JUAN 7:33 - Wanaadi A'deddu

³³ Yaawä Jesuuquidiito cönä’döaacä: —A’dhe mma ajaadäiñe weichojo na. Yää ’jeje yennaca’de yaanontänei’jödö döiña mmaja.

JUAN 7:33 Iomraidhean Croise

MAADOCO 16:19

Chäwwäiñe yääje töwa’deuwödö’jo Cädhaajotoncomo Jesuuquidiito cönaatadoojoi yaawä caju ña. Wanaadi nnäcä cönaatajiimai yaawä, ämu’demjönö dö’se.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 13:33

Önnacoomo’cä, numa’da mma ajaadäiñe weichojo na eduuwa. Änwanno a’que cujiiyato’de; judhío wwäiñe wä’döaaquennöje mmaja wä’döa dea äwwäiñe: Öwö öötotoojo döiña änwanno täjai’cha maato; quee.

JUAN 14:12

Chäänönge yääje wä’döa äwwäiñe, öwö yeecanö’nei, öwö önnödö nönge mmaja nödööa’dede. Önnödö e’jodhe’cä nödööa’de, Jaaja döiña öötädö weijäcä.

JUAN 14:19

Numa’da mma na eduuwa eetä weichojo, yäätonno yaawä edä nono de’woncomo yeene’da naato’de; änwanno mmaane cäneeato’de. Öwö nudä weijäcä änwanno nudä mmaja maato’dede.

JUAN 14:28

Änwanno metaato äwwäiñe ya’deuwöichö: “Öwö wöta, yää ’jeje we’a’dede adöiñaiñe”; quee wä’döannö. Äwwäiñe jumma’jäcä ta’cwaiñe meichädö Jaaja döiña öötädö eta’jäcä, Jaaja ye’jodhe yeijäcä.

JUAN 16:10

Jaaja döiña öötädö yää chäänönge weiñä eneejotoojo; ööta’jäcä änwanno yeene’da maato’de.

JUAN 16:28

Jaaja joono we’ne edä nono de’cäi; eduuwa edä nono jonno wöta dea, Jaaja döiña mmaja; quee cönä’döaacä Jesuuquidiito.

JUAN 16:5

Eduuwaane wöta yaanontänei’jödö döiña; änwanno yeecamma’jo’da maato: ¿Äsha mötaanä? ca’da.

JUAN 17:11

“Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 17:13

“Eduuwa wöta adöiña; edä ya’deuwa edä nono de’wä dea weichö, öwö ya’cwaniiyö dea töweiye yeichö wetä chäwwäiñe.

JUAN 20:17

Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

JUAN 9:4

Öwö tödööjai wa yaanontänei’jödö tadaawaajui ano naadawäädä; coijaicho ne’a wetaadawa’cajooto’jönö.