JUAN 6:51 - Wanaadi A'deddu

⁵¹ Öwö ñäädä uu neene, caju ñano we’ajä. Ñäädä edä täu’nei yeichöje töweiye na’de. Öwö yeejö wu’a’de tameedä soto weicho’comooje; quee cönä’döaacä Jesuuquidiito chäwwäiñe.

JUAN 6:51 Iomraidhean Croise

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

DUUCA 22:19

Uu daja cönannäjöi chea yaawä. Chääjäcä töwa’deuwö’jeje, cöni’yajäätöi. Chäwwäiñe cuntui yaawä; cönä’döaacä: —Edä yää yeejö, äjääcäinchädäiñe tu’emö. Edääje tödöötäcä’de jääcä ätö’tato’comooje; quee.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:29

Yää jenamma naadöje Juan cöneeneaacä Jesuuquidiito töwwadäädä yeejödö. Töwö Juan cönä’döaacä yaawä: —Eneetäcä, määdhä ñäädä Oweeja nnedö’cä nöngato, Wanaadi nanontädö, tameedä soto cone’nadiiyöcoomo coccanei.

JUAN 11:26

Ñäädä öwö yeecanö’nei ääma’da na’de yeichöje. ¿Yääje yeichö mecaanö’anä amäädä? quee cönä’döaacä Jesuuquidiito.

JUAN 3:13

“A’que na caju ñano wäncudu ’je’da, ñäädä Soto nnedö mmaane, caju ñanno cönä’täichö dea.

JUAN 3:14

Jata ’jemjönö aca töweichö Moisé äcääyu cönannäjöichöje mmaja Soto nnedö natannä’ja’de.

JUAN 3:16

“Wanaadi tameedä soto cumjumma’to jooje, chääjäcäinchädäiñe Tönnedö yäätonno ’jemjönö tu’ene’jödöödä. Iiñedö ecaanö’nei ännamjö’da na’de, yeichö töwaatamemjönö töweiye na.

JUAN 3:36

Ñäädä Iiñedö ecaanö’nei, yeichö töwaatamemjönö töweiye na. Ñäädä Iiñedö ecamjö’semjönö ’quene, töweichö aneene’da na’de; Wanaadi wwä töwäätä’maminchajoomöje mma na.

JUAN 5:24

“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.

JUAN 6:33

Wanaadi nutuudu yää uu caju ñano we’ajä, tameedä soto weicho’comooje; quee cönä’döaacä Jesuuquidiito.

JUAN 6:35

Jesuuquidiito cönä’döaacä: —Öwö ñäädä weichojo uu. Ñäädä öwwadoodono we’ajä ämiije’da na’de; öwö yeecanö’nei emjätö’se’da na’dede.

JUAN 6:41

Yaawä judhíocoomo chääjäcä cönenta’me’ca’to, yääje yä’dö’jödö weijäcä: “Öwö ñäädä uu caju ñano we’ajä;” quee yä’dö’jödö weijäcä.

JUAN 6:47

Chäänönge yääje wä’döa äwwäiñe, öwö yeecanö’nei wwä töweiye na töwaatamemjönö yeichojo.

JUAN 6:48

Öwö ñäädä weichojo uu.

JUAN 6:50

Yää caju ñano we’ajä uu wecammannö täu’nei mmaane ääma’da na’de.

JUAN 7:38

Ñäädä yeecanö’nei do’tadö ai neja’ca’de weichojo tuna, Wanaadi a’deddu imennaajä wä’dödö nönge dea; quee cönä’döaacä.

2 CODINTIYO 5:19

Edääje wä’dö’se weichö mädä: Töwö Wanaadi töjaadä ääweichacoonoje edä nono de’woncomo cönnöicho Quidiito ai; ñeejeque’näjöödöcoomoje choone’nadiiyöcoomo ännö’da cöneiyacä. Ñaa tadaawaajuije cuntui töjaadä ääweichacoonoje wä’dönä jäcä ecammajäätödö.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

EUJEESIYO 5:25

Ñäädä tö’dhato töjiiñamo ijummajai ña, Quidiito quedeiyentecoomo cumjummaichodööje mmaja, chääjäcäinchädäiñe töwä’tudu jonaane.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 10:20

Jesuuquidiito töwäämadö que yää taca cöwoomonto’como cöna’ducai Wanaadi weichojo nejoonö ai. Yää Wanaadi weichojo nejoonö weshiichadö cönä’jaacä Jesuuquidiito wäämadö cu’tädööje.

1 PEEDHODO 2:4

Jesuuquidiito wwadäädä ä’täcä. Töwö na täju yeichöödoto töweiye naichöje. Sotoocomo cönquiiñemeecöicho, Wanaadi mmaane cönei, chäwwä tujunne na.

1 JUAN 2:2

Töwö Jesuuquidiito na saaquidiijiisiyooje, cöcoone’nadiiyöcoomo choccatoojoje; cönwanno cöcoone’nadiiyöcoomo choccatoojo mmajöönö, tameedä edä nono de’woncomo cone’nadiiyöcoomo mmajaane.

1 JUAN 4:10

Edä yää wä’jummanä neene jaiñoone, cöwwäiñe Wanaadi jummadööjönööne, töwö chäwwä cujummadööcomoone. Töwö Wanaadi Tönnedö cönaanontäi saaquidiijiisiyooje töwä’tueemöje, cöcoone’nadiiyöcoomo choccatoojoje.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.