JUAN 7:12 - Wanaadi A'deddu

¹² Jooje soto cöna’deuwa’to chääjäcä. Anejjacoomo cönä’döa’to: “Aashichaato töwö;” quee; anejjacoomo ’quene cönä’döa’to: “Cone’da töwö, soto täncu’täiñe;” quee daja.

JUAN 7:12 Iomraidhean Croise

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

MATEO 21:46

Tönwanno ajäi’she cönä’ja’to. Yaawääne’ soto cönnonta’to, töneecanö’e yeichomjäcä Wanaadi wa’deuwödö ecammaneije Jesuuquidiito weichö.

MATEO 27:63

cönä’döa’to chäwwä: —Cajiichaana, tötö’ta ñaa na ñäädä töwä’dunaato wä’dö’jödö nudä töweichö: “Aaduwaawä anoototo ai waadonca’de;” quee yä’dö’jödö.

DUUCA 18:19

Jesuuquidiito cönä’döaacä chäwwä: —¿Ane’cotoojo aashichaatoje cä’taanä? Aashichaato ’je’da na soto. Wanaadi mma ñäädä aashichaato.

DUUCA 23:47

Yää eneea’jäcä ñäädä suddau edhaajotoncomo wwä töwö aashicha cöna’deuwöi Wanaadi jäcä; cönä’döaacä: —Chäänöngato dämma määdhä nä’jaanä; quee cönä’döaacä.

DUUCA 23:50

Yäätä cönä’jaacä dhanwa, Joséje chäätö. Aadimaatea ñano töwö cönä’jaacä, yää Judheea ñano jata. Äcamma’jonnamo jimmä töwö cönä’jaacä. Dhanwa aashichaato cönä’jaacä töwö, chäänöngato mmaja.

DUUCA 6:45

Ñäädä soto aashichaato aashicha na’deuwa, aashicha chö’tajäätödö wei’jäcä. Soto conemjönö mmaane cone’da na’deuwa, cone’da chö’tajäätödö weijäcä. Tötö’tajäätödö nönge wa’deunä töweiye nai.

DUUCA 7:16

Yää eneea’jäcä tameedä soto cönääcatoncaicho yaawä; aashicha Wanaadi jäcä cöna’deuwa’to; cönä’döa’to: —Wanaadi wa’deuwödö ecammanei täneejucaato määdhä cantawäiñe naadö. Tösootoi töneene dämma töwö Wanaadi; quee cönä’döa’to.

JUAN 6:14

Ñanno soto Jesuuquidiito nödöödö ene’ju’tojo enennamo’jödö cönä’döa’to yaawä: —Ñäädä määdhä Wanaadi wa’deuwödö ecammanei töwe’emööje cönä’ja’dö; quee cönä’döa’to.

JUAN 7:32

Yaawä jaadiseeo cöneeta’to Jesuuquidiito jäcä soto wa’deuwödööcomo. Yääje yeijäcä tönwanno mmaja, Wanaadi wwä töwa’deuwaamo edhaajotoncomo mmaja, waadiya cönaanontoicho Jesuuquidiito ajäiye. Ñanno waadiya cönä’ja’to Wanaadi weichojo edai’chännamo.

JUAN 7:47

Yaawä jaadiseeo cönä’döa’to: —¿Änwanno mmaja ca töwäätäncu’tojo maato dea chäwwä?

JUAN 7:52

Yaawä tönwanno cönä’döa’to chäwwä: —¿Caadideea ñano ca amäädä dea? Oowanoomacä’ma Wanaadi a’deddu imennaajä jäcä, odhoowanääcä mödöiye yaawä Caadideea ñanno’da Wanaadi wa’deuwödö ecammanei we’tojo weichö; quee cönä’döa’to Niicodheemo wwä.

JUAN 9:16

Yaawä anejjacoomo jaadiseeo cönä’döa’to: —Wanaadi anoonöje’da na ñäädä dhanwa, yääje ayöödöichö, wäädeetatoojo anooto onnontä’da naadö naane’; quee cönä’döa’to. Anejjacoomo ’quene cönä’döa’to: —¿Aaquene mmaja dhanwa conemjönö ene’ju’tojo ännödö deaade’ ? quee. Äänönge’da chö’tajäätödööcomo cönä’jaacä.

DOSECHO 11:24

Töwö Waanawé cönä’jaacä aashichaato, Epíiditu Santo jäduudu ’je, ecamjödö ’je mmaja. Jooje soto Cajiichaana Jesuuquidiito cöneecamjöicho.

DOMAANO 5:7

Cowaanäcäiñe na anejja jäcäinchädä soto äämajai’cha yeichö, aashichaato jäcäinchädä jadä’jödöödä; anejja äämajai yeichaame’da ca’dö jääcä aashichaato jäcäinchädä jeene yeiya’jäcä.

JIDIIPENSE 2:14

Tameedä tödöötäcä awenta’me’cancädäiñe’da, äwäätäuwancädäiñe’da mmaja.