JUAN 8:20 - Wanaadi A'deddu

²⁰ Jesuuquidiito yääje cöna’deuwacä Wanaadi weichojo taca töweichö, jödaata ewöötö dö’tä. Ñanno soto anaajäi’cha cöneiya’to, chu’nädö aca ä’dö’da dea yeijäcä.

JUAN 8:20 Iomraidhean Croise

MATEO 26:55

Yaawa Jesuuquidiito cönä’döaacä ñanno jooja’como soto wwäiñe. —¿Aaquene tämeenato wwadäädä’da mmädä töwaichaqueiñe öwwadäädä me’ato? Anooto waadäi shuucu töweiye wä’jaaquene ajaadäiñe Wanaadi weichojo taca, soto owaanomaadöcoomoje. Yaajäi’cha töweiye mä’ja’quene yaawä.

MATEO 27:6

Wanaadi wwä töwa’deuwaamo edhaajotoncomo yää jödaata cönancuicho yaawä; cönä’döa’to: —Amoi mädä jödaata; Wanaadi weichojo choonecaatojooje tödööjai’cha caato, soto eje’jödööje yeijäcä; quee cönä’döa’to.

MAADOCO 12:41

Yaawä Jesuuquidiito shuucu cönä’jaacä Wanaadi weichojo taca, jödaata ewöötö je’taca. Töwö cöneene’maacä soto wwäiñe jödaata tödöödö yää aca. Dhantai töjöödataicha’como jooje jödaata cönnöa’to.

MAADOCO 12:43

Jesuuquidiito tönoowanoomadö cöna’dejjaicho; cönä’döaacä chäwwäiñe: —Chäänönge yääje wä’döa äwwäiñe, määdhä iiño wääma’jödö’cä nödöi anejjacoomo tödönnamo’jödö e’jodhe’cä.

DUUCA 20:19

Ñanno Wanaadi wwä töwa’deuwaamo edhaajotoncomo, judhío owaanomannamo mmaja, Jesuuquidiito ajäi’she cönä’ja’to yaawä, towaanäcäiñe yeijäcä töjääcäiñe yää yö’seenoje ya’deuwö’jödö; töwäädä soto cönnonta’tone’.

DUUCA 21:1

Yaawä Wanaadi weichojo taca Jesuuquidiito weichö, töwö cöneene’ma’to töjöödataicha’como wwä jödaata utuudu. Jödaata ewöötö aca cönnöa’to.

JUAN 10:39

Yää ’jeje mmaja judhío ajäi’she cönä’ja’to dea, töwäädä Jesuuquidiito dhantawonnoiñe cöneeja’caiñe’.

JUAN 2:4

Jesuuquidiito cönä’döaacä chäwwä: —¿Ane’cotoojo mädä mecammaanä öwwä, maama? Cu’nädö aca ä’döjai’cha dea na; quee cönä’döaacä.

JUAN 7:14

Yaawä comjedensiya ataamejai yä’döa’jäcä Jesuuquidiito cöntämä Wanaadi weichojo taca, soto owaanomaiñe.

JUAN 7:30

Yaawä ñanno judhíocoomo Jesuuquidiito ajäi’she cönä’ja’todö’je; anaajäi’chaane cöneiya’to, chu’nädö aca ä’dö’da dea yeijäcä.

JUAN 7:44

Dhantai ajäi’she cönä’ja’to; yääje yeichaame anaajäi’cha cöneiya’to.

JUAN 7:8

Änwannoone äjoncomo comjedensiya döe; öwö mmaane tä’da wa, ä’dö’da dea yeijäcä cu’nadö aca; quee cönä’döaacä Jesuuquidiito

JUAN 8:2

Yää jenamma jenaadäne cönennacai yaawä Wanaadi weichojo taca. Yaawä tameedä soto cöne’jummaicho yöiña. Töwö cönaatajiimai yaawä owaanomaadöcoomo wetä.

JUAN 8:59

Yää etaadö’jo täju cönannä’jätöicho Jesuuquidiito töwäädö wetä, töwäädä töwö cönootone’täiñe’; tacaade’da töwö cöneeja’cai yaawä yo’tacannoiñe, Wanaadi weichojo tacanno cöntämä yaawä.