JUAN 8:31 - Wanaadi A'deddu

³¹ Yää ’jeje Jesuuquidiito cönä’döaacä ñanno judhío täcaanö’nnamo wwäiñe: —Ya’deddu woije dea aweiya’comjäcä noowanoomadö chäänönga’comooje eijai maato yaawä.

JUAN 8:31 Iomraidhean Croise

MATEO 24:13

Yaawä ñäädä yaatameedö jonaane shinchänei nääwanaaca’de.

JUAN 1:47

Yaawä töwwadäädä Nataanaeede weejödö edanta’jäcä Jesuuquidiito cönä’döaacä chäwwä: —Määdhä ñäädä iisadaaediita chäänöngato, töwäätäncu’täjä’emjönö; quee cönä’döaacä Jesuuquidiito Nataanaeede jäcä.

JUAN 2:2

Jesuuquidiito mmaja, ñoowanoomadö mmaja cönaata’dejjajoicho dea jötaanä tödöödö döiña.

JUAN 6:55

Juunu yää tänäämö neene; yaaquiyö yää wocö neene.

JUAN 8:36

Wanaadi nnedö wwä ocoone’nadiiyöcoomo jonno ayu’ca’comjäcä conemjönö anoonöje’da eijai maato yaawä.

DOSECHO 13:43

Yaawä we’jummatoojo tacanno tameedä soto weja’ca’comjäcä jooje judhío cöntonto Paudo, Waanawé jadäiñe, jooje mmaja judhíoje yääwaaca’como cöntonto dea; ñanno cönä’ja’to chäänönge judhío wätunnäichomo tödönnamo. Yaawä Paudo ñanno cönwätuujaicho ejääduqueejö’da töweiyancädäiñe aashicha Wanaadi weichö ecamjödö wetä chäwwäiñe.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOSECHO 26:22

töwäädä Wanaadi ö’wa’täneene’. Yääje yeijäcä eduuwa naadö jona tödööene ejääduqueejö’da wa; Wanaadi a’deddu ecammajäätödööje dea wäänene tameedä soto wwäiñe, mudeeshi wwäiñe, inchoncomo wwä mmaja. Anejja jäcä aneecammajäätö’da wa, ñanno Wanaadi wa’deuwödö ecammannamo necammajäätö’jocoomo nönge deaane, Moisé necammajäätö’jödö nönge mmaja, yää töweeja’dä’emö jäcä.

DOMAANO 11:22

Eneecä’ma aashicha Wanaadi weichö, tumjunne’da yeichö mmaja. Ñanno cönsadiijamöichodö jäcä tumjunne’da töwö cönä’jaacä; äjääcä mmaane aashicha töwö na. Aashicha Wanaadi weichö woije dea aweiya’jäcä chäänönge eijai ma. Yääje’da aweiya’jäcä mmaane amäädä mmaja mataacä’ja’dede.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

1 TIIMOTEO 2:15

Yääje yeichaame töwö wodi nääwanaaca’de chäänönge tönnacoomo tödöödö que, ecamjödööje dea yeiya’jäcä, wä’jummanä ’je mmaja, masuuduije’da yeiya’jäcä mmaja, wataasheje’da’da yeiya’jäcä mmaja.

1 TIIMOTEO 4:16

Odhoowadäädä eichä aweichö jäcä, owaanomaadö jäcä mmaja; jäduuje eichä tameedä mädä nöngato jäcä. Mädääje aweiya’jäcä määwanaaca’de, tameedä adheetannamo’jödö mewaanacaato’dede.

2 TIIMOTEO 3:14

Amäädä mmaane owoowanooma’jödö nöngeedä eichä, yää chäänönge mecaanö’nedö, odhoowanääcä yeijäcä odhoowanoomanei’jödö.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

EEWEDEO 8:9

Yää ecammadö na’de ñanno dhadai’choncomo wwäiñe wecammaneedöje’da, yaawä jämjäcä Ejiito ñanno wene’netoodawä. Yaawä tönwanno neecammadö nönge ännö’da cöneiya’to; yääje yeijäcä wetöömaneeto; quee nä’döa Cajiichaana.

SANTIYAACO 1:25

Ñäädä töneeta’jödö jäcä chö’taque’jönö mmaane chäänönge tönnöe weneene Wanaadi waanontädö, yää jedeeso nönge cöweichöcoomo jonno cu’caneichomo’jödö; ñäädä yääjato ta’cwaiñe eijai ña, yää töneeta’jödö woije tönnöe töweijäcä.

1 JUAN 2:19

Tönwanno cönä’sancwajoicho cöjaadäiñe töweichöcoomo jonno. Cöjimmotoncomo neenejöönö cönä’ja’to. Dha’da ei’jo mmaane cösancwatäiñe’da eichö cöneiya’to. Tönwanno cösancwatääne täne’ju’dhe yeichö wetä cöjimmotoncomo neeneje’da töweichöcoomo.

1 JUAN 2:24

Yääje yeijäcä ataacaiñeedä shoomatääcä yää yaajäntä’jödö jonnoto’jödöödä aneeta’jocoomo. Yää yaajäntä’jödö jonnoto’jödöödä ataacaiñe dea yeiya’jäcä änwanno mmaja Iiñedö jadoonoje maato’de, Cumöötoncomo jadoonoje mmaja.

2 JUAN 1:9

Ñäädä shaadijangajä, Quidiito wätunnäi ija’do’jonei, Wanaadi ’je’da na ñäädä. Ñäädä Quidiito wätunnäi chäänönge tödöönei mmaane, ñäädä Wanaadi ’je na, Iiñedö ’je mmaja.