JUAN 8:29 - Wanaadi A'deddu

²⁹ Ñäädä yaanontänei’jödö jaadä weneene; Jaaja jääcäjeene näämä’da na, yaacötö tönnöe weijäcä; quee cönä’döaacä Jesuuquidiito.

JUAN 8:29 Iomraidhean Croise

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

MATEO 3:15

Jesuuquidiito cönä’döaacä chäwwä: —Öwö umjummadö woije tödööcä; tameedä Wanaadi waanontädö tödööemje na cöwwäiñe; quee cönä’döaacä Jesuuquidiito. Yaawä Juan wautisaaje cönnöi.

MATEO 3:17

A’deu cönäätaacä yaawä caju ña: —Määdhä ñäädä Önnedö umjummadö, ta’cwaiñe chääjäcä waadö; quee cönäätaacä a’deu.

JUAN 14:31

Yääje yeichaame mädä yeeja’do’tojo na, tameedä soto owaanäcäiñe yeichö wetä Jaaja tumjumma weichö, Jaaja waanontä’jödö tönnöe weichö mmaja. Ääma’tätääcä eduuwa; cöötätäiye; quee cönä’döaacä Jesuuquidiito.

JUAN 15:10

Öwö waanontädö tödööa’jäcä äwwäiñe umjummadööje dea eijai maato, Jaaja nijummadööje waadöje mmaja, ñaanontädö tönnöe weijäcä.

JUAN 16:32

Amoinche’da na chu’nädö aca yä’dötoojo tooni nshai äwäämecantäto’como; jääcäjeene cönängato’de, jääcäjeene’da weichaame, Jaaja jaadä yeijäcä.

JUAN 17:4

“Aashicha aweichö weneejone edä nono de’wä weichö. Öwö wä’cane taadawaajui mu’nedö jäcä.

JUAN 4:34

Jesuuquidiito cönä’döaacä chäwwäiñe: —Öwö yeewanshiñö yää yaanontänei’jödö waanontä’jödö tödöödö, chaadawaajui acoichadö wa’cä.

JUAN 5:30

“Öwö jäädudu que mma tödööjai’cha wa. Wanaadi wwä yaanontädö woije tönemmenca öwö. Chäänönge öwö nemmencadö. Öwö woije mma ännö’da wa, ñäädä Jaaja, yaanontänei’jödö woijeene.

JUAN 6:38

Öwö caju ñanno we’ne öwö woijato tödööe’da, yaanontänei’jödö woijeene.

JUAN 8:16

Yaawääne’, öwwä emmencadaawä chäänöngeene öwö nemmencadö, umjummadö woije mma tönemmenca weichöjöönö, ñäädä Jaaja, yaanontänei’jödö jaadä weneene.

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;

2 TIIMOTEO 4:22

Cajiichaana Jesuuquidiito ajaadä na; aashichaato Wanaadi nutuudu äwwäiñe yei’she wa. Amén.

EEWEDEO 4:15

Ñäädä Jesuuquidiito, Tumö wwä cöjääcäinchädäiñe töwa’deuwemööje naadö, wentumje cäneetäiñe’da’da weneene jäduuje’da cöweichawäiñe, töwö töwä’yunaacajo’jödö weijäcä mmaja tameedä conemjönö jäcä, cönwanno cäänetäänedööje mmaja; yaawääne’, conemjönö ännö’daane’ töwö cöneiyacä.

EEWEDEO 7:26

Cöwwäiñe tujunne töweiye cönä’jaacä yääjato cöjääcäinchädäiñe Wanaadi wwä töwa’deuwemö. Aashichaato töwö, conemjönö ’jemjönö mmaja, conemjönö dönnamo jonnoto wä’sancwajaajä mmaja, tameedä caju ñancomo e’jodhaato mmaja.

1 JUAN 2:1

Önnacoomo’cä, edä wimenna äwwadäädäiñe conemjönö ännö’da aweichöcoomo wetä. Yaawääne’ conemjönö tödööa’jäcä anejja wwä, töweiye na Cumöötoncomo wwä cöjääcäinchädäiñe töwa’deuwemö, ñäädä Jesuuquidiito chäänöngato.

1 JUAN 3:22

Tameedä cöne’catäädöcoomo töwö u’jai ña yaawä, ñaanontä’jödö tönnöe cöweijäcäiñe, yaacötö tönnöe cöweijäcäiñe mmaja.