JUAN 8:52 - Wanaadi A'deddu

⁵² Yaawä ñanno judhíocoomo cönä’döa’to chäwwä: —Eduuwa ñaa owaanäcä na odo’sha ’je aweichö. Aawadán töwääma na, tameedä Wanaadi wa’deuwödö ecammannamo’jödö mmaja; yääje yeichaame yääje mä’döaanä: “Ya’deddu woije tödöönei ääma’da na’de;” quee.

JUAN 8:52 Iomraidhean Croise

MATEO 11:18

Ñäädä Juan cönä’ja’dö naane’, jooje ääwashinchä’da, jooje töwoocödö aneenö’da mmaja. Yääje yeichaame odo’sha ’je töne’tä mä’ja’quene.

JUAN 1:19

Yaawä judhío Jeduusadén ñancomo tanoonöcoomoje cönaanontoicho Wanaadi wwä töwa’deuwaamo; dewiitacoomo mmaja cönaanontoicho dea, Juan ecamma’jo. Ñanno Juan cöneecamma’joicho: —¿Änääcö amäädä? quee cönä’döa’to. Yaawä sa’donna Juan cönääcammai,

JUAN 14:23

Jesuuquidiito cöneccujä’acä: —Ñäädä öwö jummanei ya’deddu woije nödööa; Jaaja nijumma’de ñäädä. Ñaa ne’a’de yöiña; chääjadä ñaa na’de.

JUAN 15:20

Ätö’tatääcä äwwäiñe wa’deuwö’jödö jäcä: Dhanoonö tädhaajä e’jodhe’da töweiye nai; quee wä’dö’jödö jäcä. Ñanno öwö maaminchaneetodö, amaaminchatantäi’chede; ñanno ya’deddu etannamo’jödö, adha’dedducoomo mmaja netaato’dede.

JUAN 17:6

“Aashicha aweichö öwö weneejone ñanno edä nono de’woncomo antawonnoiñe öwwä mu’netoodö wwäiñe. Amäädä äwwoncomooje cönä’ja’to; öwwä mu’neto yaawä. Tönwanno adha’deddu woije cönnöicho.

JUAN 7:20

Yaawä soto cöneccujä’a’to: —Ä’jeta; ¿änääcö adheema’se nai? quee cönä’döa’to.

JUAN 8:22

Yaawä tönwannoje dea judhíocoomo cönä’döa’to: —¿Töwoije mmädä’da äämatai’che? ¿Ane’que’nei yääje nä’döaanä: “Öwö öötotoojo döiña täjai’cha maato;” quee?

JUAN 8:48

Yaawä judhío cönä’döa’to Jesuuquidiito wwä: —Chäänönge dämma samaaditaanoje adhe’tätä ñaa weneene, odo’sha ’janooje mmaja; quee cönä’döa’to.

JUAN 8:51

Chäänönge yääje wä’döa äwwäiñe, ñäädä ya’deddu woije tödöönei ääma’da na’de; quee cönä’döaacä Jesuuquidiito.

JUAN 8:55

Yääje yeichaame odhoowanääcäiñe’da na töwö; öwö mmaane yoowanääcä na. Yoowanääcä’da e’ta’jäcä öwwä, juutuje mmaja eijai wa dea yaawä, awei’yejeiñe mmaja. Yoowanääcääne na töwö, dha’deddu woije tönnöe wäänene dea.

JUAN 9:24

Yää ’jeje cöna’dejjaicho dea ñäädä tänuuquemjönö’jödö; cönä’döa’to chäwwä: —Wanaadi netaadöje ääcammacä; ñaa owaanäcä na ñäädä dhanwa conemjönööje yeichö; quee cönä’döa’to.

EEWEDEO 11:13

Tameedä ñanno we’toichodö cönä’jajoicho ecamjödööje dea, Wanaadi necamma’jödö aneene’da töwei’jocoomo weichaame. Ecamjödö ’je töweichomjäcä amoinchenno mma yää Wanaadi necamma’jödö cöneene’ma’to, aashicha cöneeta’to dea. Ta’cwaiñe mmaja cönä’ja’to dea yää jäcäinchädä. Töjaataquemjöncomooje töwääcamma cönä’ja’to, a’dhe edä nono de’wä töweiyaamoje mma.

EEWEDEO 2:9

Jesuuquidiito o’jodhe yeichö mmaane queeneaato, ñäädä a’dhe amoode o’näiñe cönä’ja’nei. Töwö Jesuuquidiito cönäämai tameedä cöjääcäinchädäiñe, aashicha Wanaadi weichö woije. Eduuwa töwö na o’jodhaatoje, aashicha wa’deutojooje mmaja, töwäntunamjö’jödö weijäcä töwäämadaawä.