JUAN 8:32 - Wanaadi A'deddu

³² Änwanno odhoowanääcäiñe na’de a’deu chäänöngato; yää a’deu chäänöngato tanontaamoje aweichöcoomo jonno ayu’caato’de; quee cönä’döaacä Jesuuquidiito.

JUAN 8:32 Iomraidhean Croise

MATEO 11:29

Öwö naadojoodö adäätäcä. Oowanoomatääcä jääcä, maneedeetanö’täiye. Dho’noncomo tö’tajäätödö öwö, äätömaajä’jönö mmaja.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 16:13

Yaawääne’, Epíiditu Santo we’a’jäcä, ñäädä chäänöngato a’deu edhaajä, töwö odhoowanoomaato’de chäänöngato a’deu jäcä. Töwö töjääcä mma a’deuwö’da na’de; töneeta’jödö queene na’deuwa’de. Töwö odhoowanoomaato’de tameedä töweeja’dä’emö jäcä.

JUAN 17:17

A’deu chäänöngato que shoomacooto; adha’deddu yää a’deu chäänöngato.

JUAN 6:45

Edääje nä’döa Wanaadi wa’deuwödö ecammannamo nimenno’jocoomo jäcä: “Tameedä noowanoomajaato’de Wanaadi wwä;” quee nä’döa. Ñäädä Jaaja a’deddu etaanei, Jaaja nowaanomaadö mmaja, ñäädä ne’a öwwadäädä.

JUAN 7:17

Ñäädä Wanaadi woije tödö’sato dhowaanäcä na’de neecammajäätödö Wanaadi woijatooje yeichö, dha’da ’quene öwö woijato mma yeiya’jäcä.

JUAN 8:36

Wanaadi nnedö wwä ocoone’nadiiyöcoomo jonno ayu’ca’comjäcä conemjönö anoonöje’da eijai maato yaawä.

DOMAANO 6:22

Eduuwa mmaane conemjönö jonno töwä’sancwa maatoodö Wanaadi anoonöje maato. Eduuwaane michaana’caato Wanaadi wwonooje aweeconeecato’como, aweichöcoomo eneetojo mmaja.

DOMAANO 8:15

Ñäädä Epíiditu Santo, äwwäiñe cönä’tuichö, conemjönö anoonöje ayöödöneichomoojönö, tösaade aweichöcoomo wetä; Wanaadi nnedööje cödööneichomoone töwö. Ñäädä Epíiditu Santo woije Jaajaje Wanaadi que’taato.

DOMAANO 8:2

Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

1 CODINTIYO 7:22

Ñäädä Cajiichaana Jesuuquidiito wwä ta’dejjadaawä tädhaajäque cönä’ja’dö, eduuwa tädhaajäque yeichö jonno u’caajä töweiye naichöje na, Cajiichaana Jesuuquidiito anoonöje yeichö wetä. Yääje mmaja ñäädä ta’dejjadaawä tädhaajäque’da cönä’ja’dö; Quidiito anoonöje na eduuwa ñäädä.

CAADATA 5:1

Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

CAADATA 5:13

Jimmä, Wanaadi adha’dejjatääne jedeeso nönge’da aweichöcoomo wetä. Yääje yeichaame mädääje aweichöcoomo ajuunucoomo nijummadö woije tödöötojooje tödööjai’cha maato. Ootowoije mmaane eichäcä, äwä’jummancädäiñe.

2 TIIMOTEO 3:7

Tönwanno töwoowanooma’se’jödö mma, yaawääne’ chäänöngato dhowaanäcäiñe ä’dö’daane’.

SANTIYAACO 1:25

Ñäädä töneeta’jödö jäcä chö’taque’jönö mmaane chäänönge tönnöe weneene Wanaadi waanontädö, yää jedeeso nönge cöweichöcoomo jonno cu’caneichomo’jödö; ñäädä yääjato ta’cwaiñe eijai ña, yää töneeta’jödö woije tönnöe töweijäcä.

SANTIYAACO 2:12

Änwanno mä’mencajaato’de waanontänä wä’dödö woije, yää jedeeso nönge cöweichöcoomo jonno cu’caneichomo’jödö. Yääje yeijäcä chäänönge a’deujai maato, chäänönge mmaja eijai maato dea.

1 PEEDHODO 2:16

Änwanno jedeeso nönge aweichöcoomo jonno töwäätu’ca maato eduuwa. Yääje yeichaame mädä töwäätu’ca aweichöcoomo conemjönö ännöto’comooje tödööjai’cha maato; Wanaadi anoonöjeene eijai maato.

2 JUAN 1:1

Öwö, ansiyaano, wimenna äwwadäädä, amäädä jaaduichö, Wanaadi neichö, ännacoomo wwadäädäiñe mmaja. Öwö mämjummaato chäänöngato que, öwö mmajöönö, tameedä chäänöngato dhowaanoco’como mmajaane.