JUAN 7:39 - Wanaadi A'deddu

³⁹ Töwö cöna’deuwacä Epíiditu Santo jäcä, ecaanö’nnamo wwäiñe tu’emö. Eejö’da dea cönä’jaacä ñäädä Epíiditu Santo, Jesuuquidiito tä’da dea yeijäcä caju ña.

JUAN 7:39 Iomraidhean Croise

MATEO 16:14

Tönwanno cönä’döa’to: —Anejjacoomo Juan Wautiitaje adhe’tätä weneeneto. Anejjacoomo ’quene Edíaje. Anejjacoomo mmaane Jeedemíaje adhe’tädö weneeneto, anejjaje jeiñe mma Wanaadi wa’deuwödö ecammannamo’jödö jimmä; quee cönä’döa’to.

MATEO 21:11

Anejjacoomo soto cönä’döa’to yaawä: —Jesuuquidiito määdhä, Naasade ñano, yää Caadideea ñano jata. Wanaadi wa’deuwödö ecammanei töwö; quee cönä’döa’to.

DUUCA 24:49

Äwwadäädäiñe öwö wanonta’de Jaaja necamma’jödö. Eetäädä, Jeduusadén ñaadä eichäcä’de, caju ñanno äjääduduucomo wä’dödö jonaane; quee cönä’döaacä Jesuuquidiito tönoowanoomadö wwäiñe.

DUUCA 3:16

Juan cönä’döaacä tameedä chäwwäiñe: —Öwö wautisaaje männöaato tuna que. Ñäädä öncäcä ne’a’nei mmaane Epíiditu Santo que wautisaaje ayöödöaato’de, wa’to que mmaja. Töwö jäduuje jeene na. Shaajatui shaacaneije jadä’jödöödä eijai’cha wa, ye’jodhe töwö yeijäcä.

DUUCA 7:16

Yää eneea’jäcä tameedä soto cönääcatoncaicho yaawä; aashicha Wanaadi jäcä cöna’deuwa’to; cönä’döa’to: —Wanaadi wa’deuwödö ecammanei täneejucaato määdhä cantawäiñe naadö. Tösootoi töneene dämma töwö Wanaadi; quee cönä’döa’to.

JUAN 1:21

Tönwanno cöneecamma’joicho dea yaawä: —¿Änääcö amäädä yääje yeiya’jäcä? ¿Ñäädä ca amäädä Edía, Wanaadi wa’deuwödö ecammanei? quee cönä’döa’to. Juan cönä’döaacä: —Ng’jn, ñäädäjöönö öwö; quee. Yaawä tönwanno cönä’döa’to: —¿Ñäädä amäädä, yääje yeiya’jäcä, Wanaadi wa’deuwödö ecammanei töwe’emööje chääcadö naadö? quee cönä’döa’to. Töwö Juan cöneccujä’acä: —Ng’jn; quee.

JUAN 1:25

Tönwanno Juan cöneecamma’joicho: —Yääje yeiya’jäcä ¿ane’cotoojo soto wautisaaje tönnöeiñe määneneeto, Äwaanacaaneijönö aweichaame, Edíajöönö aweichaame mmaja, Wanaadi wa’deuwödö ecammanei neenejöönö aweichaame mmaja? quee cönä’döa’to.

JUAN 1:33

Yoowanääcä’da cönä’jaacä töwö, töwäädä ñäädä tuna que wautisaaje tödöödö jäcä yaanontänei’jödö yääje cönä’döa’ne’: “Ñäädä Epíiditu Santo ye’wä nä’ta’dedö, ye’wäädä na’dedö, ñäädä ñäädä Epíiditu Santo que wautisaaje tödöönei;” quee yaanontänei’jödö cönä’döaacä öwwä.

JUAN 12:16

Awa’deene Jesuuquidiito nowaanomaadö yää imennaajä äntö’tammecö’da cönä’ja’to. Jesuuquidiito wöta’jäcä caju ña yaawääne cöntö’taicho yää imennaajä Jesuuquidiito jäcä yeichö; yää weja’dätä’jödö jäcä cöntö’taicho dea.

JUAN 12:23

Jesuuquidiito cönä’döaacä chäwwäiñe: —Eduuwa chu’nädö aca nä’döi Soto nnedö aashichaatoje töweichö eneejotoojo.

JUAN 14:13

Tameedä yeetö joi ane’catäädöcoomo öwö wödööa’de, aashicha Tumö weichö Iiñedö wwä eneejodö wetä.

JUAN 14:26

Öwö ne’catäädö woije Jaaja nanonta’de Ä’wa’täneichomo, ñäädä Epíiditu Santo. Ñäädä Epíiditu Santo odhoowanoomaato’de tameedäädä; ätö’tamme’jaato’de tameedä neecammajäätö’jödö.

JUAN 16:14

Töwö aashicha weichö neneeja’de. Öwwono wu’a’de chäwwä, yää äwwäiñe töwö neneeja’de.

