deaade’ ? quee. Äänönge’da chö’tajäätödööcomo cönä’jaacä.

JUAN 9:25

Yaawä töwö cöneccujä’a’to: —Yoowanääcä’da na aashicha yeichö, cone’da yeichö jeiñe mma. Yää mma yoowanääcä na, öwö tänuuque’da wä’jaaquene, eduuwaane töneene wa; quee.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

APOOCADIISI 11:13

Yaawä dea mma nono cönäätu’mei jooje. Dhantai maa yää jataawono cönaata’dojoojätöi; 7,000 soto cönä’jajoicho yää nono wätu’medö canaadöje. Yaawä ñanno yä’ja’jöncomo’jödö cönääcatoncaicho jooje; Wanaadi caju ñano o’jodhaatoje cöne’ta’to yaawä.