JUAN 6:60 - Wanaadi A'deddu

⁶⁰ Yää eta’jäcä ñoowanoomadö wwäiñe tönwanno dhantai cönä’döa’to: —Äätaque’jönö mädä ecammajäätödö. ¿Änääcö mädä etaajai ñai? quee.

JUAN 6:60 Iomraidhean Croise

MATEO 11:6

Ta’cwaiñe eijai ña ñäädä chäänöngeedä yeecanö’nei; quee cönä’döaacä Jesuuquidiito Juan nowaanomaadö wwäiñe.

JUAN 2:2

Jesuuquidiito mmaja, ñoowanoomadö mmaja cönaata’dejjajoicho dea jötaanä tödöödö döiña.

JUAN 5:25

Chäänönge yääje wä’döa äwwäiñe, chu’nädö aca wä’dönääje na eduuwa yä’ja’a’como nönga’como wwä etaatojo Wanaadi nnedö a’deddu. Ñanno etannamo’jödö wwäiñe töweiye na’de yeichöcoomo.

JUAN 6:52

Yaawä judhíocoomo tönwannoje dea cöna’deuwa’to: —¿Aaquene mmaja tujuunu cöwwäiñe äntudu deaade’ tänäädö wetä cöwwäiñe? quee cönä’döa’to.

JUAN 6:64

Yääje yeichaame änwanno dhantai aneecamjö’da dea maato; quee cönä’döaacä Jesuuquidiito. Töwö Jesuuquidiito jenaadäde dhowaanäcä cönä’jaacä ñanno aneecanö’jöncomo, tu’neije töweiyemö mmaja.

JUAN 6:66

Yää etaadö’jo ñoowanoomadö wwäiñe tönwanno dhantai cöne’nomjaicho; chääjadä töwei’sheiñe’da cönä’ja’to yaawä.

JUAN 7:3

Yaawä Jesuuquidiito acontomo cönä’döa’to chäwwä: —Ääma’täcä; Judheea ña äjääne, iiñancomo osootoi mmaja eneiyetoode yää tönnöe määneneedö.

JUAN 8:31

Yää ’jeje Jesuuquidiito cönä’döaacä ñanno judhío täcaanö’nnamo wwäiñe: —Ya’deddu woije dea aweiya’comjäcä noowanoomadö chäänönga’comooje eijai maato yaawä.

JUAN 8:43

¿Ane’que’nei aashicha aneeta’da maato neecammajäätödö? Etaajai’cha aweichöcoomo mmädä mädä.

EEWEDEO 5:11

Yää jäcä jooje sö’jato täcammajä’emö töweiye naadö’je ñaa wwä; yaawääne’, äwwäiñe ecammaque’jönö na, aashicha etaajai’chaane aweiya’como.

2 PEEDHODO 3:16

Mädääje dea töjaajedai tömmennä weneene töwö, mädä jäcä imennädö waadäi. Aneetaja äätaque’jönö immennä’jödö weneene. Ñanno towaanojo’nemjöncomo, jäduujemjöncomo mmaja, yää immennädö äätaque’jönö tönaashichuudäiñe weneeneto töwännanö’to’comooje mma, anejja Wanaadi a’deddu imennaajä tönnöe weneenetoodöje dea.