JUAN 16:7

Chäänöngato mädä wecammaadö, aashicha äwwäiñe eijai ña öötädö. Tä’da weiya’jäcä Ä’wa’täneichomo eejö’da eijai ña yaawä. Dha’da ööta’jäcä öwö wanonta’de äwwadäädäiñe.

JUAN 17:1

Yääje töwa’deuwö’jeje Jesuuquidiito Tumö wwä cöna’deuwöi, caju ña ene’mancädä. Töwö cönä’döaacä: —Jaaja, eduuwa nä’döi chu’nädö aca. Aashicha Ännedö weichö eneejocä, aashicha mmaja aweichö eneejoiyede töwö.

JUAN 17:5

Eduuwa, Jaaja, adöiña mmaja wennaca’jäcä, aashicha weichö eneejocä, yää dea, ajaadä weichö aashicha wä’jaaquennö dea, edä nonoodö amoode’nädö owaajodä.

JUAN 20:22

Yaawä ye’cäcäiñe cöna’jiimai; cönä’döaacä chäwwäiñe: —Epíiditu Santo ’je ä’dötääcä.

JUAN 6:14

Ñanno soto Jesuuquidiito nödöödö ene’ju’tojo enennamo’jödö cönä’döa’to yaawä: —Ñäädä määdhä Wanaadi wa’deuwödö ecammanei töwe’emööje cönä’ja’dö; quee cönä’döa’to.

JUAN 7:12

Jooje soto cöna’deuwa’to chääjäcä. Anejjacoomo cönä’döa’to: “Aashichaato töwö;” quee; anejjacoomo ’quene cönä’döa’to: “Cone’da töwö, soto täncu’täiñe;” quee daja.

JUAN 8:54

Yaawä töwö cöneccujä’a’to; cönä’döaacä: —Öwö dea aashichaatoje wäätä’ta’jäcä, täje’da eijai ña yaawä wääcammadö. Jaajaane aashichaatoje ye’ta, ñäädä Awaanadiiyöcoomoje me’taatoodö.

DOSECHO 19:2

Paudo cönä’döaacä chäwwäiñe: —¿Epíiditu Santo ’je mä’dötääne yaawä mecaanö’täneedawä? quee cönä’döaacä. Ñanno cönä’döa’to yaawä chäwwä: —Epíiditu Santo töweiye yeichö aneeta’da mmädä ñaa na; quee.

DOSECHO 2:17

Wanaadi yääje nä’döa: Anooto ataamejai yä’döa’jäcä Epíiditu Santo wu’a’de tameedä soto wwäiñe; iiñacoomo untudu woije necammajä’aato’de, dhanwaacomo, wodiiñamo mmaja; ääjömannamo töwäänemjönö neneeaato’de; inchoncomo niwäänetööaato’de.

DOSECHO 2:33

Töwö Jesuuquidiito caju ña cönaatannä’joi yaawä; Wanaadi nnäcä na eduuwa, ämu’demjönö dö’se. Yuumö cuntui chäwwä Epíiditu Santo, ñäädä töneecamma’jödö dea. Tameedä mädä mene’maatoodö, metaatoodö mmaja, Jesuuquidiito nutuudu woije na.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 2:4

Tameedä tönwanno Epíiditu Santo jäduudu ’je cönä’döicho yaawä; cönaajäntoicho yaawä anejja a’deucwe töwa’deuwödööcomo, Epíiditu Santo nutuudu woije.

DOSECHO 3:13

Wanaadiiñe mädä nödöi, ñäädä cadai’choncomo Aawadán Wanaadiyö, Isaaca Wanaadiyö dea, Jacoowo Wanaadiyö dea. Töwö Wanaadi aashicha Tönnedö weichö neneejoi äwwäiñe, ñäädä Jesuuquidiito, mu’täneedö. Yaawä u’ca’se Pidaato weichaame änwanno u’cajo’se’da mä’ja’quene.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

DOMAANO 8:9

Änwanno mmaane ajuunucoomo woije’da maato, Epíiditu Santo woijeene, Epíiditu Santo ataacaiñe yeijäcä, ñäädä Wanaadi dö’sennoto we’ajä. Ñäädä Epíiditu Santo ’jemjönö Quidiito jadoonojöönö ñäädä.

2 CODINTIYO 3:8

Yää imennaajä wäämanä ecammatoojo yeichaame aashichaato eneejancädä cönä’tui; töwaacö’je mma Epíiditu Santo necammadö, aashichaato jaiñoone neneeja, yää e’jodhe’cä jeene.

EUJEESIYO 4:30

Wentumje mma Epíiditu Santo männöjootäi, ñäädä Wanaadi jonnoto we’ajä. Ñäädä Epíiditu Santo que mä’madaaca’ñojootäne Wanaadi sotoije aweichöcoomo adheene’ju’to’comooje, äwääwanaacadööcomo chäänönge yä’dödö wa’cä.