JUAN 7:10 - Wanaadi A'deddu

¹⁰ Yääje mma yaawä tacontomo wöta’comjäcä Jesuuquidiito cöntännea yaawä comjedensiya dödö döiña. Töjääcäjeene cöntämä, soto jadäiñe’da.

JUAN 7:10 Iomraidhean Croise

MATEO 10:16

“Öwö manaanontaato eduuwa. Änwanno maato’de oweeja mado antawäiñe eijai ñaatoodöje. Yääje yeijäcä odhoowadäädäiñe eichäcä’de, äcääyu töweiye naichöje, tääde’cwade’daane, jaduuma weichö nöngeene.

MATEO 12:46

Soto wwäiñe Jesuuquidiito wa’deutaame dea yeenö cöneejoto dhacontomo jadä. Tönwanno jödo’na cönä’ja’to; Jesuuquidiito jadä töwa’deuwö’se cönä’ja’to.

MATEO 3:15

Jesuuquidiito cönä’döaacä chäwwä: —Öwö umjummadö woije tödööcä; tameedä Wanaadi waanontädö tödööemje na cöwwäiñe; quee cönä’döaacä Jesuuquidiito. Yaawä Juan wautisaaje cönnöi.

MAADOCO 3:21

Yää eta’jäcä Jesuuquidiito jimmä wwäiñe tönwanno cöneejoto yöiña adäädö wetä, tö’jeta töwwäiñe Jesuuquidiito tö’tadö weijäcä.

JUAN 11:54

Yääje yeijäcä tacaade Jesuuquidiito äämannäjö’da töweiye cönä’jaacä judhío döiñaiñe. Judheea ñanno töwö cöntämä anejja jataaca, jata ’jemjönö jäcä amoinche’da; Eujadaín ñano cönä’jaacä yää jata. Yäätä töwö cönä’jaacä tönoowanoomadö jadäiñe.

JUAN 7:3

Yaawä Jesuuquidiito acontomo cönä’döa’to chäwwä: —Ääma’täcä; Judheea ña äjääne, iiñancomo osootoi mmaja eneiyetoode yää tönnöe määneneedö.

JUAN 7:5

Tönwanno yääje cönä’döa’to Jesuuquidiito aneecamjö’da töweichomjäcä.

JUAN 7:9

Yääje töwä’dödö’jo töwö cöno’nomjoi Caadideea ña.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.