JUAN 6:71 - Wanaadi A'deddu

⁷¹ Töwö yääje cönä’döaacä Juudha Icaadiyoote ecammancädä, ñäädä Simón nnedö; ñäädä cönä’jaacä Jesuuquidiito u’neije töweiyemö. Töwö cönä’jaacä ñanno amoojadooto de’wä aaco’como jimmä dea.

JUAN 6:71 Iomraidhean Croise

MATEO 10:2

Edä yää ñanno amoojadooto de’wä aaco’como anonta’como eetöcoomo: Awa’de Simón, Peedhodooje mmaja töwö chäätö; yää ’jeje dhacoono Antedé; yää ’jeje Jacoowo, ñäädä Seewedheeo nnedö; dhacoono Juan mmaja;

MATEO 10:4

Simón mmaja, ñäädä jäduujato wa’deuwödö; Juudha Icaadiyoote mmaja, ñäädä Jesuuquidiito u’nei’jödö.

MAADOCO 14:10

Yääje mma yaawä Juudha Icaadiyoote, ñäädä amoojadooto de’wä aaco’como jimmä, cöntämä Wanaadi wwä töwa’deuwaamo edhaajotoncomo döiñaiñe, chäwwäiñe Jesuuquidiito u’jai töweichö ecamma.

JUAN 12:4

Yaawä Jesuuquidiito nowaanomaadö cöna’deuwöi, ñäädä Juudha Icaadiyoote täätö, Simón nnedö; ñäädä dea cönä’jaacä Jesuuquidiito u’neije töweiyemö. Töwö cönä’döaacä:

JUAN 13:2

Yaawä odo’sha cönääwaacai Juudha Icaadiyoote tö’tajäätödö aca, ñäädä Simón nnedö, Jesuuquidiito utuudu jäcä chö’tamme’jodö wetä chäwwä. Jesuuquidiito dhowaanäcä cönä’jaacä Wanaadi jonno töweejö’jödö, Wanaadi döiña töötotoojo mmaja; dhowaanäcä cönä’ja’dea Tumö nutuudu töwwä tameedä o’jodhe töweichojo. Yaawä töwääwashinchädaawäiñe Jesuuquidiito cönammöi meesa dö’tonno. Töwoomö de’wono cunu’cai; tö’dhau’cwäcä jaañu que cönä’möi yaawä.

JUAN 13:26

Jesuuquidiito cöneccujä’acä: —Ñäädä uu i’jiyaajä chäwwä wu’a’dedö, ñäädä ñäädä; quee cönä’döaacä. Yaawä uu cöni’ji; cuntui yaawä Juudha Icaadiyoote wwä, ñäädä Simón nnedö wwä.

JUAN 2:2

Jesuuquidiito mmaja, ñoowanoomadö mmaja cönaata’dejjajoicho dea jötaanä tödöödö döiña.

JUAN 20:24

Tomá, ñäädä amoojadooto de’wä aaco’como Jesuuquidiito nowaanomaadö jimmä dea, chääjadäiñe’da cönä’jaacä Jesuuquidiito wäänejoodawä. Ñäädä töne’tä cönä’ja’to Canaacuje.

JUAN 6:64

Yääje yeichaame änwanno dhantai aneecamjö’da dea maato; quee cönä’döaacä Jesuuquidiito. Töwö Jesuuquidiito jenaadäde dhowaanäcä cönä’jaacä ñanno aneecanö’jöncomo, tu’neije töweiyemö mmaja.

JUAN 6:70

Yaawä Jesuuquidiito cönä’döaacä chäwwä: —Öwö dea sootoije mane’tätääne, änwanno amoojadooto de’wä aacä maatoodö. Yääje yeichaame tooni adhantawäiñe odo’shaje na; quee.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

JUUDHA 1:4

Anejjacoomo Wanaadi woijemjöncomo tacaade’da cantawäiñe yääwaaca’como töweiye naato. Jenaadä dea ñanno wännanö’to’como cönäätäcammai Wanaadi a’deddu imennaajä jäcä. Tönwanno aashicha Wanaadi weichö tönnöe weneeneto conemjönö tönnöto’comooje. Ñäädä Wanaadi, tooniyaano Cädhaajotoncomo, tömjo’ma weneeneto, Cädhaajotoncomo Jesuuquidiito mmaja.