JUAN 7:17 - Wanaadi A'deddu

¹⁷ Ñäädä Wanaadi woije tödö’sato dhowaanäcä na’de neecammajäätödö Wanaadi woijatooje yeichö, dha’da ’quene öwö woijato mma yeiya’jäcä.

JUAN 7:17 Iomraidhean Croise

MATEO 6:22

“Soto enuudu na yeichö dhawaadöje. Aashicha adheenudu yeichawä aweijotä yaawä.

DUUCA 8:15

Yää dhadöödö aashichaato nono de’wä cönä’meichö mmaane, chäänönge tötö’tajäätödööcomo que Wanaadi a’deddu etannamo cu’tädö yää. Ñanno chö’taqueejö’da netaato, yoije tönnöe yaawä. Chäänönge töweichöcoomo que nejössataato yaawä.

JUAN 3:21

Chäänönge tödöönei mmaane töwe’e tawaanato wwadäädä, Wanaadi woije iiñödö weichö tacaade yä’dödö wetä; quee cönä’döaacä Jesuuquidiito Niicodheemo wwä.

JUAN 8:43

¿Ane’que’nei aashicha aneeta’da maato neecammajäätödö? Etaajai’cha aweichöcoomo mmädä mädä.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

JUAN 8:47

Ñäädä Wanaadi nnedö Wanaadi a’deddu töneeta töweiye nai. Änwanno mmaane aneeta’da maato, Wanaadi nnacoomoje’da aweijäcäiñe; quee cönä’döaacä Jesuuquidiito.

DOSECHO 17:11

Ñanno judhío cönä’ja’to Teesadoonica ñancomo e’jodhe aashicha yeichöcoomo. Tönwanno aashicha cöneeta’to Wanaadi a’deddu ecammajäätödö. Anooto waadäi tönemmenca cönä’ja’to Wanaadi a’deddu imennaajä, chäänönge Paudo necammajäätödööcomo yeichö eneedö wetä.