JUAN 7:14 - Wanaadi A'deddu

¹⁴ Yaawä comjedensiya ataamejai yä’döa’jäcä Jesuuquidiito cöntämä Wanaadi weichojo taca, soto owaanomaiñe.

JUAN 7:14 Iomraidhean Croise

MATEO 21:12

Yääje mma yaawä Jesuuquidiito cönoomomöi Wanaadi weichojo taca, chaacancomo ija’canö’jodööje mma, ñanno töwäätätöijaamo. Jödaata chamjiyaacannamo meesaichomo cönaawotönnäcaajäätöi, jaduuma ejeemajonnamo a’täichomo mmaja.

MATEO 26:55

Yaawa Jesuuquidiito cönä’döaacä ñanno jooja’como soto wwäiñe. —¿Aaquene tämeenato wwadäädä’da mmädä töwaichaqueiñe öwwadäädä me’ato? Anooto waadäi shuucu töweiye wä’jaaquene ajaadäiñe Wanaadi weichojo taca, soto owaanomaadöcoomoje. Yaajäi’cha töweiye mä’ja’quene yaawä.

DUUCA 19:47

Töwö anooto waadäi Wanaadi weichojo taca tönoowanooma töweiye cönä’jaacä. Wanaadi wwä töwa’deuwaamo edhaajotoncomo, judhío owaanomannamo mmaja, acu’shänääja’como mmaja, ema’se töweiye cönä’ja’to.

JUAN 18:20

Jesuuquidiito cöneccujä’acä: —Tameedä soto netaadöcoomoje töneecammajä’e wä’jaaquene. Tönoowanoomaiñe wä’jaaquene we’jummatoojo taca, Wanaadi weichojo taca mmaja, yää tameedä judhío we’jummato’comooje weneenedö. Tacaade’da a’deuwö’da töweiye wä’jaaquene.

JUAN 5:14

Äcuude Jesuuquidiito tönaadonca’jödö cöneejodöi Wanaadi weichojo taca; cönä’döaacä chäwwä: —Amäädä töwaadonca ma eduuwa. Conemjönö mma männöi’che eduuwa, anejja conemjönö’cä jaiñoone äjääcä e’ducca’no yaawä; quee cönä’döaacä Jesuuquidiito chäwwä.

JUAN 7:2

Yaawä amoinche’da cönä’jaacä judhío comjedensiyai’chädööcomo tödöötojo cu’nädö. Yää comjedensiya cönä’jaacä amääajä’cä tawä tadai’choncomo wei’jocoomo jäcä chö’tajä’to’como.

JUAN 7:28

Yää etaadö’jo Jesuuquidiito täta cöna’deuwöi yaawä Wanaadi weichojo tawä owaanomaadawä. Töwö cönä’döaacä: —¿Odhoowanääcäiñe dämma wanä? ¿Weejö’jödö mmaja odhoowanääcäiñe nai chea? Öwö woije’da dajaane we’ne; ñäädä chäänöngato yaanontäne, ñäädä odhoowanoojönööcomo.

JUAN 7:37

Yää comjedensiya wataamedö anootoi’chädö cönä’jaacä anooto täneejucaato. Yää anooto awä Jesuuquidiito cönammöi soto we’jumma’como antawäiñe; cönä’döaacä: —Ñäädä emjätö’sato neejö’ñojo öwwadäädä, aneenöiye.

JUAN 8:2

Yää jenamma jenaadäne cönennacai yaawä Wanaadi weichojo taca. Yaawä tameedä soto cöne’jummaicho yöiña. Töwö cönaatajiimai yaawä owaanomaadöcoomo wetä.

JUAN 8:20

Jesuuquidiito yääje cöna’deuwacä Wanaadi weichojo taca töweichö, jödaata ewöötö dö’tä. Ñanno soto anaajäi’cha cöneiya’to, chu’nädö aca ä’dö’da dea yeijäcä.