JUAN 6:45 - Wanaadi A'deddu

⁴⁵ Edääje nä’döa Wanaadi wa’deuwödö ecammannamo nimenno’jocoomo jäcä: “Tameedä noowanoomajaato’de Wanaadi wwä;” quee nä’döa. Ñäädä Jaaja a’deddu etaanei, Jaaja nowaanomaadö mmaja, ñäädä ne’a öwwadäädä.

JUAN 6:45 Iomraidhean Croise

MATEO 11:27

Yääje mma yaawä Jesuuquidiito cönä’döaacä soto wwäiñe: —Jaaja cuntui öwwä cajiichaanaje weichojo. Anejja owaanäcä’da na Iiñedö; Yuumö mmaane dhowaanäcä. Yuumö owaanäcä’da mmaja; Iiñedo mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö.

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

MAADOCO 1:2

Edääje cömmennäi Isaía, ñäädä Wanaadi wa’deuwödö ecammanei: Öwö, Wanaadi, yaanonö wanonta’de odhoowajo, adheemadö choonecaaneije.

DUUCA 1:70

Jenaadä dea töwö Wanaadi mädä cöneecammajoi töwa’deuwödö ecammannamo aashicha’como wwäiñe.

DUUCA 18:31

Yaawä Jesuuquidiito töudäje cönaadoicho ñanno amoojadooto de’wä aaco’como tönaanontädö. Töwö cönä’döaacä chäwwäiñe: —Jeduusadén ña cöötaato eduuwa. Iiña tameedä chäänönge nä’döa’de Soto nnedö jäcä Wanaadi wa’deuwödö ecammannamo nimennä’jocoomo.

JUAN 10:27

Öwö sootoi ya’deddu töneeta weneeneto, tädhaajä a’deddu oweeja töneeta töweiye naichodööje. Yoowanääcä tönwanno; tönwanno öncäcä töötä weneeneto.

JUAN 6:37

Tameedä öwwonooje Jaaja nutuudu ne’a öwwadäädä. Ñäädä öwwadoodono we’ajä änquiiñemeecö’da wa.

JUAN 6:65

Töwö cönä’döaacä: —Yääje yeijäcä yääje wä’döaanä äwwäiñe, anejja e’jai’cha na öwwadäädä Jaaja nenno’jadööje’da yeiya’jäcä; quee cönä’döaacä.

DOSECHO 13:40

Yääje yeijäcä odhoowoinchadäiñe’da eichäcä, Wanaadi wa’deuwödö ecammannamo cöneecamma’todööje mma meicho’no. Edääje ñanno cömmennoicho:

DOSECHO 7:42

Wanaadi cöneetömaicho yaawä, shidiichä caju ñancomo töwaanadiiyöcoomoje tödöödö wetä chäwwäiñe. Mädääje dea imennaajä wä’dödö na, Wanaadi wa’deuwödö ecammannamo nimenno’jocoomo. Edääje nä’döa yää imennaajä: Änwanno Iisadaaeeda weichö, öwwonooje’da saaquidiijiisiyooje tödööemö tönaamiiñä’ca mä’ja’quene aacä soto wedu jata ’jemjönö aca aweichöcoomo.

EUJEESIYO 1:17

Wanaadi nödöödö jäcä asejjetaato’como töne’ca’e wäänene Cädhaajotoncomo Jesuuquidiito wwä. Tameedä Wanaadi nödöödö tö’tamme’tojo töne’ca’e wäänene dea; yaawä aashicha’cä jeene Wanaadi odhoowanääcäiñe eijai ña.

JIDIIPENSE 3:15

Yääje yeijäcä cönwannoodä, chäänönge caatoodö, mädääje cötö’tajä’täiye. Aneiñaja ätö’tajäätödööcomo yeiya’jäcä mmaane yää mmaja Wanaadi nisha’dumincha’da äwwäiñe.

1 TEESADOONISENSE 4:9

Töweichacoono ijummadö jäcä mmaane äwwadäädäiñe tömennämje’da na; Wanaadi chea odhoowanoomatäiñe weneene äwä’jummadööcomo jäcä.

EEWEDEO 10:16

Yääje Cajiichaana nä’döa: Edääje na’de chäwwäiñe neecammadö yää cu’nädaawä. Öwö ya’deddu wödööa’de chääwanööcomo jäcä, chö’tajäätödööcomo jäcä wimenna’de; quee Cajiichaana wä’dödö Epíiditu Santo necammadö na.

1 JUAN 2:27

Änwanno Epíiditu Santo ’je maato, ñäädä Jesuuquidiito nutuudu äwwäiñe. Yääje yeijäcä odhoowanoomaneichomo tujunne’da na, töwö Epíiditu Santo dea tameedä odhoowanoomatäiñe yeijäcä. Chäänönge ñäädä Epíiditu Santo nowaanomaadö, wätäncu’tänääjönö. Yääje yeijäcä Quidiito jadä eichäcä, Epíiditu Santo nowaanomaadö nönge deaane.