JUAN 8:6 - Wanaadi A'deddu

⁶ Tönwanno yääje cönä’döa’to Jesuuquidiito oneejadööje mmädä, cone’da chääjäcä töwa’deuwödööcomo wetä yää ’jeje. Jesuuquidiito cönootommoi yaawä; tamäädö dhadaadö que cönaajäntäi yaawä imennädö nono de’wä.

JUAN 8:6 Iomraidhean Croise

MATEO 10:16

“Öwö manaanontaato eduuwa. Änwanno maato’de oweeja mado antawäiñe eijai ñaatoodöje. Yääje yeijäcä odhoowadäädäiñe eichäcä’de, äcääyu töweiye naichöje, tääde’cwade’daane, jaduuma weichö nöngeene.

MATEO 15:23

Jesuuquidiito aneccujäätö’da cöneiyaacä. Yaawä ñoowanoomadö cöneejoto chäwwadäädä; cönä’döa’to Jesuuquidiito wwä: —Enno’jacä mä’dä wodi. Cöjaanaquiimaato; quee cönä’döato.

MATEO 16:1

Yääje mma yaawä jaadiseeocoomo, saadhuseeocoomo mmaja, cöneejoto Jesuuquidiito döiña. Tönwanno oneejadööje mmädä ene’ju’tojo cönnöja’to chäwwä, caju ñanooje töwäänejootojooje.

MATEO 19:3

Yaawä anejjacoomo jaadiseeo cöneejoto Jesuuquidiito wwadäädä. Tönwanno oneejadööje mmädä cöneecamma’joicho: —¿Aashicha ca eijai ñai dhanwa wwä töjiiñamo e’nomjadö tumjummadö woije mma? quee cönä’döa’to.

MATEO 22:18

Jesuuquidiito dhowaanäcä cönä’jaacä cone’da ta’deudeme’jo’se yeichöcoomo. Töwö cönä’döaacä: —Yääjönö wa’co’como wäänejoodö änwanno. ¿Ane’cotoojo cuyuunacaato?

MATEO 22:35

Yaawä judhío owaanomannamo jimmotoncomo oneejadööje mmädä Jesuuquidiito cöneecamma’joi; cönä’döaacä:

MATEO 26:63

Äucwätä’da cönä’jaacä Jesuuquidiito. Yaawä Wanaadi wwä töwa’deuwaamo edhaajotoncomo cönä’döaacä chäwwä: —Ääcammacä eduuwa, Wanaadi nudooto netaadöje. ¿Ñäädä ca amäädä, Äwaanacaanei, Wanaadi nnedö? quee.

MAADOCO 10:2

Yaawä anejjacoomo jaadiseeo cöneejoto chäwwadäädä. Tönwanno oneejadööje mmädä cöneecamma’joicho dhanwa töjiiñamo e’nomjajai yeichö jäcä.

MAADOCO 12:15

Jesuuquidiito dhowaanäcä cönä’jaacä yäätäncu’tädööcomo. Töwö cönä’döaacä chäwwäiñe: —¿Ane’cotoojo cuyuunacaato? Jödaata änne’täcä tooni, weneiye.

MAADOCO 3:2

Yäätoncomo soto Jesuuquidiito cöneene’ma’to; ¿adoncatai ’ja, wäädeetatoojo anooto yeichaame? quee töucwadööcomooje, chääjäcä cone’da töwa’deuto’como ejoodödö wetä yaawä.

MAADOCO 8:11

Yääje mma yaawä jaadiseeo cöneejoto Jesuuquidiito döiña. Cönaajäntoicho yaawä chääjadä töwäätäccujäätödööcomo. Tönwanno oneejadööje mmädä ene’ju’tojo cönnöja’to chäwwä, caju ñanooje yäänejootojooje.

DUUCA 10:25

Yääje mma yaawä judhío owaanomannamo jimmä cönammöi; töwö Jesuuquidiito oneejadööje cönä’döaacä: —Owaanomaanei, ¿ane’cäämö tödööjai wanä weichö töwaatamemjönö chaana’catoojoje? quee cönä’döaacä.

DUUCA 11:16

Anejjacoomo Jesuuquidiito yuunacaadöje ene’ju’tojo cönnöja’to chäwwä, caju ñanooje töwäänejootojooje.

JUAN 8:2

Yää jenamma jenaadäne cönennacai yaawä Wanaadi weichojo taca. Yaawä tameedä soto cöne’jummaicho yöiña. Töwö cönaatajiimai yaawä owaanomaadöcoomo wetä.

1 CODINTIYO 10:9

Cönwanno Cajiichaana Jesuuquidiito oneejajai’cha caato. Mädääje ñanno cönnöicho, dhantai; äcääyu canaadöje cönä’jajoicho yaawä.