JUAN 9:16 - Wanaadi A'deddu

¹⁶ Yaawä anejjacoomo jaadiseeo cönä’döa’to: —Wanaadi anoonöje’da na ñäädä dhanwa, yääje ayöödöichö, wäädeetatoojo anooto onnontä’da naadö naane’; quee cönä’döa’to. Anejjacoomo ’quene cönä’döa’to: —¿Aaquene mmaja dhanwa conemjönö ene’ju’tojo ännödö deaade’ ? quee. Äänönge’da chö’tajäätödööcomo cönä’jaacä.

JUAN 9:16 Iomraidhean Croise

MATEO 12:10

Yäätä cönä’jaacä dhanwa dhamäädö töwaamo’mongato. Yäätoncomo soto Jesuuquidiito cöneecamma’joicho: —¿Aashicha töweiye nai wäädeetatoojo anooto awä soto adoncadö? quee cönä’döa’to. Tönwanno yääje cönä’döa’to chääjäcä cone’da töwa’deuto’como ejoodödö wetä.

MATEO 12:2

Yää eneea’jäcä jaadiseeo cönä’döa’to Jesuuquidiito wwä: —Eneecäjaane’ma, wäädeetatoojo anooto awä tödööemjönö onoowanoomadö nödööaatoodö; quee cönä’döa’to ñanno jaadiseeo.

DUUCA 13:14

Yaawä ñäädä we’jummatoojo edhaajä cönäätömai wäädeetatoojo anootoi’chädö awä ejiichö’tä’jödö weijäcä Jesuuquidiito wwä. Töwö cönä’döaacä soto wwäiñe: —Tooni amoojato anooto na wetaadawa’cajootojo. Yää anooto awääne ääjichö’täjo e’jai maato, wäädeetatoojo awä’daane; quee cönä’döaacä.

JUAN 10:19

Yää eta’jäcä töwwäiñe äänönge’da judhío tö’tajäätödööcomo cönä’jaacä.

JUAN 14:11

Cäcaanö’täcä Jaaja aca weichö, Jaaja yaaca yeichö mmaja. Ya’deddu aneecamjö’da aweiya’comjäcä, önnödö jäcäinchädä cäcaanö’täcä.

JUAN 15:24

Dhantawäiñe jooje aashichaato ännö’da wei’jo äächädääjemma choone’nadiiyöcoomo eichö. Tönwanno cöneenea’to yää önnö’jödö; yääje yeichaame quiiñeme’caato, Jaaja nichiiñeme’caato dea.

JUAN 2:11

Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

JUAN 3:2

Töwö cöntämä Jesuuquidiito döiña, coijai; cönä’döaacä chäwwä: —Owaanomaanei, ñaa owaanäcä na Wanaadi nanontä’jödööje aweichö ñaa owaanomaaneije. Anejja tödööjai’cha mädä täneemö tönnöe määneneedö Wanaadi chääjadä’da yeiya’jäcä; quee cönä’döaacä Niicodheemo Jesuuquidiito wwä.

JUAN 5:10

Yääje yeijäcä judhíocoomo cönä’döa’to ñäädä cädäijato’jödö wwä: —Wäädeetatoojo anooto dajaane mädä eduuwa; adhe’wötö adääjai’cha ma.

JUAN 5:36

Töweiye öwwä na Juan necamma’jödö e’jodhaato jaiñoone. Mädä Jaaja waanontädö tönnöe wääneneedö nene’ju’ja Jaaja yaanontänei’jödööje yeichö.

JUAN 6:52

Yaawä judhíocoomo tönwannoje dea cöna’deuwa’to: —¿Aaquene mmaja tujuunu cöwwäiñe äntudu deaade’ tänäädö wetä cöwwäiñe? quee cönä’döa’to.

JUAN 7:12

Jooje soto cöna’deuwa’to chääjäcä. Anejjacoomo cönä’döa’to: “Aashichaato töwö;” quee; anejjacoomo ’quene cönä’döa’to: “Cone’da töwö, soto täncu’täiñe;” quee daja.

JUAN 7:23

Wäädeetatoojo anooto awä shiichu’ca siicunsidaadoje tönnöe määnetääne, Moisé waanontä’jödö ämja’do’jo’da aweichöcoomo wetä. Yääje yeiya’jäcä, ¿ane’que’nei yeuwö’se maato dea soto adonca’jödö weijäcä öwwä wäädeetatoojo anooto awä?

JUAN 7:43

Mädääje äänönge’da soto tö’tajäätödööcomo cönä’jaacä Jesuuquidiito jäcä.

JUAN 9:24

Yää ’jeje cöna’dejjaicho dea ñäädä tänuuquemjönö’jödö; cönä’döa’to chäwwä: —Wanaadi netaadöje ääcammacä; ñaa owaanäcä na ñäädä dhanwa conemjönööje yeichö; quee cönä’döa’to.

DOSECHO 14:4

Yää jataawoncomo äänönge’da chö’tajäätödööcomo cönä’jaacä; dhantai cöneecamjöicho judhío a’dedducoomo, dhantai ’chene anonta’como a’dedducoomo daja.