JUAN 7:20 - Wanaadi A'deddu

²⁰ Yaawä soto cöneccujä’a’to: —Ä’jeta; ¿änääcö adheema’se nai? quee cönä’döa’to.

JUAN 7:20 Iomraidhean Croise

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

MATEO 12:24

Jaadiseeo cöneeta’to yääje ya’deuwödööcomo. Tönwanno cönä’döa’to: —Mä’dä dhanwa odo’shancomo tömja’canö’jo weneene Weesewú jäduudu que, ñäädä odo’sha edhaajotoncomo; quee cönä’döa’to.

MATEO 9:34

Jaadiseeo mmaane cönä’döa’to: —Määdhä dhanwa odo’shancomo tömja’canö’jo weneene odo’sha edhaajotoncomo jäduudu que mmädä; quee cönä’döa’to Jesuuquidiito jäcä.

MAADOCO 3:30

Töwö yääje cönä’döaacä odo’sha ’je tä’tä’jödö weijäcä chäwwäiñe.

JUAN 10:20

Dhantai cönä’döa’to: —Odo’sha ’je na; tö’jeta na. ¿Ane’cotoojo dha’deddu metaato? quee.

JUAN 8:48

Yaawä judhío cönä’döa’to Jesuuquidiito wwä: —Chäänönge dämma samaaditaanoje adhe’tätä ñaa weneene, odo’sha ’janooje mmaja; quee cönä’döa’to.

JUAN 8:49

Jesuuquidiito chäwwäiñe cönä’döaacä: —Odo’sha ’je’da wa. Öwö Jaaja wa’cwaima; änwanno maane cöquiiñeme’cato.

JUAN 8:52

Yaawä ñanno judhíocoomo cönä’döa’to chäwwä: —Eduuwa ñaa owaanäcä na odo’sha ’je aweichö. Aawadán töwääma na, tameedä Wanaadi wa’deuwödö ecammannamo’jödö mmaja; yääje yeichaame yääje mä’döaanä: “Ya’deddu woije tödöönei ääma’da na’de;” quee.

DOSECHO 26:24

Yääje Paudo wa’deuwa’jäcä Jeetu töcä’de cöncä’tömöi: —Tö’jeta ma Paudo. Jooje owoowanoomadö ä’jeda; quee cönä’döaacä.