JUAN 6:57 - Wanaadi A'deddu

⁵⁷ Ñäädä yaanontänei’jödö wwä töweiye na do’ta; öwö töweiye wäänene töwö inchudu que. Yääje mmaja ñäädä öwö jääcuinchato, öwö untudu que yeichojo na’de.

JUAN 6:57 Iomraidhean Croise

MATEO 16:16

Yaawä Simón Peedhodo cönä’döaacä: —Äwaanacaanei amäädä, Wanaadi nudooto nnedö; quee cönä’döaacä.

JUAN 14:19

Numa’da mma na eduuwa eetä weichojo, yäätonno yaawä edä nono de’woncomo yeene’da naato’de; änwanno mmaane cäneeato’de. Öwö nudä weijäcä änwanno nudä mmaja maato’dede.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

JUAN 3:17

Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.

JUAN 5:26

Jaaja wwä töweiye do’ta u’tojo. Töwö Tönnedö wwä cuntui chea do’ta u’tojo.

JUAN 6:29

Jesuuquidiito cönä’döaacä: —Edä yää Wanaadi tadaawaajui tödöödö, töwö dhanoonö ecamjödö; quee.

JUAN 6:38

Öwö caju ñanno we’ne öwö woijato tödööe’da, yaanontänei’jödö woijeene.

1 CODINTIYO 15:22

Adhán atöödöje cöweichomjäcä tameedä töwä’ja’aamoje caato. Quidiito jadä cöweichomjäcä daja cöweichöcoomo yeichöödoto töweiye na eduuwa.

1 CODINTIYO 15:45

Edääje Wanaadi a’deddu imennaajä nä’döa: “Ñäädä Adhán, awa’deenato dhanwa cönä’ja’dö, soto nudootoje cönä’döi;” quee nä’döa. Yä’cadööjato Adhán mmaane weichojo u’neije na, ñäädä Quidiito.

2 CODINTIYO 13:4

Töwö cuduusa jäcä cönaatajoijoi jäduujemjönö nönge; yääje yeichaame Wanaadi jäduudu woije nudä na eduwwa. Ñaa mmaja jäduuje’da ñaa na dea, töwö cönä’ja’döje mmaja; yääje yeichaame Quidiito jadä ñaa weijäcä Wanaadi jäduudu que ñaa weichö na’de, ä’wa’tännamooje ñaa weichö wetä.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

1 TEESADOONISENSE 1:9

Tönwanno dea töneecammajä’e weneeneto aashicha äwwäiñe ñaa dö’jödö, äwwäiñe chu’taajä jummadö e’nomja’jödö mmaja Wanaadi ijummadö wetä, shootoije äwä’dödööcomo wetä, ñäädä nudooto, chäänöngato mmaja.

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

1 JUAN 4:9

Edä nono de’wä Tönnedö tooniyaano anontädö que Wanaadi cöwwäiñe cöneenejoi töwwä cujummadööcomo. Töwö Tönnedö cönaanontäi cöweichöcoomo u’neije.