JUAN 6:39 - Wanaadi A'deddu

³⁹ Jaaja, yaanontänei’jödö woije dea tooni’chä anennanö’ca’da wa’de ñanno öwwä inchudu; öwö wadoncaato’de yaawä anooto wataamedaawä.

JUAN 6:39 Iomraidhean Croise

MATEO 10:15

Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja.

MATEO 18:14

Mädääje dea Oomotoncomo caju ñano tooni yännamjö’se’da na canno’cä.

DUUCA 12:32

“Tösaade’daane eichäcä, änwanno sootoi, oweeja nönga’como. Wanna’da aweichaameiñe Oomotoncomo acaajichaanaichomooje na.

JUAN 12:48

Ñäädä quiiñeme’nei, ya’deddu ämjummajöönö, nätämmencaja’de. Anooto wataamedaawä töwö nätämmencaja’de yää eduuwa töwa’deuwe wääneneedö eta’jödö weijäcä töwwä.

JUAN 17:12

Chääjadäiñe edä nono de’wä weichö amäädä äjäädudu que töneedai’chäiñe wä’jaaquento canno öwwä mu’netoodö. Tooni’chä ännamjo’da na; ñäädä mma cönännamjöi, töwännanö’emööje cönä’ja’dö mma, adha’deddu imennaajä wä’dödö nönge yeichö wetä.

JUAN 17:2

Amäädä Ännedö wwä mu’ne tameedä soto e’jodheiñe yeichojo, yeichöödoto weiñä utuiye yaawä tameedä chäwwä mu’netoodö wwäiñe.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

JUAN 17:6

“Aashicha aweichö öwö weneejone ñanno edä nono de’woncomo antawonnoiñe öwwä mu’netoodö wwäiñe. Amäädä äwwoncomooje cönä’ja’to; öwwä mu’neto yaawä. Tönwanno adha’deddu woije cönnöicho.

JUAN 17:9

“Ñanno jäcäinchädäiñe äwwä ya’deuwa eduuwa; edä nono de’woncomo jäcäiñe mmaane a’deuwö’da wa. Öwwä mu’netoodö jäcäiñeene ya’deuwa, amäädä äwwoncomooje yeichomjäcä.

JUAN 18:9

Töwö mädääje cönä’döaacä töwa’deuwö’jödö nönge yeichö wetä: “Canno Jaaja nutuudu öwwä tooni’chä ännamjö’da na;” quee cönä’döa’dö.

JUAN 5:28

Mädä wa’deuwödö jäcä määcatoncatäi; aneedawä na’de äwa acancomo wwä etaatojo Soto nnedö a’deddu.

JUAN 6:37

Tameedä öwwonooje Jaaja nutuudu ne’a öwwadäädä. Ñäädä öwwadoodono we’ajä änquiiñemeecö’da wa.

JUAN 6:40

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

JUAN 6:44

Anejja e’jai’cha na öwwadäädä ñäädä Jaaja yaanontänei’jödö nenno’jadööje’da yeiya’jäcä; öwö wadonca’de yaawä anooto wataamedaawä.

JUAN 6:54

Ñäädä juunu tänäänei, yaaquiyö ennei mmaja, töwaatamemjönö yeichojo töweiye na; öwö wadonca’de yaawä anooto wataamedaawä.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

1 CODINTIYO 6:14

Wanaadi yäämaajo jonno Cajiichaana Jesuuquidiito cönaadoncaichöje mmaja töjäädudu que cadoncaato’de cönwanno.

2 TIIMOTEO 2:19

Yääje yeichaame Wanaadi a’deddu yäätäädä na, yo’wadö töweiye naichöje. Edääje na chääjäcä imennaajä: “Cajiichaana dhowaanäcä na töwwoncomo;” quee. Edääje mmaja imennaajä nä’döa dea: “Ñäädä Quidiito sotoije yäätä’taajä nä’sancwa’ñojo conemjönö jonno;” quee.

SANTIYAACO 5:15

Ecamjödö que ya’deuwa’comjäcä cädäijato nääwanaaca’de; Cajiichaana nadonca’de. Choone’nadiiyö töweiye yeiya’jäcä nätäncwannä’ja’de.

1 PEEDHODO 1:5

Änwanno Wanaadi töneecanö’e aweichomjäcä töwö töjäädudu que adheedai’chätäiñe weneene, äwääwanaacato’como ejoodödö wetä äwwäiñe, yää yaatameedawä täneejoomöje naadö.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.