JUAN 6:40 - Wanaadi A'deddu

⁴⁰ Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

JUAN 6:40 Iomraidhean Croise

MATEO 10:15

Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja.

MATEO 25:46

Ñanno conemjöncomo nötaato’de yaawä töwäntunaanö’to’como töwaatamemjönö aca. Chäänönga’como mmaane nötaato’de aashicha töweicho’como aca daja; quee cönä’döaacä Jesuuquidiito.

MAADOCO 16:16

Ñäädä ecaanö’nei, wautisaaje yä’dödö, nääwanaaca’de. Aneecanö’jönö mmaane nännanö’a’de.

DUUCA 2:30

Eduuwa weneeanä Äwaanacaanei,

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 10:28

Öwö wu’a chäwwäiñe töwaatamemjönö weichojo. Tönwanno ännamjö’da naato’de yeichöje. Anejja sootoi che yenwajiiñajai’cha na.

JUAN 11:24

Maadata cöneccujä’acä: —Yoowanääcä na yaadoncatoojo, yä’ja’a’como waadoncato’como anooto awä, anooto wataamedaawä; quee cönä’döaacä.

JUAN 11:25

Jesuuquidiito cönä’döaacä chäwwä: —Öwö ñäädä töwäämaajo jonno weja’canä edhaajä, do’ta edhaajä mmaja. Ñäädä yeecanö’nei, töwääma’jödö weichaame naadonca’de.

JUAN 12:45

Ñäädä öwö yeenenei, neneea dea yaanontänei’jödö.

JUAN 12:50

Yoowanääcä na Jaaja waanontädö yeichöödäje weichojooje yeichö. Yääje yeijäcä Jaaja waanontädö woije töwa’deuwe wäänene; quee cönä’döaacä Jesuuquidiito.

JUAN 14:17

Edä nono de’woncomo ñäädä ijummajai’cha naato, aneene’da yeichomjäcä, dhowaanäcäiñe’da yeichomjäcä mmaja. Änwanno mmaane odhoowanääcäiñe na, ajaadäiñe yeijäcä; töwö yeichöje ataacaiñe na’de.

JUAN 14:19

Numa’da mma na eduuwa eetä weichojo, yäätonno yaawä edä nono de’woncomo yeene’da naato’de; änwanno mmaane cäneeato’de. Öwö nudä weijäcä änwanno nudä mmaja maato’dede.

JUAN 17:2

Amäädä Ännedö wwä mu’ne tameedä soto e’jodheiñe yeichojo, yeichöödoto weiñä utuiye yaawä tameedä chäwwä mu’netoodö wwäiñe.

JUAN 3:36

Ñäädä Iiñedö ecaanö’nei, yeichö töwaatamemjönö töweiye na. Ñäädä Iiñedö ecamjö’semjönö ’quene, töweichö aneene’da na’de; Wanaadi wwä töwäätä’maminchajoomöje mma na.

JUAN 4:14

Öwö untudu ennei mmaane emjätö’se’da na’de yaawä yeichöje. Öwö untudu na’de tuna weja’catoojo nönge yo’taca, yeichöödäje yeichojooje; quee cönä’döaacä Jesuuquidiito.

JUAN 5:24

“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.

JUAN 6:27

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

JUAN 6:39

Jaaja, yaanontänei’jödö woije dea tooni’chä anennanö’ca’da wa’de ñanno öwwä inchudu; öwö wadoncaato’de yaawä anooto wataamedaawä.

JUAN 6:44

Anejja e’jai’cha na öwwadäädä ñäädä Jaaja yaanontänei’jödö nenno’jadööje’da yeiya’jäcä; öwö wadonca’de yaawä anooto wataamedaawä.

JUAN 6:54

Ñäädä juunu tänäänei, yaaquiyö ennei mmaja, töwaatamemjönö yeichojo töweiye na; öwö wadonca’de yaawä anooto wataamedaawä.

JUAN 8:56

Ñäädä adhaadai’choncomo Aawadán öwö woomocöödöje töweiye cönä’jaacä, weejödö ene’se töweijäcä. Töwö cöneeneaacä weejödö; cöna’cwainchai yaawä; quee cönä’döaacä Jesuuquidiito.

DOMAANO 5:21

Conemjönö woijatooje wäämanä o’jodhe töweiye cönä’jaacä; eduuwa aashicha Wanaadi weichö woije daja chääjadoonoje cä’döjaato, yeichöödoto cöweicho’como töweiye yeichö wetä Cädhaajotoncomo Jesuuquidiito jäcäinchädä.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

EEWEDEO 11:1

¿Aaquene töwä’dö’se yeichö mädä ecamjödö ’je weiñä quee ’ja? Ecamjödö yää töwoomo’quemö töwwä yä’tutoojo towaanäcä weiñä, äänejöönö ene’ju’tojo mmaja.

EEWEDEO 11:27

Ecamjödö que mmaja Moisé cöntämä Ejiito ñanno, yää nonoodö cajiichaanai’chädö wäätömaadö onnontä’da. Yäätäädä Moisé cönä’jädu’taacä, Wanaadi töwäänemjönö töwwä ene’dawooto wa’cä.

1 PEEDHODO 1:8

Ñäädä Jesuuquidiito mijummaato eneedö’jo’da; eduuwa aneene’da aweichaameiñe mmaja mecaanö’ato, ta’cwaiñe aweiyancädäiñe, yää ecammadö e’jodhaato a’cwani aashichaato que.

1 JUAN 2:25

Töwö Jesuuquidiito dea cöneecammai cöwwäiñe cöweichöcoomo töwaatamemjönö.

JUUDHA 1:21

Wanaadi nijummadööje eichäcä. Töwäämaamöje’da cöweicho’como utuutojo anootoi’chädö yoomo’täcä, yää wentumje äneetä töweichö woije Jesuuquidiito cöwwäiñe nu’a’dedö.