JUAN 8:47 - Wanaadi A'deddu

⁴⁷ Ñäädä Wanaadi nnedö Wanaadi a’deddu töneeta töweiye nai. Änwanno mmaane aneeta’da maato, Wanaadi nnacoomoje’da aweijäcäiñe; quee cönä’döaacä Jesuuquidiito.

JUAN 8:47 Iomraidhean Croise

JUAN 12:48

Ñäädä quiiñeme’nei, ya’deddu ämjummajöönö, nätämmencaja’de. Anooto wataamedaawä töwö nätämmencaja’de yää eduuwa töwa’deuwe wääneneedö eta’jödö weijäcä töwwä.

JUAN 18:37

Yaawä Pidaato cönä’döaacä chäwwä: —¿Cajiichaana ca amäädä, yääje yeiya’jäcä? Jesuuquidiito cöneccujä’acä: —Ee, cajiichaana öwö, mecammaadöje. Mädääjatooje yennune; edä nono de’cäi we’ne a’deu chäänöngato ecammajä’neije. Tameedä ñanno a’deu chäänöngato woija’como ya’deddu töneeta weneeneto; quee cönä’döaacä Jesuuquidiito.

JUAN 5:25

Chäänönge yääje wä’döa äwwäiñe, chu’nädö aca wä’dönääje na eduuwa yä’ja’a’como nönga’como wwä etaatojo Wanaadi nnedö a’deddu. Ñanno etannamo’jödö wwäiñe töweiye na’de yeichöcoomo.

JUAN 6:65

Töwö cönä’döaacä: —Yääje yeijäcä yääje wä’döaanä äwwäiñe, anejja e’jai’cha na öwwadäädä Jaaja nenno’jadööje’da yeiya’jäcä; quee cönä’döaacä.

JUAN 8:37

Yoowanääcä na Aawadán atöödöje aweichöcoomo. Yääje yeichaame änwanno yeema’se maato, ya’deddu aneeta’da aweichomjäcä.

JUAN 8:43

¿Ane’que’nei aashicha aneeta’da maato neecammajäätödö? Etaajai’cha aweichöcoomo mmädä mädä.

JUAN 8:45

Öwö mmaane yeecamjö’da maato chäänöngato töneecamma weijäcä.

1 JUAN 3:10

Mädääje täne’ju’dhe naato Wanaadi nnacoomo, odo’sha nnacoomo mmaja. Ñäädä chäänöngato tödööneijönö, töweichacoono ämjummajöönö, Wanaadi nnedööjönö ñäädä.

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

2 JUAN 1:9

Ñäädä shaadijangajä, Quidiito wätunnäi ija’do’jonei, Wanaadi ’je’da na ñäädä. Ñäädä Quidiito wätunnäi chäänönge tödöönei mmaane, ñäädä Wanaadi ’je na, Iiñedö ’je mmaja.

3 JUAN 1:11

Weichacoono umjummadö, conemjönö tödöödö mma mäncu’jätöi, aashichaato tödöödö mmaane. Ñäädä aashichaato tödöönei, Wanaadi nnedö ñäädä; ñäädä conemjönö tödöönei mmaane Wanaadi aneene’da na ñäädä.