JUAN 7:30 - Wanaadi A'deddu

³⁰ Yaawä ñanno judhíocoomo Jesuuquidiito ajäi’she cönä’ja’todö’je; anaajäi’chaane cöneiya’to, chu’nädö aca ä’dö’da dea yeijäcä.

JUAN 7:30 Iomraidhean Croise

MATEO 12:14

Yaawä ñanno jaadiseeo cöneeja’caicho. Cöne’jummaicho yaawä Jesuuquidiito emaadö a’de’tädö wetä.

MATEO 21:46

Tönwanno ajäi’she cönä’ja’to. Yaawääne’ soto cönnonta’to, töneecanö’e yeichomjäcä Wanaadi wa’deuwödö ecammaneije Jesuuquidiito weichö.

MAADOCO 11:18

Yääje yä’dödö cöneetaicho ñanno Wanaadi wwä töwa’deuwaamo edhaajotoncomo, judhío owaanomannamo mmaja. Tönwanno Jesuuquidiito emaatojo töntö’tamme’que cönä’ja’to tönnontä töweijäcäiñe, tameedä soto ñeecammajäätödö jooje eta’se yeichomjäcä mmaja.

DUUCA 20:19

Ñanno Wanaadi wwä töwa’deuwaamo edhaajotoncomo, judhío owaanomannamo mmaja, Jesuuquidiito ajäi’she cönä’ja’to yaawä, towaanäcäiñe yeijäcä töjääcäiñe yää yö’seenoje ya’deuwö’jödö; töwäädä soto cönnonta’tone’.

DUUCA 22:53

Anooto waadäi Wanaadi weichojo taca ajaadäiñe wei’jödö weichaame yaajojo’da töweiye mä’ja’quene. Chäänönge na, äcu’nädööcomo mädä eduuwa naadö, tööjano’tacaano jäduuje yeichojo mmaja; quee cönä’döaacä Jesuuquidiito.

JUAN 10:31

Yää ’jeje yaawä judhío täju cönannä’jätöicho Jesuuquidiito töwääjätöödö wetä.

JUAN 10:39

Yää ’jeje mmaja judhío ajäi’she cönä’ja’to dea, töwäädä Jesuuquidiito dhantawonnoiñe cöneeja’caiñe’.

JUAN 11:57

Ñanno jaadiseeo, Wanaadi wwä töwa’deuwaamo edhaajotoncomo mmaja, cönä’döa’to: —Jesuuquidiito eneea’jäcä äwwäiñe ecammatantäcä’de ñaa wwä, jedeesoje ñaa tödöiye yaawä; quee.

JUAN 7:19

“ ¿Moisé jönca cuntui äwwäiñe jenaado’jä waanontänä? Yääje yeichaame yää ännö’da määnetääne. ¿Ane’que’nei yeema’se maato? quee cönä’döaacä Jesuuquidiito.

JUAN 7:32

Yaawä jaadiseeo cöneeta’to Jesuuquidiito jäcä soto wa’deuwödööcomo. Yääje yeijäcä tönwanno mmaja, Wanaadi wwä töwa’deuwaamo edhaajotoncomo mmaja, waadiya cönaanontoicho Jesuuquidiito ajäiye. Ñanno waadiya cönä’ja’to Wanaadi weichojo edai’chännamo.

JUAN 7:6

Yaawä Jesuuquidiito cönä’döaacä chäwwäiñe: —Ä’dö’da dea na wäänejootojo cu’nädö aca; änwanno mmaane äcu’nädööcomo töweiye weneene.

JUAN 7:8

Änwannoone äjoncomo comjedensiya döe; öwö mmaane tä’da wa, ä’dö’da dea yeijäcä cu’nadö aca; quee cönä’döaacä Jesuuquidiito

JUAN 8:20

Jesuuquidiito yääje cöna’deuwacä Wanaadi weichojo taca töweichö, jödaata ewöötö dö’tä. Ñanno soto anaajäi’cha cöneiya’to, chu’nädö aca ä’dö’da dea yeijäcä.

JUAN 8:37

Yoowanääcä na Aawadán atöödöje aweichöcoomo. Yääje yeichaame änwanno yeema’se maato, ya’deddu aneeta’da aweichomjäcä.

JUAN 8:59

Yää etaadö’jo täju cönannä’jätöicho Jesuuquidiito töwäädö wetä, töwäädä töwö cönootone’täiñe’; tacaade’da töwö cöneeja’cai yaawä yo’tacannoiñe, Wanaadi weichojo tacanno cöntämä yaawä.

JUAN 9:4

Öwö tödööjai wa yaanontänei’jödö tadaawaajui ano naadawäädä; coijaicho ne’a wetaadawa’cajooto’jönö.