JUAN 6:70 - Wanaadi A'deddu

⁷⁰ Yaawä Jesuuquidiito cönä’döaacä chäwwä: —Öwö dea sootoije mane’tätääne, änwanno amoojadooto de’wä aacä maatoodö. Yääje yeichaame tooni adhantawäiñe odo’shaje na; quee.

JUAN 6:70 Iomraidhean Croise

JUAN 13:18

“Tameedä’da äwwäiñe ya’deuwa; öwö yoowanääcä naato neichö. Yääje yeichaame Wanaadi a’deddu imennaajä naadöje dea neja’dä’a’de. Edääje nä’döa yää imennaajä: “Ñäädä jaadono wääwashinchädö dea yeema’se na;” quee imennaajä nä’döa.

JUAN 13:2

Yaawä odo’sha cönääwaacai Juudha Icaadiyoote tö’tajäätödö aca, ñäädä Simón nnedö, Jesuuquidiito utuudu jäcä chö’tamme’jodö wetä chäwwä. Jesuuquidiito dhowaanäcä cönä’jaacä Wanaadi jonno töweejö’jödö, Wanaadi döiña töötotoojo mmaja; dhowaanäcä cönä’ja’dea Tumö nutuudu töwwä tameedä o’jodhe töweichojo. Yaawä töwääwashinchädaawäiñe Jesuuquidiito cönammöi meesa dö’tonno. Töwoomö de’wono cunu’cai; tö’dhau’cwäcä jaañu que cönä’möi yaawä.

JUAN 13:21

Yääje töwa’deuwödö’jo Jesuuquidiito cone’da cönä’döjoi jooje. Töwö cönä’döaacä: —Chäänönge yääje wä’döa äwwäiñe, töweiye na adhantawäiñe yu’nei; quee.

JUAN 13:27

Yaawä uu enaajödö ncäcäädä Caajuushawa cönääwaacai Juudha aca. Yaawä Jesuuquidiito cönä’döaacä Juudha wwä: —Ma’da’cä tödööcä mädä äwwä tödööemö; quee cönä’döaacä.

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

JUAN 15:19

Edä nono de’woncomo jimmäje meicho’jo yaawääne äjummajaiñe naato, töjimmotoncomo tumjumma weneenetoodöje dea. Tönwanno aquiiñeme’cato töjimmotoncomooje’da aweijäcäiñe, chääjadäiñe aweichöcoomo jonno ayu’ca’jocoomo weijäcä öwwä.

JUAN 17:12

Chääjadäiñe edä nono de’wä weichö amäädä äjäädudu que töneedai’chäiñe wä’jaaquento canno öwwä mu’netoodö. Tooni’chä ännamjo’da na; ñäädä mma cönännamjöi, töwännanö’emööje cönä’ja’dö mma, adha’deddu imennaajä wä’dödö nönge yeichö wetä.

JUAN 2:2

Jesuuquidiito mmaja, ñoowanoomadö mmaja cönaata’dejjajoicho dea jötaanä tödöödö döiña.

JUAN 20:24

Tomá, ñäädä amoojadooto de’wä aaco’como Jesuuquidiito nowaanomaadö jimmä dea, chääjadäiñe’da cönä’jaacä Jesuuquidiito wäänejoodawä. Ñäädä töne’tä cönä’ja’to Canaacuje.

JUAN 6:64

Yääje yeichaame änwanno dhantai aneecamjö’da dea maato; quee cönä’döaacä Jesuuquidiito. Töwö Jesuuquidiito jenaadäde dhowaanäcä cönä’jaacä ñanno aneecanö’jöncomo, tu’neije töweiyemö mmaja.

JUAN 6:67

Yaawä Jesuuquidiito cönä’döaacä ñanno amoojadooto de’wä aaco’como tönoowanoomadö wwäiñe: —¿Änwanno mmaja cösancwatantäi’chede? quee.

JUAN 6:71

Töwö yääje cönä’döaacä Juudha Icaadiyoote ecammancädä, ñäädä Simón nnedö; ñäädä cönä’jaacä Jesuuquidiito u’neije töweiyemö. Töwö cönä’jaacä ñanno amoojadooto de’wä aaco’como jimmä dea.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

DOSECHO 1:17

Ñäädä Juudha cöjimmotoncomooje cönä’jaacä; cöjaadäiñe töwäämannä’e cönä’ja’dea.

DOSECHO 13:10

cönä’döaacä chäwwä: —Amäädä äncu’tänei, yännanö’ajä mmaja, odo’sha nnedö. Tameedä aashichaato tödöödö tu’de’tänei amäädä dea. ¿Ane’que’nei ane’nomja’da manä Wanaadi a’deddu sa’donnato ashiichuudädö?

1 TIIMOTEO 3:11

Wodiiñamo mmaja tacu’shänäiche eijai ñaato dea, wätunnä dha’me’da mmaja, wataasheje’da’da mmaja; tameedä töweichöcoomo jäcä chäänönge eijai ñaato.

TIITO 2:3

Chäänönge mmaja ñanno no’sancomo, nontätä mmaja eijai ñaato dea, wätunnä dha’me’da mmaja, ä’dacu’da mmaja. Aashicha weiñä jäcä owaanomannamooje eijai ñaato,

1 JUAN 3:8

Ñäädä conemjönö acaadä töweiyato mmaane odo’sha sotoi ñäädä, conemjönö tödööneiñe odo’sha yeiyajä yaajäntä’jödö jonnoto’jödöödä. Yääjatooje Wanaadi nnedö cöneejä, odo’sha nödöödö emaaneije.