JUAN 6:9 - Wanaadi A'deddu

⁹ —Määdhä mude’cä’cä wwä töweiye na ijaatoodea uu i’yaca’jödö, äiña döaajä; aacä na’cwacaano’cä mmaja. Jooje naato soto, cho’naiñe’da; quee cönä’döaacä Antedé.

JUAN 6:9 Iomraidhean Croise

MATEO 14:17

Tönwanno cönä’döa’to chäwwä: —Ijaatoodea uu i’yaca’jödö mma cöwwäiñe na, na’cwacaano’cä aacä mma; quee cönä’döa’to.

MATEO 16:9

¿Äntö’tammecö’da dea ca maato? ¿Chö’ta’da maato jooja’como soto ewanshincho’jocoomo jäcä ijaatoodeaato uu i’yaca’jödö que? ¿Ä’waasa wöwa mamu’täne yaawä yäädetö’jödö?

MAADOCO 6:38

Jesuuquidiito cönä’döaacä chäwwäiñe: —¿Ä’waasa’cä uu nai äwwäiñe? Yä’cä eneetantäcä; quee. Töwwäiñe eneea’jäcä ñoowanoomadö cönä’döa’to: —Ijaatoodea uu i’yaca’jödö na, na’cwacaano’cä aacä mma; quee cönä’döa’to.

MAADOCO 8:19

Yaawä ijaatoodeaato uu i’yaca’jödö öwwä ecaamoa’jäcä ijaatoodea miide soto wwäiñe, ¿ä’waasa wöwa mamu’täne yaawä yäädetö’jödö? quee cönä’döaacä Jesuuquidiito. Ñoowanoomadö cönä’döa’to: —Amoojadooto de’wä aacä; quee.

DUUCA 9:13

Jesuuquidiito cönä’döaacä chäwwäiñe: —Änwannoone ewanshinchätääcä. Tönwanno cönä’döa’to: —Ijaatoodea uu i’yaca’jödö mma cöwwäiñe na, na’cwacaano’cä aacä mma, jataaca cööto’jocoomode äwanshi ejeema, tameedä canno ewanshiñööcomo; quee cönä’döa’to.

JUAN 11:21

Yaawä Maadata cönä’döaacä Jesuuquidiito wwä: —Owaanomaanei, amäädä eetä mei’jo jiiyö ääma’da eichö cöneiyacä.

JUAN 11:32

Yaawä Jesuuquidiito döiña Madía wä’döa’jäcä tä’mudhe cönädöi ije’taca; cönä’döaacä: —Owaanomaanei, amäädä eetä mei’jo jiiyö ääma’da eichö cöneiyacä; quee cönä’döaacä.

JUAN 21:10

Jesuuquidiito cönä’döaacä chäwwäiñe: —Na’cwacancomo ene’täcä, eduuwaato ani’yädööcomo; quee.

JUAN 21:13

Yaawä Jesuuquidiito cönannäjöi yää uu; cuntui chäwwäiñe; yääje mmaja na’cwacancomo.

JUAN 21:9

Yaawä töwaajäiya’comjäcä wa’to cadainchudu tänne cöneedantoicho, na’cwacaano ye’wä tödööajä, uu mmaja.

JUAN 6:11

Yaawä Jesuuquidiito uu cönannäjöi. Chääjäcä töwa’deuwödö’jo cuntui tönoowanoomadö wwäiñe; ñanno cöneecamoicho yaawä soto wataajima’como wwäiñe. Yääje mmaja cönnöi chea na’cwacancomo, imjummadööcomo wa’cä.

JUAN 6:7

Yaawä Jediipe cönä’döaacä: —Amoojadä sotooto ’cäwa’cä jödaata chääwa’cä’da dea eijai ña canno ewanshiñööcomo ejeematoojoje, shemeiñaasai ecaamotaame; quee cönä’döaacä Jediipe.

2 CODINTIYO 8:9

Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.

APOOCADIISI 6:6

A’deu wetaaquene yaawä ñanno aacäicheea’como amoode’na’como do’tacaiñe; edääje cönäätaacä: —Tooni ecauwö’jödö uu, tooni anooto wetaadawa’cajoojä ’cäwa’cä täje yeichö. Aacä ecauwö’jödö äiña, tooni anooto wetaadawa’cajoojä ’cäwa’cä täje yeichö. Chaatö mmaane mämmacuudäi, chääjedöödö eccudu mmaja; quee a’deu cönäätaacä.